Evo ga još samo dva dana do Božića, a na vijestima sam nekaj teškoga, grdoga, pesimističnoga…. A ja si tak nekaj mislim pak ni valjda se tak črno. Pak sam išel malo gruntat i da malo bolje pogledam ima i lepih stvari tu okoli nas, samo kaj ih tak nekak  teško vidimo.

Tak je čovek v Osjeku našel račun i peneze ž nijm i odnesel na poštu pak ga je platil. Još je poštenih ljudi na tom svetu.

Čitam onda da je mlada žena z Rijeke došla med osam najboljih poduzetnikov inovatorof v Evropi. Sigurno ima još takvih vrednih mladih ljudi, koji se trudiju i znaju  i delaju svoj posel v tišini bez zakulisnih igri i malverzaciji. Takve bi ljude trebalo iskati i o njima pisati čim več.

Mortim je to leto Božić baš za vikend pak ne spajanja danov, ali senak se buju familije našle skup i nekaj više vremena potrošili jeni na druge. A to nas ne koštalo baš nikaj jer kaj ti je važno v životu nek familija i prijatelji.

A če je o familiji reč onda su najvredneše kaj imamo naša deca. Ti mali ajngeli su skup z svojim vučitalicama i vučitalima po celoj dragoj našoj pripravili lepe Božićne priredbe. Oni još ne razmeju kaj je to kriza, recesija i druge ozbiljne reči, ali znaju popevati, recitirati, glumiti i još kup kaj toga lepoga napraviti. Trebali bi se v njih malo zgledati pak se i mi spametuvati.

Tak da se malo bolje okoli sebe pogleda ima kup toga lepoga.Sam treba malo bolje gledeti.