Predstave
Vrak Mrak i Seljo Beljo
‘Vrak Mrak i Seljo Beljo’…iliti predstava s tri imena mesto jenoga prenašla je sve mesto v HNK Varaždin.
‘Vrak Mrak i Seljo Beljo’ v podnaslovu ima još dva imena – ‘Velki požar vu Varažlinu‘ iliti ‘Zdiganje cirkve Svetega Florijana‘, a tera su zapraf i najsažeteši moguči sadržaj ove predstave.
Dela se o bebaste (lutkarske) predstave, iliti, kak veli avutor, guignolske poviesne drame, teru je napisal prema nemačke pripovesti‘Der Teufel Heufel und der Bauer Auer‘, tera je v Hrvatske najpoznateša v ina(t)čice bratov Grimm, a pripoveda o selaku i vragu.
Predstava bu zvedena v Staromu Gradu, kak tal Dečje i bebaste (lutkarske) scene, a osim selaka teri je prevaril vraga, v ove pripovesti se pojavluju kao liki i varaždinska cirkva, biškup, jen kip, jen bager, jena roda i sv. Florijan.
Avutor teksta istovremeno je i potpisnik režije, a kreator bebi (lutki) i scenograf je Ivan Duič, dok je za glazbu zaslužen Igor Baksa i Etno Band Kom3dija.
http://teatar.hr/7547/vrak-mrak-i-seljo-beljo/
* * * * * * * * * * * * * * * * * * * * * * * * * * * * * *
Sledi zvadek z časopisa KAJ, leto XY:
VRAK MRAK I SELJO BELJO
iliti Velki požar vu Varažlinu!
Iliti Zdiganje cirkve Svetega Florijana!
(Guignolska poviesna drama prema njemačkoj priči
„Der Teufel Heufel und der Bauer Auer“)
Dubravko Torjanac, Trnovec Bartolovečki
Se vidi: prazna cesta, vu daljini grad Varažlin.
Se čuje: nedgo popeva na ‘Ja sem Varaždinec…’
Vrak Mrak
Ja sem jeden vrak, jeden vrak – čisti mrak!
(Vrak se na brzinu pokaže, z leve strane, pak zgine)
Vrak Mrak
Ja sem jeden vrag, jeden vrak – čisti mrak!
(Vrak se pak na brzinu pokaže, z leve strane, pak pak zgine)
Vrak Mrak
Ja sem …
(Ve se pak s druge strane čuje kak je negdo kakti nastavil popevati) … jen selak, jen selak…
(… i pokaže se, z desna, jen selak!)
Vrak Mrak
(zapopevle, al ga se ne vidi)… jen bedak!
Jen selak
(se ogledavle, al nikoga ne vidi) O ti sih ran Kristušovih! (pak zapopevle) Ja sem… (stane, osluhne – ništ se ne čuje) Ja sem … (stane, ostuhne – al ništ se ne čuje. Obrne se i štel bi oditi) Ja sem …
Vrak Mrak
(zapopevle, jako tiho, jako tiho, al ga se ne vidi) … Varažlinec.Varažlinec …
Jen selak
(obrne se nazaj) … O ti sih ran Kristušovih! ( … pak se ogledavle, ogledavle, al nikoga ni; pa zapopevle) Ja sem … Ja sem … Varažlinec, Varažlinec … Varažlinec, Varažlinec … domovine sin!
Vrak Mrak
(skoči i pokaže mu se) ja sem vrak! -čisti mrak!
Jen selak
Joj! A ja sem…
Vrak Mrak
(zapopevle) … jen selak, jen selak, ti si jen bedak!
Jen selak
Ja selak jesem, al bedak nisem i nigdar ne bum bil!
Bedak si ti!
Vrak Mrak
Ja bedak nisem i nigdar ne bum bil! Ja sem vrak! – čisti mrak!
Jen selak
Pri nas se veli kmica!
Vrak Mrak
Iebala te ftica!
Jen selak
I pri nas se veli prasica!
Vrak Mrak
Tata bi je klobasica!
Jen selak
I pri nas se veli strina Mica!
Vrak Mrak
Gda na vrbi rodi grančica!
Jen selak
I pri nas se veli… ‘
Vrak Mrak
A pri nas se veli da si ti selak bedak i seljo beljo! (zafrkava ga)
Seljo beljo, seljo beljo, seljo beljo …
Jen selak
Deca proč! Tu se pripovedaju prostote!
