Ivanec
Izložba fotografij Darka Gorenaka „Istina jenoga vremena“
Opirajne izložbe je v petek, 24. velače ob 18 vur v Sredne škole, a pokrovitel je je Grad Ivanec
V ivajnske Sredne škole v petek se opira izložba fotografij „Istina jenoga vremena“ z prizori ratne tematike tere je v Varaždinu i okolice, ali i na mnogem drugem hrvatskem bojišnicam v vreme Domovinskoga rata snimil vugledni varaždinski fotograf Darko Gorenak. Domovinska vojna zatekla ga je na delatnomu mestu mladoga, ali več afirmeranoga fotoreportera Večernoga lista, a sled dogotkov ga je, kak i mnoge druge novinare teri su zveščivali o ratnemi zbivajni, pelal v samo „srce“ događajna. Na takvemi mesti Gorenak je svojem fotoaparatom zabiležil niz ratne prizorov i slik, med teremi su neke obišle svet, noseč mednarodne javnosti snažnu i objektivnu poruku o ondašnemi zbivajni v Hrvatske.
Neke od te fotografij Gorenak bu pokazal i ivajnske javnosti. Suorganizator izložbe je Sredna škola, a na svečanosti opirajna posetitelem bu pripovedal Zlatko Mehun, teri je onda i sam bil ratni reporter. Očekuje se i obračajne predsednika ivajnske podružnice Hrvatskoga časničkoga zbora Vladimira Debeljaka, a izložbu bi trebal opreti predsednik Gradskoga veča Ivanca Čedomir Bračko. Izložbu prati bogata fotomonografija. Na svečanost opirajna, tera počme ob 18 vur, moru dojti si zaintereserani.
Zvir:
* * * * * * * * * * * * * * * * * * * *
Spominek z Darkom Gorenakom povodum negve istoimene izložbe v Varaždinu
http://www.evarazdin.hr/darko-gorenak-istina-jednog-vremena/
* * * * * * * * * * * * * * * * * * * *
Darkov je fotoaparat Varaždince z puškum v ruke sledil celi rat
http://www.vecernji.hr/kultura/darkov-je-fotoaparat-varazdince-puskom-ruci-slijedio-cijeli-rat-clanak-328914
