I gda got smo lačni cvileli
čez obloke lukali i gledeli
gda bu prešel kumrovečki cug
pak z jenga dobri japa zišel
zez posla, ziz Zagreba belog došel
i dišečeg belog kruha prinesel.
Kak smo ga some želene čakali…
Mi mali pajnkreti, jengvi nuki
kak nas je radi navek zval
zločesti, živi i nori
za nike peneze nas nebi dal
kateri smo mu some škodu delali
al nas sejene, najrajše mal.
A, si vele, da je imau, najbolše črešnje bele.
Biu nam je se kaj smo šteli: mama i tata
teta ziz vrtića, hudi vučitel, igračka najslajša
tak dober, ziz jenga si mogal se hasni mati…
gda je čez trdi lapor zdenec kopal
posmeknul se i v njeg opal, pak hmrl
da bu zanavek odišel, niesme mogli znati.
