Tečaj se bu oderžal 2., 3., 4. i 5. veljače 2012. (četertek, petek, subota i nedelja) vu Pastoralne sale Sveti Križ Začretje z početkem v 20:00 vur. Prosime vse zaručnike teri se misliju vjenčati vu ovem letu da se odazoveju tečaju teri je priprava za sakrament ženidbe eli i uvet za pristupanje tomu velikomu i svetomu sakramentu. Zaručnički tečaj vodiju: dva bračni pari, doktor, psiholog i župnik.

O samomu tečaju…

Zaručnički tečaj je prie vsega “cirkvena priprava za cirkveni brak”, namienjena oniem teri su člani Cirkve, daklem vierniki, teri želiju sklopiti sakrament kerščanske ženidbe. V tie priprave sudelujeju oni teri buju o braku i familije govorili vu ime Cirkve, v skladu z cirkvenim navukem i na temelju osobne kerščanske i vierničke prakse. Bračnu i familijarnu tematiku želi se izložiti z različiteh aspektof: biblijske-teološkoga, medicinskoga, psihološke-pedagoškoga, duhovnega i svedočenjem bračne pare teri tu stvarnost vu svetlu vere živiju nekulike liet.

Pervoga dana tečaja župnik govori o kerščanskomu svačanju ženidbe (braka), o Božemu planu z brakem i familiju, ljubavi tera je Boži dar i temelj braka.

Drugoga dana tečaja doktor govori o medicinske aspekte braka: anatomije žene i muža, metodah naravnoga planeranja familije, kulture živlenja…

Trejtoga dana psiholog i jeden bračni par govoriju o psihologije bračnoga para, o jedinstvu v razlikah, o komuniceranju v braku, o rešavanju konfliktof. Župnik i jeden bračni par govoriju o odgovornomu roditelstvu, o kerščanskomu odgoju dece teri je velika i teška zadača za sakoga roditelja.

Na zaručničkom tečaju pari premišlaju i o:

Kak si ja zamišlam naše zajedništve?

Tere su moje želje i očekuvanja v braku?

Kej bum ja te obečal/a na cirkvenomu venčanju?

Kej te znači da je brak sakrament?

Kakvu ulogu ima vera v braku?

Biti zalublen jen v drugoga nie dosta. Zalublenost – kaže životne iskustve – prejde. A ke onda z problemi teri buju došli? Imeti se rad iskrene i istinite; e je te jamstve da bu vse v redu, da bume lježe rešavali probleme? Nie. Naš narot ima praf gda veli: “Same od ljubavi neda se živeti”. Te je prava mudrost. O nje trieba premišlati prie braka. Zate tie nekulike vur priprave nie dosta. Nišči nebi trebal tečaj svačati kak priliku gde se dobivleju recepti za srečen i uspešen brak.  Ova priprava je same prilika da mladi spoznaju da nihof brak more uspeti.

Ovu i ovakvu pripravu za brak trieba svačati kak ozbiljnu stvar, a ne kak jenu formalnost teru zaručniki prie ženidbe moraju “obaviti” kak nekakef uvet.