Pregled tisKAJna

Hrvatsko slovo, 25.01.2013.

OKO TREŠNJEVAČKOGA PLACA

Kak smo navijali za Špartu
 
Ja nisam nasledil talent mojeg tate kaj je ko dečko igral za Vojvodinu, ali sam ipak španal jednu tekmu protiv Klare v Turopolju. Nisam se proslavil. Samo sam trčal po igralištu ko onaj puran kaj mu je moja baka u Petrovoj v podrumu sa sekiram odsekla’ glavu. Zna se, pobedili su nas. Ja sam igral levo krilo. Bil sam lagani ko picek, a njihov bek jak kak pajcek. Stalno me naguraval. Ja mu velim: “Nemoj me niš naguravat”. A on meni: “Mali, kuš!” I tak je neslavno završila moja jedina tekma za Špartine juniore. Od celog onog trčanja u Klari jedino mi je ostal žulj na desnoj nogi, jer kopačka ni imala sve štople.

Oko Trešnjevačkog placa se uvek igral dobar nogomet. Pa kaj nisu od tam bili i Vukas i Čonč i braca Ladoviči! I moji dečki, Cico, Bigi, Lajči i Marijan su z loptom delali kaj su šteli. Isto tak i Miha, Beli, Kljuka, Budilica, Frc, Tinč, Spiker i Trla. Marijan Novak iz Dužica je igral za prvu momčad Dinama. Jedino sam ja bil slabi igrač, pa sume svi imali zrende. Španali smo na male golove di god smo stigli, na Cekovičevoj livadi, kod škole u Zadarskoj i drugde, najviše na dvorištu Osme gimnazije u Dobojskoj.

Kad smo malo zrasli počeli smo se motat oko Šparte. Ovi danas nit neznaju za taj klub. Bil je osnovan 1912. godine a igralište mu je bilo na Trešnjevki, v grabi kod Gradske električne centrale, odmah uz samoborsku prugu. I makar smo svi navijali i za Dinamo i za Trešnjevku i derali se: “Himalaja, tres, Himalaja, tres, Himalaja, tres, tres, Trešnjevka” naš je klub bila Šparta.U njoj smo počeli igrati za juniore.

Treniralo se dvaput tjedno. Trčali smo Špartinom igralištu po onom grubom crnom lesu za teškim kožnatim balicama koje su još na sebi imale žnirance. Kad si igral z glavom nisi nikad bil siguran da ti nebu ostal flek ko da su te šivali na Rebru. Al, kaj je to nama moglo smetat! Niš! Na lešu ni bilo igrat ko na zemlji. Kad si opal, bilo je gadno. Sav si se zgrebel i još si se celi zmazal. Svima je bilo najlepše kad smo nakon treninga dobili komad kruha na kojem su bile dve šnite somerice i limunadu kaj ju je Špartin oružar napravil tak da je v hamper vode stresel pol kile šečera i celu kutijicu limunske kiseline.

Bigi je igral za juniore dve godine. Bil je dobar igrač i na jednoj je tekmi dal četri gola, al je i on videl kak se može fulati gol sa same crte. Dogodi se! I Čonč je jedamput tak fulal. Ja nisam nasledil talent mojeg tate kaj je ko dečko igral za Vojvodinu, ali sam ipak španal jednu tekmu protiv Klare v Turopolju. Nisam se proslavil. Samo sam trčal po igralištu ko onaj puran kaj mu je moja baka u Petrovoj v podrumu sa sekiram odsekla’ glavu. Zna se, pobedili su nas. Ja sam igral levo krilo. Bil sam lagani ko picek, a njihov bek jak kak pajcek. Stalno me naguraval. Ja mu velim: “Nemoj me niš naguravat”. A on meni: “Mali, kuš!” I tak je neslavno završila moja jedina tekma za Špartine juniore. Od celog onog trčanja u Klari jedino mi je ostal žulj na desnoj nogi, jer kopačka ni imala sve štople. Kad god je Šparta igrala na svojem igralištu išli smo u nedelju na tekmu. Navijali smo, onak po trešnjevački.  Sečam se jednog smešnog događaja kaj ga bum pamtil do kraja života. Bilo je tak. Na jednoj tekmi je naš igrač, desno krilo, imal dobar for i z loptom pobegel protivničkom beku napred, skroz uz desnu lajnu, Al, kaj se dogodilo! Kak su onda igrali pravi muškarci i kak nogometaši onda ispod dresa nisu imali niš, dok si je dal dobar for, ispala su mu jaja i onak u trku počela lupati sim, tam. On je imal dobru loptu i bilo mu je žal je pustit. Trčal je dalje ko navijen, a jaja su mu lupala po nogama da se čulo do prvih redova gledališta. Mi smo se svi previjali od smeha. Tak se onda igralo. Ni to bil balet kak danas! Lepo nam je bilo sa Špartom. Al, nema više tam igrališta prek četrdeset let. Nema ni samoborske pruge o kojoj je Britvič tak lepo peval u svojoj Trešnjevačkoj baladi:

“I treba poći bez planova i para
S nekim starim drugom, samoborskom prugom.”

Niko nemre razmeti te stihove kak mi koji smo se igrali tam oko Špartinog i hodali po štreki i onim cevima od toplane. Samo mi to još osečamo par nas još zna točno o čemu je Britvič peval. Dečki iz Taborske, Gredičke, Trakošćanske, Pero Šprajc, Bigi Krapec, ja i možda još koji stari Trešnjevčanin. Zajedno sa našim Zvonkom Špišičem koji nas je s glazbom fpiknul v srce i otpeval našu trešnjvačku himnu. Mi se sečamo otvorenog potoka u Krapinskoj, vode u bazenu u parku među ulicama “Prve hrvatske”, streljane iza Placa i Buhare kina. I ne sramimo se suze koja nam dojde na oči kad se setimo rondanja jutarnjeg vlaka po nadvožnjaku na Knežiji, ili gradske pumpe u Bočačkoj s koje smo u hamperu nosili doma vodu. Mi koji smo bili na prvoj svetoj pričesti pri svetom Josipu. Mi, dečki z Trešnjevke.

                                                 Miroslav KLEMM

* * * * * * * * * * * * * * * * * * * * * * * * * * * *

Zvonkec Špišičov
Tresnjevacka balada,  03:50