Vrak Mrak
(ponovi za njim kaj papiga) Deca proč! Tu se pripovedaju prostote!
Jen selak
O da ti sih ran Kristušovih! E jesi vrak da jesi vrak!
Vrak Mrak
Jesem! Jesem, jesem i jesem!
Ja sem vrak!
– čisti mrak!
A ti si pak… (zapopevlaju skup) Ja sem Varažlinec, Varažlinec… (… no ve jen zapopevle domovine sin, a drugi lopov i fakin, pak ideju gor, pak dol, gor, pak dol, popevajuč domovine sin i lopov i fakin, dok Vrak ne veli a gleč ti ve ovo! i fejst ne počne repati – i z repom i z nogami tak da se skoro ftrgne – jer je jena obična kazališna lutka glupa!
Gda su se Vrak Mrak i Seljo Beljo napopevali i tak se zmučili kaj si Kristuši, sedneju se, skup veliju Jooj! i jeno malo cajta ništ ne dalaju več sam tak sediju i tu i tam si malo zajojkaju.
Ondak se čuje: z jene vure varažlinskega tornja zvoni! Jena jutarnja vura, rečemo sedma – tak da nije ni prerano, ni prekesno. Celi grad Varažlin se trese, se se miga i štroboče: to si Varažlinci ideju k meši! Vidimo male, male ljudeke kak kaj mravi bežiju, bežiju, bežiju. Vidimo i kak se jena varažlinska cirkva napuhnula kak kravlji mehur i preti da bu pukla.
Jena varažlinska cirkva (preti) Ja bum pukla, ja bum pukla!
Ondak zafučkaju orgule i se vtihne.
Sam ona bedasta cirkva i dal zdihavle: Jaj meni! Jaj meni!, se dok joj naš Varažlinski biškup lepo ne veli: Kuš budi, ti hiža Božja jena nora, bum te zrušil ak ne zdržiš, i mesto tebe zdigel si dve nove!
Cirkva začkomi!)
Seljo Beljo
(s eje dost znajojkal i dost si se spocendral) Je tak! Cajti su! Treba delat, ja ti za mešu cajta bormeš nemam!
Vrak Mrak
A mene na mešu tak i tak ne bi pustili!
Ajd, bok, Seljo Beljo!
Seljo Beljo
Ajd, bok, Vrak Mrak!
(Obrneju se jen od drugega da bi odišli, al se ondak pak okreneju jen k drugome.)
Vrak Mrak
E bok, Seljo Beljo!
Seljo Beljo
E bok, Vrak Mrak!
Vrak Mrak
E čuj još nekaj, Seljo Beljo!
Seljo Beljo
E čuj još nekaj, Vrak Mrak!
Vrak Mrak E pa kak si ti meni, Seljo Beljo?
Seljo Beljo E pa kak si ti meni, Vrak Mrak?
Vrak Mrak
E pak dobro sam ja tebi, Seljo Beljo!
Seljo Beljo
E pak dobro sam ja tebi, Vrak Mrak!
Vrak Mrak
E ondak bog, Seljo Beljo!
Seljo Beljo
E ondak bog, Vrak Mrak!
(Obrneju se jen od drugega da bi odišli, al se ondak pak okreneju jen k drugome).
Vrak Mrak
E bok, Seljo Beljo!
Seljo Beljo
E bok, Vrak Mrak!
Vrak Mrak
E a znaš ti, Seljo Beljo, gdo najpre ide v hižu?
Seljo Beljo
Najpre v hižu ide kluč!
E a znaš ti, Vrak Mrak, gda je človek v hiži brez glave?
Vrak Mrak
Gda gledi črez oblok vun!
E a znaš ti, Seljo Beljo, gda je krava najtežejša?
Seljo Beljo
Gda ti stane na nogu!
E a znaš ti kulike je odovud do gor?
Vrak Mrak
Odovud do gor ti je tulike kulike je od gor doovoud!
E a znaš ti kak se zove vuk?
Seljo Beljo
Vuk se ne zove, on dojde sam!
E a znaš ti kam ide dete gda napuni četrto leto?
Vrak Mrak
Ide v peto!
E a znaš ti štera je voda brez peska?
Seljo Beljo
Soza!
A znaš ti kaj delaju si ljudi skup?
Vrak Mrak
Dišeju!
