dobil sem posla f metropoli
prve sem se tak napil da su me pajdaši morali domu nositi
potlem je nastal problem jer imam same stare ajncuge pa je barek morala fletno pri kitajca kaj je otprl f selu šoping centra
kupila mi je šuškavca kaj se rastavlja tak da ga morem i po kiši i po soncu obleči
vidi se da su ti kitajci jena stara kultura
kak da su se na svetu zmislili
no gemišt ostaje naš domaći izum
pri gabreku sem peglicu dal zrihtati tak da baš prvi den nejdem s cugom
kakve sem zasrane sretje još bu se most prek save zrušil pak bum prvi den na posla zakesnil
slabe sem spal i zdigel sem se vuru prerano
lase sem fajn počešlal i male onega svetlečega briljanta od starejše ćerce metnul
sem bila kak dečki z reklame
autek je vužgil od prve ipak sem snočka jenu zdravomariju zmolil našoj majki božji bistrički
sem si rekel spotiha ima bogeka
nis dugo vozil ali vele da je to kak bicikla peljati kad jenput navčiš navek znaš
nis išel na autobana pak sem mam zaštedel  desetaču bu za gableca ostalo
fulal sem ulaza u grad pak sem prošel kraj one nove bolnice f blatu mi se vidi da to nekak duge delaju
arenu za rukometa sem videl zbliza
stal sem se sa strane i na glas  uzdisal
no ak tak nastavim gruntal sem nem do posla došel
na rotorju sem se triput kaj na ringišpilu zvrtel i onak zvitlani nekak sem pogodil savskega mosta
upal sem f takvu gužvu da iz one moje male pegle ništ oko sebe nis videl em se tu f metropoli voziju sami velki auti
dobro je kaj ima ta žuta traka pa svi juriju po njoj kak blentavi  i moreš se po onoj srednjoj traki gemitlih voziti
ko za vraga posel je f centru pri banu pa je trebalo peglicu negde pospremiti
em je se bilo puno autih i su svugde nekakve zone črlene žote i zelene
stal sem i pital jeno gospo di bi se muž kak ja mogel badava stati do popolden
su gospica tak z nosom frknuli na me da me čist bilo sram
valda sem zasmetal cucku kaj se baš nasred ceste posral  posle sem videl da ima tih nagaznih drekof svugde po putu
no uspel sem luknju za peglicu najti i navratnanos sem došel pod vuru f rekordnom cajtu
bile je male prerane  ili su me zafrknuli
anonsa je iskala dečke z vojne kaj imaju male pemzije ak bi si šteli kaj polek priskrbeti da se jave na brzoglasa a tam su mi jena fajn puca bi joj po glasu rekli obečali jenoga gunduliča po denu ak bi  špahtlicom kaugume z trga skidal je neki od naših z vrha bil prek u japanu i videl kak se tam proti bokčije leče delom pak je mam pri nas patentijeral ideju
vele mi dečki kaj su z menom čakali da su stroji kaj to z megle čiste preveč skupi pa bi z nami dve muhe vubili
nami kakti pomogli z bokčije ziti a sebi peneze prištedili
i tak sem totu