Već na početko leta naši dragi vinari se močijo koli nečega kaj se nebi trebali – priredbe. Kak stvari stojijo lajnska manifestacija URBANOVO 2011. je sposlovala s manjkom penez, i to 56 tisoć kuna. Zakaj? Zato jer so si troški pali sam na naše vinare s udruge HORTUS CROATIE.

A tak im je lepo bilo obečano 50 tisoć kuna od Županije. Dobili so sam 10 za ve. A općina Štrigova za 2012 leto planera dati 3 tisoće.

Pitam se… si si mi želimo oglašavati i promoverati naša vina, lepoto naših bregi, a dok bi koju kunu za to trebalo dati, i to curi na hrbt naših vinari. Mesto kaj bili srečni kaj imamo tak vredne i davko poznate vinare i vina, gorice i kaj ih nagradili s tom priredbom – ne, mi kak tutleki i to denemo na njihov hrbt a želimo si več turisti i dobit od toga sega. Kak ?

Žal mi ih je, se celo leto močijo koli goric, Bog zna da je s zemlom ne lefki posel , več težački kak je i navek bil…

Dajte im malo pomognite , jer URBANOVO je nadaleč poznata priredba, zgubiti jo, bilo bi kak pozabiti na naše gorice i na naše ljude, a to je ne lepo.

Na temo toga dodajem janu lepo o Štrigovi :

Dojdite v Štrigovo

Štrigovski bregi, sijoči kak zlato, V sebi skrivaju srce bogato.

Tu Sveti Jeronim veru nam pazi, A Sveti Urban gorice mazi.

Zato su vina nebeski fina, Hrana ka duši i srcu je milina.

Za oči lepoti tu ga ni kraja, Tu Ranger je sliko svece iz raja.

Marija Magdalena je cirkva prekrasna Tu saka duša sebi najde hasna.

I stare kurije, gde stari grofi spiju, Franetović, Terboc i drugi vas vabiju.

Jer tu navek pesmu bute našli i od nas veseli bute dišli..

Zato dojdite k nam, rado Vas čakamo, i samo za Vas čuda veselja,
i najboljše finote pripravlamo!

Z Ladić.