Odred izviđačov z Krapine organizira zimske igre za svoje člane ali i za se učenike osnovne škole z područja grada. Igre buju se održale za vreme školskih praznikov odnosno 3., 4. i 5. siječnja i to od 10 do 13 vur. Plan je da se igre odigraju na igralištu pri školi Ljudve Gaja h Krapini i to samo ak bu snega, a ak ga ne bu onda bu se morale preseliti h školsku sportsku dvoranu. Igram buju se pridružili i izviđači z Koprivničko-križevačke županije, njih jedno petnaest z Koprivnice i Đurđevaca. Bila bu to prava prilika da se deca upoznaju s tim kaj izviđači delaju, ali i da upotpuniju školske praznike z interesantnim aktivnostima i upoznaju nove prijatelje. Možda se deca našćiju kak vezati čvore i petlje ili kak se snajti ak se zgubite h prirodi a nemate kompasa koji bi vam pokazal na koju stranu sveta morate krenuti…