Ajngeli za decu

Vu zadnje vreme vu Varaždinu je moči videti ajngele, i to ne sam po cerkvama i muzejima. Ajngeli su zišli med dobre ljude, i saki den ih je moči videti na Korzu. Kak i si ajngeli, i ovi imaju zadatka , a to je pomoči deci tam di im je najtežeše – vu bolnici.

Reč je o akciji ”Ajngeli za decu” šteru su pokrenuli Društvo naša deca i varaždinsko Udruženje obrtnika. Varaždinska obrtnica Biljana Rak je napravila hiljadu ajngelov, (kaj sigurno nije bil mali posel), a članovi Društva naša deca su jih svojim rukami ofarbali. Si penezi od prodaje ideju za akciju Za osmeh deteta vu bolnici, šterom se oče pomoči deci kaj vu ovo blagdansko vreme moraju biti po bolnicami. Če i sami očete pomoči kaj bi ti ajngeli mogli obaviti svojega posla morete simboličnim prilogom kupiti šterega od njih. Za to imate priliku do 24. prosinca na varaždinskom Korzu, vu hiži Deda Mraza i vu prostorijama Društva naša deca.

About the author

Rodil sam se vu Varaždinu, gdi sam zbavil osnovnu školu. Za srednju školu sam moral iti malo dale, do Ivanca. Tam su me nafčili kak s penezimi delati, račune plačati i knjigovodstvo tirati, bumo rekli - kak ekonomistom biti. Dok sam se štel još vučiti sam moral još dalje potegnuti - do Zagreba. Tam su me na Filozofskom fakultetu nafčili puno knjig čitati i filozofiju i književnost tirati. Ja sam pak još i bibliotekatsvo naganjal, tak da ve delam vu školi kakti knjižničar. Vu slobodno vreme čitam, pomalo nekaj pišem i španceram se.