V okviru projekta “Unlimited” teroga sufinanciera EU a v okviru IPA IV programa namenjenoga za razvoj ljucke potencijale oderžava se nekulike edukacijah. Glavni cilevi projekta su: steči nove znanje i povečati zapošlavanje ljudi z invaliditetem.

V ovem trenutku se ljudi obrazujeju na području informatike, za specijaliste web dizajna, a v tieku je program oblikovatela keramike teri se realiziera v suradnje z Srednju školu Bedekovčina.

V te programe uključene je okoli trideset zaintereseraneh, a po cajtu bu počel i program za dielanje tradicijskeh drveneh igraček.

Organizierala se bu i tribina v okviru Sejma poslof vu Krapine drugi mesec na tere se bu govorile o olakšicah za poslodafce i primerima z prakse.