Stari pajdaši

Štiri pajdaša jene generacije

si tam ziz pedeset i nekatere

se su delili puni zafrkancije

negdar i onak brez određene mere.

 

Naviek su skup bili i pili

često svadili na svom plotu

pak se žestili i fest hrustili

vodili prave bitke vu Belotu.

 

Furt skup i u boj su krenuli po kmice

v rat za slobodu i ubavu domovinu

čez pitome brege do gmajne i ravnice

za boljše zutra sima, majki i sinu.

 

Denes doklam veter puše čez bukov lug

gibje se listje akacije, a studen ni menjša

jeno zbrazdano lice gledi v dolini cug

ter se pita: kam su mu prešla dva pajdaša?

 

Oni treti vu kolicam nad kim se snebiva

teri za svoj život tak ma išče male žele

ni mu znal povedat kaj se za praf zbiva

some zna, da več ne buju nigdar igrali Bele!

About the author

Dragutin Dubravčić

Zaljubljenik u starine, kolekcionar, numizmatičar, pisac i pjesnik... Po zanimanju kipar. Rođen u Zaprešiću, kod bake i dede. Ilustrator i slikar. Učesnik bezbrojnih likovnih kolonija. Učesnik mnogih Jutara i Večeri poezije. Izdao nekoliko knjiga pjesama... od kojih na kajkavskom "Kajkavijana zgubidana". Volim putovanja i istraživanja svega novog.