Pregled tisKAJna

Varaždinske vesti, br. 3586, 24.09. 2013.

Piše prof. Barica Pahič

A nad našimi glavami (i v glavami) rastieže se, kak črni šlajer z Pepelkove popiefke, siva i neprozirna megla. Znad nje je, nevidljivi baš siem, veliki tukač vu Vladine ruke šteri bi nas saki čas mogel heznuti po tintari, a zove se (sarkastične) zakon, lex. Lex Perković. Nam i za našu nevolju treba stranjska rieč.

Ščera sem na radiju namierila na popiefku:  ”Stiže jesen pa mi misli odlete, u one rane devedesete…” Onda su i moje misli odletele v duoba da sme zastirali obloke da se nej vidle svetle, spali f podrumi čije obloke sme oblagali z vrečami pieska ili vrtne zemlje, gda su vojniki biežali z Armije, gda se organizierala obrana, ljudi se javljali v dragovoljce, po gradu se strieljale, goriele hiže v Optujske, bombardierani erodromi, nie se išle ni na posel ni f škuole i čubeli sme f skloništemi jer je počel rat.

 Gda je bile struje mogli sme, mi starejši, čuti da je “pala Banjščina”, da se z JNA pregovara o predaji, a na TV-u i tuo kak se vojniki preslače vu Varteksovu opravu i z autobusi othajaju v Srbiju. Ovega rujna je vriedne zmisliti se sega toga pa i bojišnic na drugimi miesti, npr okoli Pakraca i Vukovara gdi su bili i naši varaždinski dečki. Pokle je došle proglašenje samostalnosti, pad Vukovara i mednarodne priznanje države RH… Rat je trajal, a gruoblja su se punila. Onda je došle primirje, pa UNPROFOR, pa Medački džep, Bljesak, Oluja i na kraju mirna reintegracija Podunavlja.

A v red s tiem išla je i privatizacija, tajkunizacija i kojkakva druga prevarancija. Smenjivale su se vlade, dvaput su se zmenile i stranke na vlasti, zapirane su tvornice, propadala su poduzeča, rasla je nezaposlenost, a vladajuči su se ponašali kak pijani milijunaši. Živele se priek na dug. Banke f stranjskem vlasništvu su nas navlačile na kredite, a žabu je teške vu vuodu natirati. Peneze sme trošili v robnimi hižami, takaj v stranjskem vlasništvu. Došla je i svetska kriza, rasel je dug i več se liepe zaokruglil na 200 milijard. Spas se videl f Euniji. Ali bolje je nie. Se ide na dolje, same naš optimizem raste. Male nam ga je osvežil i podigel festival kajkavske popiefke gdi su same “Kavaliri” popievali naj nam živi rad.

Gda se hoče peči kruh, muora se zamiesiti kvasne tieste i deti ga da se zdigne. Če se preduge ostavi, on se “predigne“ i spusti i treba ga znovič zmesiti. I naša denešnja vlada, največ pa Slavek Stečajek miesi i gnjete narod z legalizaciju, monetizaciju, fiskalizaciju i z kojkakvu prefriganciju, a tieste (gospodarstve) nikak da se zdigne. A nad našimi glavami (i v glavami) rastieže se, kak črni šlajer z Pepelkove popiefke, siva i neprozirna megla. Znad nje je, nevidljivi baš siem, veliki tukač vu Vladine ruke šteri bi nas saki čas mogel heznuti po tintari, a zove se (sarkastične) zakon, lex. Lex Perković. Nam i za našu nevolju treba stranjska rieč.

Zvir:
http://varazdinske-vijesti.hr/kaj-je-nase-pitanje-i-nas-odgovor/a-tukac-se-zove-lex.html
(str. 25. sim
(vezilo funkcionera morti samo ograničeno vreme)
http://varazdinske-vijesti.hr/pdf/3586.pdf     
Aktuelni broj VV:
http://varazdinske-vijesti.hr/online/Main.php?MagID=1&MagNo=1   

* * * * * * * * * * * * * * * * * * * * * * * * * * * * * *

Kavaliri – Europa vu bednji (Nove popevke) KRAPINA 2013, 03:27