po turski: bal = med, kan = krv
Bern / Dobrič, 24.07.2013
Mlada medvedica Berna(rdica) srečno stigla v Bugarsku
Mlada medvedica Berna(rdica) z bernskoga (medvedgradskoga) medvedparka srečno je stigla v Bugarsku. Najpre se v štale medvedšume v Dobriču privikavle na svoj novi dom. Brzo potlam bu Berna(rdica) mogla obiti prvi del vajnskoga kompleksa.
Gda bu tri- i-pol-letna medvedica mogla ziti ze štale, još, medtem, ne jasno, vundal je v sredu medvedpark Bern. O tomu na licu mesta v Bugarske odlučuje čuvar z (bernskoga) zverijnaka. On dobro pozna Bern(ardic)u i točno ju prematra.
Vukupno su tri osobe ze zoološkoga vrčaka Dählhölzli, odnosno z medvedparka Bern otputuvale v Dobrič. Oni prate aktivnosti vu veze Bern(ardič)inoga preselejna i novem vlasnikem životijne stoje na raspolagajnu i z rečmi i z delom.
Fit i znatiželna
Berna(rdica) je svu novu štalu znatiželno preispitala, piše bernski medvedpark. Mlada medvedica je z Berna v Bugarsku dopelana v klimatizeranomu kombiju. Prevoz je prešel glatko. I granične formalnosti obavlene su v najkrajšomu vremenu.
Bernardica je putuvala z vodum i z svojum omilenum (h)ranum – povrtelom i vočem. Medvedica je stalno dobro jela i pri dolasku v svoj novi dom bila je fit i znatiželna. To je najbolši znak dobrobiti životijne, tumači (bernski) medvedpark.
Opasni napadi
Berna(rdica) je (v) pondelek morala otiti z (bernskoga) medvedparka, kajti se pregusto svadila z „matičnum” (materum) medvedicum Björk.
Napadi su v zajne nekuliko mesec vučestali i postali opasni.
I Bern(ardič)ina sestra Ursina, Uršul(ink)a sudeluvala je v temi napadi na Björk. No, glavna agresorica je bila Berna(rdica). K-tomu ona slovi kak samostalneša od dve mlade medvedic, tere su na svet došle v (bernskomu) medvedparku v prosincu leta 2009.
Za dobrobit životijni, šefi (bernskoga) medvedparka su zato odlučili Bern(ardic)u dati v jen novi medvedpak v Bugarsku. Nova domovina medvedice je 6000 četvorne metrov velika medvedšuma, tera je financerana z sredstvi Europske unije.
Jel se v Bernu preostali člani družine vubuduče buju dobro slagalio, bu se tek videlo. Mam posle Bern(ardič)inoga otajajna zgledalo je harmonično. Medtem odgovorni v parku naglašavaju da su medvedi nepredvidlivi. Situacija se, daklem, saku dobu more spremejniti. (SDA)
Zvir:
http://www.suedostschweiz.ch/vermischtes/jungbaerin-berna-gut-bulgarien-angekommen
* * * * * * * * * * * * * * * * * * * * * * * * * * * * * *
Dobrič (Bugarska)
http://hr.wikipedia.org/wiki/Dobri%C4%8D
* * * * * * *
Bärenpark (Medvedpark) Bern
http://www.baerenpark-bern.ch/index.php?id=info&L=1
* * * * * * *
Bärengraben (Medvedgrobi, tal bernskoga medvedparka)
http://de.wikipedia.org/wiki/B%C3%A4rengraben
* * * * * * *
Tierpark (zverijnak) Dählhölzli Bern
* * * * * * * * * * * * * * * * * * * * * * * * * * * * * *
Medvedpark Bern – sestre Berna(rdica) i Ursina (Uršul(ink)a), ter mati(ca) im Björk se popinaju na drevo
Bärenpark Bern – Berna, Ursina & Björk am klettern im Baum, 02:14
