Prije par dana je kakti bil dan smeha. Da bum točna 10. sečnja.  Negdere sam pročitala da kad se smejeme pokreneme 17 mišića na licu, da se smejeme oko 15 put na dan, dok se deca smejeju 400 put na dan. A ak se bi slučajno smejali dnevno deset minut, i tak saki dan kroz cijele lete mogli bi zgubiti i dve kile.  Namerne sam ovo započela s pričuj o smehu, jer je tenka granica između smeha i suzi. Ne gledim pune televiziju, ali ima jena priča radi tere prošlu noć nisam mogla spati, pa me neke muči da to podelim s vami.  Ne znam jeste čuli, ili bute morti od mene to pervi put čuli, priču od familiji Pelesk iz Pustodola . Oni su četveročlana familija, koja živi s jake malim primanjima, i za njih je pomoć s jenim pismom na emisiji „Misija zajedno“ prosila studentica Janja Latin. Samo jeden put od Zagreba prema Kotoribi h cugu, toj familiji je promenil život, zahvaljujući toplomu sercu mlade studentice.

I onda se čovek pita, ke je vredno? Ke nam značiju tri kaputi i skupe čižme, ke nam znači i onije stol ke je zde za svetke bil tak pun? Ke su nam želuci za Božić i Nove lete neke veći?? Mi sme imeli tulike, a neki nisu imeli nić.  Na kraju reportaže bute i sami videli,  dečec si je poželel mobitel, nije rekel a bi morti Nokiju, ili nekakav spejs šatl  od Samsunga, dok mi već h vertić z mobiteli pošiljame. Žalosne je da siromašna deca jedino senjati i maštati moreju, jer im za to ne trebaju penezi.

I morti ovaj moj esej ne bu hpiknul h serce, kak Vas bu hpiknula ova reportaža teru bum Vam na kraju ovoga teksta pustila. Ali htela sam reći da bi morti bile dobre da saki otpre svoj lomar, i negde na neke police sigurne ima neke ke bi tu decu razveselile. Da se saki Zagorec odreče jene kave, ili kutije cigaretof i dene na račun ljudi terima zbilja treba, kak je ta familija Pelesk, morti ne bi promenili svijet, ali temi ljudmi bi pune pomogli, a da Vam ne velim da kakva god bioprognoza za tije dien bila, ja Vam garantiram da Vas bu oko serca zagrele, i tije den bu imel smisla. Probajte će ne verjete!

Ovo je reportaža teru sam Vam gore obečala.

http://www.youtube.com/watch?v=OiyCf5c9yLE

Pomoći morete:

Stjepan Pelesk

Pustodol 91

Donja Stubica

098/948-6681

tek. račun Zg. banke; 2360000-3214956580