Kak sme dobili obavijest od PU Krapinsko zagorske, drugi tjeden bu velika akcija kontrole šoferov kaj su pijani.

Tu akciju buju delale se policijske uprave MUP-a. Se skup je napravljeno i usklajeno z smernicami EU.

Kak piše vu čitabe, ove ljete je na području naše PU zabilježeno 179 prometnih nesreča vu terima su sudelovali pijani šoferi.Vu ti nesreča su poginule dvije osobe a 125 ih je ozlijeđeno.

Čez cijelo 2011. ljeto policajci su vlovili 689 šoferov – kaj pijanih, kaj “pod gasom”.
Devetorica šofera su bili drogirani.

Vu želji da se poveča prometna kultura i da čovek zna, da gda je pijan nije za volan, donašamo tekst:

Utjecaj alkohola na šofere

Kak je sima poznato, več male količine alkohola delujeju na povečano samopouzdanje šofera. Vu isti mah alkohol otežava zapažanje i usporava reflekse šofera.
Iste tak, šofer teri si spije misli da je postal Schumaher i da se more peljati kak norc po ceste. Kad napravi škodu sebe ili nedaj bože, drugomu, onda si veliju da se to sakomu more dogoditi. Kak i gradonačelniku Varaždina a i Zagreba.

Pijanomu šoferu treba puno več vremena da preceni gda bu stal i kakve mu opasnosti prijetiju. Iste tak mu niti koordinacija pokreta ruk i nog ne velja. Se se zmiješa.

Istraživanje tere su napravili vu Njemačkoj veli da če imaš 0.5 promila da ti se rizik od nesreće udvostručil. Pri 0,6 se utrostručil, pri 0,8 se učetverestročil, i se tak pelja do 1,4 gda je rizik od nesreće dvajseti put vekši.

Savjeti za šofere:
– če ste pili pozovite taxi ili naj nešče dojde po vas
– če ste z društvom, mam se dogovorite do bu dime vozil i on nesme piti
– nesmete dati da pijani sede za volan
– ne siliti šofera na pijaču
– bolj da prespite pri klijeti (ili de ste se več nalejali) nek da prejdete v grabu ili, ne daj Bože, nekoga hmorite.