Pregled tisKAJna
Varaždinske vesti, br. 3592, 05.11. 2013.
Piše prof. Barica Pahič
KAJ je naše pitanje i naš odgovor
Morti nam na kraju programa spikeri neju nazivali lefku nuoč
Drugi sloj bi bil životinjski. Tu se rabiju rieči (v uloge apozicije – za one šteri su nekaj načuhnuli od gramatike) gdi muški ženu zoveju kokoš, ofca, koza, krava ili kača otrovnica, a ženam je muški magarec, osel, vol, konj, pes i majmun. V mitološkem se rabiju izrazi: vrag, copernjak, pozoj ili vražica, coprnica i slične. Psihološki ili karakterni je spunjen z rieči bedak, norjak, luđak, kreten, idiot ili odgovarajuče v ženskem rodu.
Pretekloga tedna nazaj su, kak sake jeseni, bili Kukuljevićevi dnevi f Varaždinskimi Toplicami. Pune se raspravljale o Kukuljevićevimi zaslugami za uvođenje hrvatskega narodnega jezika f službenu uporabu. Da bi tuo postigel, on se oslanjal na narod. Niesu ga spriečili višeši društevni sloji, šteri su branili latinski, mađarski ili njemački. Narod je štel baš svuoj jezik. Ali boj za hrvatski jezik, zgledi, još nie čist dokrajčani. Muorame ga paziti, šmajhlati, oplemenjivati i na te stalne podsečati. Denes pak premišljam kak je naš jezik (i nie same naš) jake razvijeni v guovoru gda čemerni pričneme kleti ili pesiti. Vu tem se more najti več slojev ili stupnjev z dugotrajnu tradiciju ili pak onie šteri svedočiju o “napretku” čovečanstva.
Pervi sloj more se zvati metaforički. Rabi se gda se misli da razmeti moreju same fpučeni kak na primer da se treba igrati kviz f šterem bi pobednik bil onie kie niš ne zna. A zapraf si razmeme.
Drugi bi bil životinjski: Tu se rabiju rieči (v uloge apozicije – za one šteri su nekaj načuhnuli od gramatike) gdi muški ženu zoveju kokoš, ofca, koza, krava ili kača otrovnica, a ženam je muški magarec, osel, vol, konj, pes i majmun. V mitološkem se rabiju izrazi: vrag, copernjak, pozoj ili vražica, coprnica i slične. Psihološki ili karakterni je spunjen z rieči bedak, norjak, luđak, kreten, idiot ili odgovarajuče v ženskem rodu. I vierski ili religiozni sloj je jake razvijeni. Tu se fplieče Buog, Mati Buožja i si sveci nebeski. Z njimi največ kuneju muški, ali bormeš i ženske. Po nje se prepoznavljeju primitifci, nikak pa ateisti, oni vierski neopredeljeni. Če tak deklarieranega čujete da z njimi kune, laže. Kak bi mogel kleti z onem čega nema?
Najbogatejši pak je seksualni. Najblaže je nekoga poslati vrit. Muški su pederi i uđiguzi (uvredljive i prie “gay prajdov”), a ženske pokvarenjače, bludnice i još kojkaj. Znate na kaj mislim. Tuo se nastavlja z onemi zreznimi rečmi za ljudske organe štere je pristojno imenovati same z latinskim ili se pribegava prenesenem značenju pa se nekoga pošilja f k(uruzu) ili f p(rimenjenu) m(atematiku). Nesmeju se pozabiti ni ukrasni pridjevi i glagoli od napomenutih rieči da bi se vidle kakve jezične bogatstve imame na tem području. A da bi tega bogatstva si bili svesni, koristiju ga i naši javniki, pak moremo očekivati da bu na TV-e dobil još vekši prostor. Morti nam na kraju programa spikeri neju zazivali lefku nuoč neg nas pošiljali u… Znate kam. Tuo sme si i zaslužili.
Zvir:
i(l) str. 21. sim
(vezilo funkcionera morti samo ograničeno vreme)
http://varazdinske-vijesti.hr/pdf/3592.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
«Nemoj je ženiti»
puntala me brača,
«lepa je kak ajngel,
huda je kak kača»
Obširneše:
Bara vina de!
http://trnac.net/2012/12/05/bara-vina-de/
* * * * * * * * * * * * * * * * * * * * * * * * *
Žena me kune i jake špota,
za velkog bedaka, za norca me ma.
Dok žena me špota i kune
i sama se v blate zasune.
TS VINCILIRI Vinska kaplja (Sem išel iz kleti), 02:07
