Ivanec 06.-08. 01.2012.
8. državna izložba hrvatske pasmin male životijn
Više od 440 žive izložkov mogli buju ovoga tjednokonca v športske dvorane Osnovne škole “Ivana Kukuljeviča Sakcinskoga” v Ivancu razgledati posetiteli na izložbe male životijn teru tradicionalno, kak prvi društveni dogodek v novomu letu v gradu Ivancu, pripravla Društvo vuzgajatelov male životijn „Fauna“ z Ivanca.
To bu jena od bogateše izložbi, na tere bu izloženo 72 kuničov („kunekov“), 171 golub, 118 komadi razne živadi te 82 komadi tic pevic.
Posetiteli buju med atrakcijam izložbe mogli videti paune, te se sprobati v jahajnu na izuzetno pitomi kojni.
Tekom izložbe, posetiteli buju mogli videti i izložbu likovne izdelkov vučenikov ivajnske Osnovne škole “Ivana Kukuljeviča Sakcinskoga” na temu male životijn.
Izložba bu oprta v petek od 15 do 20 vur i 30 minut, v sobotu od 8 do 20 i 30, te v nedelu od 8 do 14 vur i 30 minut.
Vučenikem osnovne škol i dece z dečje vrtecov (vrtičov) podelene su besplatne vulaznice, a vulaz je besplaten i za su drugu decu v dobe do 12 let. Stareša deca vulaznice buju plačala po 5, a odrasli po 10 kun.
Izložba male životijn tera bu se održala ovoga tjednokonca bu vujedno 8. izložba hrvatske pasmin, 19. županijska i 27. medgradska izložba male životijn, tere organizira Društvo vuzgajatelov male životijn ”Fauna” z Ivanca.
Sli-kaj:
http://www.e-ivanec.com/images/stories/thumbnails/images-stories-kokot_izlozba_mz-300×209.5.jpg
e-ivanec, 04. sečna 2012.
Kajkavizeral: LK
Zvir:
http://www.e-ivanec.com/vijesti/ostalo/614-izloba-malih-ivotinja-u-ivancu-od-petka-do-nedjelje
Ivanec: Mednarodna izložba male životijn
http://www.ivanec-turizam.hr/opsirnije.asp?strID=121
* * * * * * * * * * * * * * * * * * * * * * * * * * * * * *
Horvatski (kajkavski) beštijarij, zverijnâk, živijnâk, faunarij, ..
* * * * * * * * * * * * * * * * * * * * * * * * * * * * * *
Vide(l)o:
Ivanec – grad hrvatske vitezov ivanovcov
DEČKI Z BREGOV – POLEG JEDNE VELKE GORE.mp4, 02:48
