Štela bi ti povedati
se kaj me tišči
i još denes
radi tebe boli.
Štela bi ti reči
da te nis pozabila
i z srca vugnula.
Štela bi još jenput
na tvoje rame
glavu nasloniti
i kak dete zaspati.
Štela bi još jenput
dugo te v oči
mirno gledeti
i ne suzu pustiti.
Štela bi te k sebi
tak jako stisnuti
i glavu ti h svoje
tople nadre skriti.
Štela bi te celu noč
kušuvati, kušuvati
a v jutro z sega glasa
zakričati
“još te imam rada”.
Štela bi se još jenput
s tobom, s tobom
po zelenoj travi valjati
pak se do suza smejati.
Štela bi još jenput
s tobom, s tobom
po največem dežu
tancati i bežati
i mokre ti lasi dragati.
Štela bi, štela bi znati
zakaj te nemrem
pozabiti
i se to kaj je bilo,
a več nigdar
ni jenput biti nemre
nekam zakopati
ili zbrisati
kak da nigdar
s tobom nie ni bilo?!
Jako lijepo,iskreno, iz dubine…
Marina,
kaj da Ti velim
otprli sme škrinjicu sa senjama !
Draga Marina,
ovo je prekrasno.
Ne sječam se kad sam zadnji put suzu pustila,
a sad samo teku.
Moj naklon do poda