Kremu prek knedlof zliti  (Foto Vinko Šebrek)

nekaj si gruntam kaj bi i mi mogli kakšne receptline šrajbati
same nek budu male drugač prezentijerani
onak z duše
naprimera ovak:

“kak je nedela velim barek
daj mi prosim te kakšni melšpajz fletne zmešaj
mi slatke navek pomore

i tak veli moja lublena
pak ti bum šnenokle stukla
dobre paše za žmefke dane

pak i ime je primerene

«salcburški žličnjaki»

če hoćete totu je i recepta našrajbala

najte kaj zameriti barek ni baš f puno škole hodila pak se još ni znati izražavati kak fini svet
doktorji i tega

totu jeje kaj ide nutri

štiri jajc jake friške
mleka za jenega moža
cukra šest žlic
mele tri žlic
jenega vanilcukra stranjskega

a ovak se dela

se jajca odpru i podeli žutanjek i belanjek
saki f svoje zdele
od belanjkof snega stoči
da bi bil trdi deti med prsti soli

cukar f mleko
same dve žlic
zliti f velko rajnglo i deti na šparet
male drf prikuriti da lepe zavri

kad počne polafke vriti s velike žlice grabiti snega
od belanjkof (se razme)
i metati f mleko
prve žlicu f mleko umakati pa ondak tek snega grabiti

sakak je treba šnenokla obrnuti f mleku da se i z druge strane skuha

kulike duge
pak se bute snašle
em ste se fletne f kujne
pak nam je to f telu
nami deklami

kad su fertig ih lepe f zdele poslagati
onak bauš kak snežne grude

dečki znaju
kak z cickami
polefke i nežne

dok se nokle cede zmešati kak penicu žutanjke i cukra
se razme i vanilcuker deti
najbolše z lektrikom
na koncu primešati melu i se skup f mlačno mleko
nam je treba tekoča krema
zate kuhati na lagane vatre
čist sa strane špareta
da se ne zgroda

si slobodno kohačo poližete kaj bi znale da je gotove

lagane zliti mleko kaj se z knedlof scedilo gda su f rajngli male stali

i

no kremu prek knedlof zliti

se skup f špajzu na ladne deti”