Varaždinu na placu

Varaždinu na placu
 ja pajdašicu mam,
ja pajdašicu mam,
ja pajdašicu mam.

Ja već znam,
ja već znam,
da svoju deklu rad imam.

I ona bu me vjerno
na placu čekala,
na placu čekala,
na placu čekala.

Ja već znam…

K sebi bum ju stisnul
i kušlec bum joj dal,
i kušlec bum joj dal,
i kušlec bum joj dal.

Ja već znam…

Prsten bum joj kupil
pak bum ji ga dal,
pak bum ji ga dal,
pak bum ji ga dal.

Tko bu kum,
tko bu kum,
ja te dekla
ženil bum.

* * * * * * * * *

POPEVKA Z PLACA

Vuz “Ja sem Varaždinec”, pesma “Varaždinu na placu” najlepša je i najautohtoneša varaždinska “varoška popevka”. Kak i v slučaju druge varoške popevki, nastanek i podretlo ove pesme puno su neizvesneši neg pri narodne pesma. Zgledi senok da je “Varaždinu na placu” izdelek 20. stoletja, maker je varaždinska tržnica bila zestajališče ludi ze se krajov severozapadne Hrvatske i pre više od sto let. No, leksik i ozračje pesme (pa čak i nejna melodija, tera, neobično, pomalo podseča na “Lili Marlen“) ipak naznačuju da se dela o suvremenešomu pučko-urbanomu vusmenokniževnomu produktu. Vuzput: jen je vugledni varaždinski novinar i publicist se do sve smrti (pred 15-tak let) ponegda znal trditi kak je on avutor teksta te pesme, ali zgledi da se delalo o kakve šale.
Avutorstvo pesme i nejna preteklost (povest) zapraf i nesu bitni “jer kakvem god imenom ju nazvali, ruža bu navek isto dišala”. A ova varoška glazbenopevna ruža zaizres divno diši: veselo, slatko i opojno, kak spomenek na one dane mladosti i sreče teri se nigdar naju vrnuli. Osim v pesme!

Zvir:
Denis Peričič: „Varaždin – uz stare gradske bedeme“,
1996, Vall 42 Varaždin

the world war 2 «Lili marlen» (German), 06:16
http://www.youtube.com/watch?v=GtHSYIdPsiI

GRUPA TWIST-Varaždinu na placu.MP4, 02:09