Ja Vam ne znam i nemrem drugač
nek tak po domači  povedati
zakaj imam tak rada odnavek
saki putec, saku hustu
trsja, potoke, saki breg;
saku grudu zemljice mučeče
naše zemljice, zagorske-trpeče.

Ja Vam ne znam i nemrem drugač
nek tak po domači ispripovedati
kak je po zimi toplo
v rodnoj drvenoj hiži
i kak je slatki kruh
kad ga materina
zmučena ruka prekriži.

I da na kraj sveta prejdem
nikak pozabiti ne bi mogla
rieč materinsku
rieč s kojom sam se rodila
s kojom sam se smejala
s kojom sam se plakala
s kojom sam senjala
rieč na koje sam mislila
rieč na koje sam pisala
da se ne bi zatrla
rieč s kojom bum vmrla.

Znam da me Vi razmete
ni nas puno
al nas još navek ima
i znam
dok bu zagorsko srce tuklo
za pravicu, za rieč domaču
i za popefku takaj
živel bu naš KAJ!