Po šesti put tradicionalne, društve “Petrože-Krušljeve Sele” obiležava “Blažove”.

Z ovem dogajanjem društve se zalaže za čuvanje kulturne baščine i običajof svojega kraja, mesta i grada. društve poziva prijatelske udruge i KUD-ove da čez rieč i pesmu pokažeju kulturne i duhovne vriednosti našoga kraja i zagorske kulture.

Pozvane je KUD-e “Stubica” z Doljnje Stubice, a veči diel programa pokazale bu društve “Petrože-Krušljeve Sele” čez popevačku sekciju za odrasle “Petrovske rože” i “Štrumfove” – sekciju za decu i mlade tere v Mreže udrugof ZAGOR realiziera županiski program za mlade.

Tradicionalne, prie samoga programa služena bu sv. meša v 11:00 vur teru bu predvodil vlč. Dragutin Bosnar. Na te se buju meše, po tradicije našoga kraja, blagoslovile jabuke i gerla.

Zate, 5. velače 2012. leta dojdete vu Krušljeve Sele, v kapelu Sv. Petra i Pavla na “Blažove 2012.”.