Pregled tisKAJna
ZVONA, Mesečni list čakovečke žup, LIPEN 2013.
NEKAJ ZA ČAS KRATITI
Kaj se pripetilo
Minulo je proščeje na čakoskomo Jugo. Fletno se je dosmickal trinajsti junjuš, čuda predi nek smo se nadjali. Vsega je bilo sam ga nej bilo gvirca. Rekel sam vam več da je Tončekovo godovno došlo jako fletno, pak so se licitari niti nej znašli ili pak jim je gvirc sfalil. Zbajali smo gradonačelniko da se to nesme pripetiti kaj ga na Jugo nega gvirca na proščejo i obečal je da to bode zrihtal. I morem vam reči da se je gvirc točil več v nedelo gda se obslužavalo prvišče proščeja.
Minulo je proščeje na čakoskomo Jugo. Fletno se je dosmickal trinajsti junjuš, čuda predi nek smo se nadjali. Pater Drago je dopelal našega domačega fra-patera Perija Horvata kaj nas je črez tri dni prepravlal za godovno svetoga Tončeka Padovanskoga. Mislim da se več ne moram faliti da je to i moje godovno jerbo to tak i tak nebrete nikak zapamtiti, jerbo mi je niti nišči ne čestital. V četrtek, na samo godovno, bilo je hajdig ljudi, a i dece, v cirkvi, došel je i naš varaždinski biškup Josip Mrzljak, šteri je služil glavno poldnevno mešo. Na večernjo proščenjarsko mešo došel je i novi gradonačelnik, gospon Štef Kovač. Bil je tu i Romano Bogdan, jegova desna roka. Naš južni mužikaš, Laci Vargov, je dopelal svoje dečke z Dixilend benda šteri so zabavljali proščenike vse do kmice, na Tončekovomo trgo. Vsega je bilo sam ga nej bilo gvirca. Rekel sam vam več da je Tončekovo godovno došlo jako fletno, pak so se licitari niti nej znašli ili pak jim je gvirc sfalil. Zbajali smo gradonačelniko da se to nesme pripetiti kaj ga na Jugo nega gvirca na proščejo i obečal je da to bode zrihtal. I morem vam reči da se je gvirc točil več v nedelo gda se obslužavalo prvišče proščeja. Ringišpili, auteki i vse ostalo kaj spada k proščejo je delalo celi tjeden tak da so deca ne bila nikaj na špoto. Pak je sveti Tonček pravzaprav svetec vsih nas, a posebno dece, tak da je to čistam vredo kaj so deca bila na celomo proščejo, a mi stareši smo v četrtek morali piti špricere, oliti, gemište, kaj nam je opče ne teško palo.
Nikak se ovo leto nebremo ziti, očem reči, pomiriti z tem vremenom. Zima je trajala dugo, ne dugo nek prekpreveč dugo. Pak smo još par dni predi južnoga proščeja kurili, a unda pak so se hapile velike vročine. Ne se je bilo ruon lefko prešaltati z plus pet na plus tridestipet. Čim je dragi Božek par dni za redom tak fest kuril več so nas, z vsih strani, bombarderali z savjetima: Kak zbeči toplinskoga udara? Treba čuda vode piti ( gemište je nišči ne spomenul ili pak mrzlo pivo), tre se furt v hlado držati i ne hoditi po sunco. Vse je to vredo i dobro za penzionere, a ne znati kak si to vse nek skombinerajo težaki. Isto tak vam morem reči da je nišči ne došel na to misel kaj bi po toj velikoj vručini došel v cirkvo gde je debeli, ak ne i najdebleši hlad. Tam si čovek more počinuti i telo i dušo. Kuliko vidim, ve dok je minula škola i dok je došlo leto vse meje ljudi i dece dohaja v cirkvo. Ve dok imajo več časa ve se okrajajo od cirkve, ali zato nigdi drugdi ne sfalijo. Ak imajo cajta za vse drugo unda si morejo zeti i to jedno vuro, v nedelo, kaj se malo pospominajo i z dragim Božekom..
Dragi Božek je pozval k sebi na račun doktora i zobara Štefa Jurasa v jegovom 66. letu. Verjem da ste ga viđuvali, skorom vsako nedelo, pre meši v deveti vuri, na svojemo stalnomo mesto pod korošom župne cirkve Svetoga Mikloša biškupa. Moral sam vam to reči jerbo smo pajdašili pune tridestitri leti. To je pol jegovoga živleja, a čuda več kak pol od mojega. Čuda toga smo skupa prešli, dobroga i hudoga, ali morem vam reči da je čuda vejč bilo dobroga. Mogli ste nas skupa videti v klubo Katoličkoga doma gde smo bili na druženjo i okrepi posle meše. Dragi Božek, kak naš zadji sodec zna za vsakoga od nas kaj je i kuliko čega zaslužil, a on je navek bil takši kaj nam je opraščal i šenkal sve ono kaj smo zahuzali, a nagradil nas je za ono kaj je bilo dobro. Moj prijatel Štef je vsima pomogel, šteri so ga prosili, pak bode i on dobil ono kaj si je zaslužil, Božek zna kaj dela.
Vaš Tonček
* * * * * * * * * * * * * * * * * * * * * * * * * * * * * * * * * * * * * *
Zvir:
ZVONA, Mesečni list čakovečke žup,
Leto XVI, br.6, lipen 2013. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/ , http://www.ofm.hr/zupa_cakovec_jug/
Naklada 750 primerkov
* * * * * * * * * * * * * * * * * * * * * * * * * * * * * * * * * * * * * *
Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina(l) kajkavski i, ke jě posebno vâžno, na mešami propovéda(l) na kajkavskomu jeziku.
http://www.zagorje.com/articles/2340/show.aspx
* * * * * * * * * * * * * * * * * * * * * * * * * * * * * * * * * * * * * *
KAJKAVSKA VEČERNICA I MEŠA
a) pdf oblik (zvirni oblik, z ilustrâcijam):
http://www.pou-zelina.hr/documents/Izdavastvo/51_Kajkavska_vecernica.pdf
b) editérajuči oblik (ně baš lépo posložen, bez ilustrâcij)
c) Video:
Kajkavska večernica z mešum: KAJ v Zeline 2008. i 2009.
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820
Na priliku z leta 2008. (1/5):
Kajkavska večernica KAJ v Zelini 2008. 01, 15:00
Žiga u Lisinskom – Na Ivanje v Gorčeni prošćenje, 03:30
