Of petek je skup z društvom z rekreacije proslavil svoj 76. rođendan najstarejši mladić z Novoga Marofa. Ivan Franjić rodil se je davne 1936. godine v okolici Rame v Bosni. Posle Drugoga svetskoga rata završil je v Vrbovcu od kud je z beciklinom došel v Marof za fiskulturnika i tu je ostal celi život delati i živeti. Nema toga športa v Marofu da on ni imel prste vu njem, a i den denes ni obesil kopačke na klin. Još navek igra tenis, skija, vodi školu stolnog tenisa za školsku decu, a saki petek hodi na rekreaciju z školskim kolegama z kojima je negda delal, a koji su skoro si bili njegovi đaki. Vučil je on i Blaženka Lackoviča rukomet, a i kup drugih vekših i menjših športašov.

Kaj to znači biti betežen je nekaj za kaj on ni nigdar čula če bi i kakev beteg štel na njega zajašiti on ga stira z domaču medicinu. I vedri duh tu pomaže. Rada si on još navek v ruke zeme harmoniku pa zaigra i zapopeva. Naš je Deda kak ga od milja zovemo pravi dokaz da vredi ona stara” V zdravom telu zdravi duh!”

I of je petek, kak sem i rekel spuhnul 76 svečic na torti, a daj mu Bog zdravlja da i na stoti dojde odigrati si koju pa na feštu.