Pregled tisKAJna
NA NEKI-NAČIN
* * * * * * * * * * * * * * *
Varaždinske vesti, br. 3585, 17.09. 2013.
Piše prof. Barica Pahič
KAJ je naše pitanje i naš odgovor
Na neki način
Gda je autobus stal v Novemu Marofu, na onemu stajališču, z lieve strane je nekaj napisane kineskim pismem, zate kaj je tu bil kineski štacun. Nišče je nie spotrl njieve ploče, a one nikoga ni ne smetaju. Neki pak misle da je te pisme umetnički kinč na zgrade zate kaj to tak i tak nišče f Novem Marofu ne zna prečteti.
Se se vrtelo, a i još se vrti, same okoli ćirilice, pisma štere ljudem simboliziera osvajački rat, rušilaštve, ubojstva, silovanja, smerti i nestanek fnogi ljudi ze štere se ni denes ne zna gdi su, ali i kak serpske izazivanje i prkošenje Hrvatem.
Pretekloga tedna je bile kojkakvi zmešarij štere su se z jezikov pretakale kak ovie jesenski dejž z neba. A dek se (poradi diežja nie mogle zijti z hiže, glediela sem TV i primietila da fnogi govorniki zgovaraju, poštapalicu ili frazu “na neki način”, i tuo po dva ili tri put v jene rečenice. Fsredotočite se na tuo pred televizorem ili gda poslušate radio pa bute čuli da imam praf. Tak su na primer seljaki “na neki način” javnost obrnuli proti sebe, za doktore se “na neki način” otkrile da imaju jake velike plače pa se nemaju kaj buniti, v jene je škuole na deco opal mort s plafona i tak “na neki način” onemogučil nastavu, otprta je jena nuova škuola s pametnimi pločami pa je “na neki način” naše školstvo modernizierane i to “na neki način” zaslugom Ministra prosvete. On se na nekšne utakmice “na neki način” solidarizieral z onemi šteri su vužgali hrvatski barjak, a Vlada je “na neki način” pljunula na branitelje Vukovara z tiem kaj je pričela postavljati ploče s ćirilicu s šteru domači Srbi ”na neki način” provocieraju nas Hrvate i prkose nam.
Vezda nek čitatelji shite z teksta ove “na neki način” pa buju vidli da bez toga tekst ima čist drukčeše značenje, maker kak to smiešne delovale. Ta fraza zapraf razblažuje značenje zrečenega, pa je nie istina da stalne ponavljane istih rieči nema značenja.
O semu tomu sem premišljala na putu od Zagreba vu Varaždin. Gda je autobus stal v Novemu Marofu, na onemu stajališču po šteromu se mora kružiti (još denes mi nie jasne zakaj je tak napravljen), z lieve strane je nekaj napisane kineskim pismem, zate kaj je tu bil kineski štacun šteri je, kak su mi rekli, zaprt. Ak i nieje, bu naskorem zate kaj se Kinezi povlačiju z Hrvatske. Kulike znam, ne othajaju na fkradenimi traktori, neg s kamioni z robu ili ciele familije z auti štere su f Hrvatski zaslužili. Nišče je nie spotrl njieve ploče, a one nikoga ni ne smetaju. Neki pak misle da je te pisme umetnički kinč na zgrade zate kaj to tak i tak nišče f Novem Marofu ne zna prečteti. A nišče ne bi imel niš protif ni da se Kinezi vrneju.
Se se vrtelo, a i još se vrti, same okoli ćirilice, pisma štere ljudem simboliziera osvajački rat, rušilaštve, ubojstva, silovanja, smerti i nestanek fnogi ljudi ze štere se ni denes ne zna gdi su, ali i kak serpske izazivanje i prkošenje Hrvatem. Iščeju prava, a ne maraju za dužnosti. Bar da onda ne vrieđaju svoje žrtve. Znaju da Hrvati prie ili kesneše se pozabe i popuste. Kie zna, morti “na neki način” ve nebu tak.
Zvir:
http://varazdinske-vijesti.hr/kaj-je-nase-pitanje-i-nas-odgovor/na-neki-nacin.html
i(l)
(str. 25. sim
(vezilo funkcionera morti samo ograničeno vreme)
http://varazdinske-vijesti.hr/pdf/3585.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
* * * * * * * * * * * * * * * * * * * * * * * * * * * * * *
Kina, Kitaj, Ti-kaj, Kaj-ti, Kaj ti….
Željko Kokorić & Podvinčani – Kaj ti stvarno nije žal? – Krijesnica 2010, 03:36
