Deset zapovedi

snoćka sem male žmehke zaspal

je res da sem kak i navek popil se tablete za spati

ih je frtal šake

pak tu i tam baš ne prime kak treba

f senje mi je došel pokojni japa pak veli sinek nis ti se povedal ima tega još

 

prve

naj poštuvati starejše su ti oni itak požderuhi jalni i trucljivi

druge

prometni znaki su same za lepe videti a sosedof mali dela f policiji pak mu lahke gemišta platiš

tretje

si kradu pak ak bu prilike zemi pod roke il f žep kaj god  ti dojde

četrte

zakona se naj bojati si z nega norca itak delaju a  fiškala ima na sakem vuglu

pete

naj se dati f pulitike jel ti to predi il’ kasneje f kupleraja prejde

šeste

ak soseda oče naj se skanjivati pak živlenje je kratke

sedme

pri delu delaj polahke da se nebi zašvical človek lako upalu pluč navleče

osme

za se sam na črne delaj a peneze f čarapi šparaj se bu ovak ili onak k vrapcu odišlo

devete

naj istinu povedati da ti bude dobre i da bolše projdeš f živlenju

desete

legni se f lada gda god imaš prilike

 

kad sem joke otprl me je tak f prsima stislo kak da sem hmrl i z črne zemle se skopital

sem jedva zraka flovil

i velim na svega glasa

proč od mene črni vrag

About the author

Dubravko

Rođen 3.6.1955. Križevčanin, politolog, novinar i PR -ovac,