Pregled tisKAJna

Varaždinske vesti, br. 3587, 30.09. 2013.

Piše prof. Barica Pahič

Došla je visoka obljetnica Kazališča, i tuo nie bilo kakva, neg bormeš stuo i četerdeseta.

A ravnateljica, gosp. Jakovljević, nas je razveselila i s vešču da bu naš HNK postal nacionalni, kaj znači da bu Ministarstvo kulture i s penezi, a ne same z lepimi rečmi pomagalo našem “svetioniku kulture”. Je zbilja, svetla, več svetla nam treba.

Zadnjega tedna su se prinas prilike jake zakomplicierale. Človek se ponada da gorše nemre biti, a onda se fljetne muora razuveriti. Lex Perković je v naše javnosti se sprevrnul i zvuzlal da je po svoje zmešarije nadjačal i zvuzlane priče meksički nizanjki. Da je vrag zbilja odnesel šalu, vidi se i po tem kaj su i novinari, šteri su nigdar nie imeli dlake na jeziku gda su kritizierali i švanjili HDZ-e, ve pričeli biti dost nesmiljeni, negde bormeš i zajedljivi, gda je v pitanju i SDP i precednik Vlade. Dug sim, dug tam, a nikak z njega van. A još duge moguče ni nebu.

Ipak nam premijer poručuje nek mu verujemo. Okoli premijera se ni pokazala nikakšnva svetlest kak na priliku oko kipa Bogorodice v Međugorju, pa mi se vidi da se poradi tega broj agnostikov bu same povečal. ”Zabadav nam gore vukovarske sveče/ z politikom smo nigdar nie imeli sreče./ Zabadav nam gore svetla velegradska/ mismo još mrklina i megla hrvatska”. Vrabec ga dal, mrklina i kmica nekak jake napredujeju.

Varaždinske prilike ne spominjam zate kaj je prinas zbilja svetle. Pokle Špancirfesta, šteri je bil “fešta” za krčmare, pivovare, obrtnike raznih fela, oživljuje i kultura, nie same ona gdi se zabavlja mladež štera z pop-pevači zdigava ruke i kriči tak da se pevača ili pevaljku (a bile je i toga) od halabuke i bobnov nemre ni čuti, došle su i Varaždinske barokne večeri. V žepi mi je suša, štera je pri meni nie prestala od srpnja maker kak cureli jesenski dežđi pa (poradi spomenute suše) nemrem biti deklarierani ljubitelj barokne glazbe. Nemrem si privuščiti ni koncerte vu Varaždinu, kam pa v Tarakoščanu, najmenj pa v Beču ili Bratislavi kam bi takaj bile zgodne oditi.

Došla je visoka obljetnica Kazališča, i tuo nie bilo kakva, neg bormeš stuo i četerdeseta. Kaj nie velika stvar da se naš v europski i svetski razmeri mali gradek (z brojem stanovnikov kak jeden bečki ili budimpeštanski firtl), more pohvaliti z tak staru kulturnu ustanovu? Je, bile je svečane kak i priliči. Važni gosti, svečane govorancije. Več duge nie bile tulike hvaljenja lokalnih političarov, šteri su skorem si bili na okupu, kak v ove prigode. Valjda su to i zaslužili. A ravnateljica, gosp. Jakovljević, nas je razveselila i s vešču da bu naš HNK postal nacionalni, kaj znači da bu Ministarstvo kulture i s penezi, a ne same z lepimi rečmi pomagalo našem “svetioniku kulture”. Je zbilja, svetla, več svetla nam treba.
* * * * * * * * * * * * * * * * * * * * * * * * * * * * * *

Viline & Tomislav Goluban – Tam de luč gori (Nove popevke) KRAPINA 2013, 03:43