A znaš ti gda je črna kapa bela?
Seljo Beljo
Gda na nju opadne sneg!
A znaš ti gda zajca boliju zubi?
Vrak Mrak
Gda ga vgrizne pes!
A znaš ti na koji strani pes ima više dlak?
Seljo Beljo
Na koju mahne z repom!
A znaš ti koja vatra ne peče?
VrakMrak
Koja je vgašena!
Ajd bok, Seljo Beljo!
Seljo Beljo
Ajd bok, Vrak Mrak!
(Obrneju se jen od drugega da bi odišli, al se ondak pak okreneju jen k drugome).
VrakMrak
E bok, Seljo Beljo!
Seljo Beljo
E bok, Vrak Mrak!
Vrak Mrak
Gleč! (pokaže) ‘Mam žetoflina, pak idem vu dučan!
Seljo Beljo
Gleč! (pokaže) ‘Mam motičicu pak idem na pole!
Vrak Mrak
Pak ti pole nebu pobeglo!
Seljo Beljo
Pak ni tebi dučan pobegel nebu!
Vrak Mrak
Je, al dok ja do dučana dojdem, bu se skupleše!
Seljo Beljo
A dok ja do pola dojdem drač bu kak je i bil! Sam se bormeš ščupal ne
Vrak Mrak
A očeš da ti ja pomorem?
Seljo Beljo
Bormeš ‘oču! Ali kaj ti znaš? Si išel v kakve škole?
Vrak Mrak
V škole jesem išel, ali ne znam ništ!
Seljo Beljo
Je, bormeš, tak i ja! Ne znam ništ, a v škole jesem išel!
Vrak Mrak
Ja znam ovo … (spezdi se)
Seljo Beljo
To ti znam i ja … (spezdi se)
Vrak Mrak
Al se ja znam još i ritat i kopitat… (pokaže)
Seljo Beljo
To ti znam i ja … (pokaže)
Vrak Mrak
A je li se ti čohat znaš? (pokaže: čoše se kaj stekli)
Seljo Beljo
Ja se čohat bormeš znam! (pokaže: čoše se kaj stekli)
Vrak Mrak
A gleč kak ti se ja lepo prekobicavlem! (pokaže)
Seljo Beljo
A gleč kak ti se JA lepo prekobicavlem! (pokaže)
Vrak Mrak
I ja ti još znam z repom zamahivat! (pokaže)
Seljo Beljo
Uuuuuuu, a ja to nemrem, ja to nemrem!
Vrak Mrak
E! kad sem ja vrak! – čisti mrak!
Seljo Beljo
Bormeš, jako si ti vučen! Sam se zaiebavaš!
Vrak Mrak
Al mi se veruje!
A i ti si, bormeš, jako vučen! Bedariš se kaj norc!
(Titulijeraju se)
Vrak Mrak
Gospon doktor, dober den!
Seljo Beljo
Gospodn doktor, dober den!
(Ve pezdiju jen na drugega, ričeju se i kopitaju, čošeju se i prekobicavleju. Usput se i tituljeraju. A morebitno su prepoznali i koga z publike, pak ga takaj titulijeraju: gleč, gleč, gospon doktor, gospon norc, gospon direktor, gospa ništkoristi, strina Mica, strina Mica, je to strina Mica, strina Miica…
Ve su se Vrak Mrak i Seljo Beljo pak tak zmučili da se moraju sesti, saki vu svoj kut, i malo si otpočinuti. Zdihavleju i jojkaju, Z Varažlina se čuje kak z cirkve zvoni. Gotova je meša. Puno malih ljudekov ide z cirkve vun. Popevleju: Mi sme Varažlinci, Varažlinci, domovine sinci! Imeli smne si škrlak, puhnul veter… zel ga vrak … i bormeš! Puhne jen veter i sim Varažlincima z glav odnese škrlake! Puno, jako puno malih škrlakov leti nad Varažlinom. Ljudeki bežiju za svojimi škrlakim … Seljo Beljo i Vrak Mrak su se otpočinuli i deli si na glave škrlake…)
Seljo Beljo
No ondak, ajde vezda, gospon inžinjer, ideme na pole!
Vrak Mrak
Ideme na pole!
