Pikafci

denes me male glava boli jer sme ščera degustijerali naše lanjske berbe ale sem mislil da to ni od odlike neg od male preveć kupic
no velim ja svojoj  bari da nis oblokan neg smo pod starejše dane malo manje močnejši pri lagviću
ona pak to ne veruje neg kriči da sem stari pijanec i da bi bilo bolše da dvorišće posložim
ja pak mislim da more biti zadovoljna kaj ne prosimo kraj cirkve kaj ti
je to denes već po normalno ak si selak  pemzioner ali veteran

morti se sečate  onih cajti  za koja sem gruntal da budu zanavek odišli po domovinskoj vojni
kad su bokci po podu pikafce skupljali da bi imeli kaj pušiti a na trafiki se
i po jeden cigaretljin mogel kupiti pak su ljudi živeli
a denes dragi moji
opet sem neki den videl jenega bokčeka kaj mi ga bilo tak žal da sem ga na gemišta pozval
je mu bilo drago i baš smo se napripovedali o svemu i svačemu
sem ga videl kak pikafce z onih pepeljara ponad kanti za smeće zbira me nekaj tak oko srčeka štrecnulo i suza mi je kanula ale sem ju brzo gutnul i s
čovekom popil i bil je nekak tak veseli
farbica mu se na ličeko neobrijano vrnula i okece su mu se zaiskrile
pak kaj onda moja barica jamra da gemišti z pekla potiču
a čoveku sam ko ajngel došel z neba

About the author

Dubravko

Rođen 3.6.1955. Križevčanin, politolog, novinar i PR -ovac,