Božić je vreme da se je v narodu kup običajov i lepih naviki imelo. Ali negda su ljudi vu to vreme si doma bili i tak si kratili duge zimske dane. Onda je došlo modermo vreme i hajt kup toga se pozabilo i nestalo. Na su sreću ipak ima ljudi kaj si daju truda pa tu i tam koji običaj ščukneju kaj se ne pozabi.
Tak se negda v Podrutama kraj Novoga Marofa za Štefanje išlo z mužiku po selu i čestilo sim godovnjakom, ali i drugim ljudem dobre vole. I tef je običaj bil nestal tak dugo dok se prije jedenajst let nisu grupa mužikašov Stari Trsi nisu prijeli toga i znova začeli.
V jutro se zideju pri jenomu de se malo za put okrepiju i da mine meša geneju. Sako leto prejdeju kre puno hiž, ali sako leto ih je puno kaj veliju da kaj su ni i k njim došli, jer ljudi očeju te starinske običaje i veselje z pravu domaču mužiku.
A baš takvu mužiku igraju Stari trsi, a za pohvalu je i da imaju mortim i najstarešega mužikaša kaj još redovito ž njimi igra Tomeka Klen koji se z mužiku bavi još od kak je bil mali dečec, a ve ima 76 let.
Tak bi sam za kraj rekel daj nam Bog čim više takvih ljudi i običajov jer bolje da fmerne narod nek običaji!