(Vrak Mrak i Seljo Beljo vezda su se stali. Okrenuli su se vu jenem smeru i ideju jen za drugim, al vsaki ostaje vu svojemu kutu. Oni ideju na mestu, a odoztrag se panorama Varažlina okreče skroz: najemput se vulice zgužvaju kaj harmonika, tak da zgledi kak da je to nastal nekšni drugi Varažlin, jemput pak se vulice tak prošire da hiže klimbeču kaj klimavi zobi. Vulice i hiže idu: rivleju se, delaju si mesta. Najemput se med hižami pojavi pet fontan, kip V. Jagiča ide okol i kriči: A di bum vezda ja? di bum vezda ja? Med hižami se najemput pokaže jen velki bager, zakriči: Ja sem jeden bager, velki snager! i se to, i place i hiže i Jagiča, nekak dene v red tak da grad nazaj zgledi kakti grad Varažlin. Medtemtega su i Vrak Mrak i Seljo Beljo stali. Došli su na pole.)
Seljo Beljo
Tak je! Došli sme na pole!
Vrak Mrak (je stal: gledi desne, gledi leve – niščega ni)
Pak tu niščega ni!
Seljo Beljo
Pak je to pole! Na polu nigdar niščega ni!
Vrak Mrak
Pak kaj bum ja tu delal?
Seljo Beljo
Ti buš mi pomogel!
Vrak Mrak
Ja ti bum najbolše pomogel ovak! (hiti se na pole i zahrče)
Seljo Beljo
A mi je to velka pomoč!
Vrak Mrak (veli, a spi)
Kaj ne da je!
Seljo Beljo (vudri ga z motikom)
Zdigni se, ti vrak jen stekli! Na! (da mu nekšnu vreću) Ja bum z motikom okopaval i rupe delel, a ti buš ovo v rupe metal, najmre -sadil!
Vrak Mrak
Ja bum z ovim rupe delal, a ti buš motiku v rupe deval!
Seljo Beljo
Ne! Obrnjeno je!
Vrak Mrak (se postavi na glavu)
Ovak je dobro?
Seljo Beljo (vudri ga tak da Vragu glava odleti)
Ne! Ovak je dobro!
Vrak Mrak (se stane, al je prez glave; Vragovu glavu si je zel Seljo Beljo i drži je i z njom se spomina; Vragovo telo blodi po polju)
A mi vrneš glavu, prosim tebe lepo ja!
Seljo Beljo
A kaj če ti?
Vrak Mrak
Da bum videl di bum sejal! Ja sem vrak! – čisti mrak!
Seljo Beljo
To je v redu!
Vrak Mrak
Deneš, prosim tebe lepo ja, mi glavu nazaj k telu?
Seljo Beljo
Denem, denem! (Seljo Beljo dene Vragu glavu nazaj, al naopak)”
Vrak Mrak
Al tak dobro ne! Zafrči je!
Seljo Beljo (frče Vragu glavu; jake teške ide; se škripi)
Jako teške ide!
VrakMrak
Ali ide, ali ide!
Seljo Beljo (je ve Vragu glavu složil kak spada)
Tak! ve sme i to naredili!
Vrak Mrak
Joj meni joj! Joj meni joj! Ja sem vrak! – čisti mrak!
Seljo Beljo
A vezda na posel!
Vrak Mrak
A čakaj, čakaj! Čakaj, čakaj, ti jen Seljo Beljo! Seljo Beljo
Seljo Beljo
Kaj pak je?
Vrak Mrak
Pak bi se predi dogovoriti trebali kak se bumo delili!
Seljo Beljo
Pak bi se predi dogovoriti trebali kaj bumo opće sadili!
Vrak Mrak
A kaj bumo opće sadili?
Seljo Beljo
Gleč ovak! Sadili bumo… mmm… sadili bumo… mmm … (jako hudo ga pogleda) … sadili bumo – paradajz!
Vrak Mrak
Mmmmmmm, paradajz, rajske jabolke, joj! kak ih ja mam rad!
Seljo Beljo
I ondak se bumo delili ovak: tebi, kaj si z doljnjeg sveta bude išlo ono kaj je ispod zemle, a meni, kaj sem z gornjega sveta bude išlo ono kaj je gor na zemli, more?
Vrak Mrak
Mooore!
Seljo Beljo
Na! I kanticu si zemi, pak kak flancu v zemlu deneš, ti je i zalij!
Vrak Mrak (ponavla)
Ti je i zalij! Ja sem vrak! – čisti mrak!
