Kak da bi štel mi nekaj reći,
kak da bi štel od nećeg pobeći.
Tak mi se lepo smeje i tak me zdušno gledi,
al’ suza v oku, ko’ biser mu se svetli!
Pa kaj mu je došlo, pa kak to zgledi?
Pitam se ja, a on me pak gledi…
Pa dobro moj dragi Kaj, pa kaj se vre desilo tebi?
Poveć mi poveć, bum ti pomogla – i tebi a i sebi,
jer saka tvoja sozica i moj je plač
i saki tvoj smeh moja je sreća
i se kaj te boli reci mi ti
i brige buš pozabil ko i mi si.
A on mi odgovara i niz obraz soza mu se spusti.
Pa kaj me se sramiju?!
Tu se rodiju, rasteju zmenu,
a onda prejdeju h svet i se pozabiju.
Kak da si ja to oprostim
i kak da se ja s tim pomirim?!
Pak srce mi se cepa i duša me boli
kad se zmislim da me moj čovek pozabi.
I tak je naš dobri stari Kaj svoje brige meni rekel,
a ja ga gledim i s pesmicom ga tešim;
Ljepotu tvoju bregovi krase,
dobrotu si svoju sa svima podelil,
a svakodnevnu radost svima nadelil.
Sreća si zagorska i reć domaća,
šteru pozabiti nije tak ljefke moći.
Furt si znami odveka do naveka,
duša si Zagorja i ponos svakoga čovjeka.
I znaš, dragi moj Kaj,
zagorski bregi se još furt dobre držiju,
jer Zagorci navek živiju!