(Ve Vrak Mrak i Seljo Beljo kopaju i sadiju i zalevleju. Začudo, kolko god su se do ve telili, ve im lepo i fletno ide. Več su zasadili celo pole.)
Seljo Beljo
Tak! Ve srne zasadili pole paradajza i ve bume čakali dok paradajz ne zraste! A dok čakame, bumo si zakadili! Pušiš ti, Vrak Mrak?
Vrak Mrak
Joj! Meni ti je cigaretljin nekaj najslajše na svetu!
Seljo Beljo (da mu cigaretljina, al mu ga i mam nazaj potegne)
Joj! Al ti ne bi cigaretljina više smel cigaretljinom nazivati!
Vrak Mrak
A zakaj to?
Seljo Beljo
Pak zato kaj ti cigaretljina cigaretijinom nazivleju i Francuzi i Nemci i Taljani, daklem stranci kaj strane reči govoriju, al mi pak ne, zato kaj mi ne govorimo po stranjski, već po rvacki!
Vrak Mrak
Aha!
Seljo Beljo
E tak! Zato bum ja tebi ve dal ne cigaretljina, več … (daje mu cigaretljina, al mu ga i mam nazaj zeme – ovakšna zajebancija traje do konca spominjanja)
… dimenku!
Vrak Mrak
Dimenku!
Seljo Beljo
Ali – dimsticu!
Vrak Mrak
Dimsticu! – daj!
Seljo Beljo
Ali – dimku!
Vrak Mrak
Dimku! – (cendra, jako mu se kadi) – daaaaaj!
Seljo Beljo
…a to zato kaj se dimi! Ali
Vrak Mrak
…ali!?
Seljo Beljo
-ali – žaricu, žariku, žarku, žarljicu, ali žarulju – to zato …
Vrak Mrak
To zato?!
Seljo Beljo
…kaj se žari! Ali …
Vrak Mrak
Ali!!??
Seljo Beljo
… ali pališčicu, zapaljutku, palinku, vužgicu, iliti žvegni me odnaprej …
Vrak Mrak (je već jako nervozen)
… žvegni me odnaprej, daj, daj!
Seljo Beljo
… ampak te reči jako pak treba razlikuvati od reči pališčka, zapaljutka, palinka,vužgica,vužgi me aliti žvegni me Blaž s prstmi…
Vrak Mrak (je več jako nervozen)
… žvegni me Blaž z prstmi, daj, daj!
Seljo Beljo
… kajti su to reči z kojima hočemo reči šibica, aliti palidrvce!
Vrak Mrak
No i kak bi se ondak, k vragu, imalo reči za cigaretljin!?
Seljo Beljo (mu ga drži pred nosom i tolnači mu)
Kak? Pak ajfah! – Žarna međučobna dimna vu paper zamotana duhanska potegača kaj med prstmi ti stoji i kak rafung se kadi, z propustnicom ali prez!
Vrak Mrak (je več zvun sebe; komaj da ni sozu pustil)
Z propustnicom ali prez?
Seljo Beljo
Se razme! Propustnica, viš tu lepo, to ti je filter! Na! (mu da)
Vrak Mrak (prime cigaretljina i hiti ga fkraj)
Ah! Ve me više ni vola!
Seljo Beljo
Mene pak je! (lepo si sedi i puši)
(Z pravca Varažlina prema njimi ide jena puca i nosi štrucu kruha.
Popeva. Al to kaj papeva tak je grdo da to nečem ni napisati.)
Pucek (dojde pred njih, zagledi se vu njih, stane, i dokonča svoje popevanje)…
i-ju-juh!
Vrak Mrak
Gleč, gleč!
Seljo Beljo
Došel pucek!
Vrak Mrak
I donesel štrucek!
Seljo Beljo
Gleč, gleč!
Pucek (zapraf ne zna kaj bi rekla, pak se okrene k štovanom publjikumu i važno
izjavi) …i-ju-juh!
Seljo Beljo (je stal šnjofat! a kaj? friškoga kruha)
Mmmmm! Čuj ti, pucek! – daš mi malo od tvoj štrucek?
Pucek
… i-ju-juh!
Vrak Mrak (je stal šnjofati i ophodavati oko puceka)
Mmmmmm! Čuj ti, pucek…
Seljo Beljo
Daj se ti, vrak, mekni! To su vezda čisto ludski posli!
Pucek
… i-ju-juh!
Vrak Mrak
Al ja sem vrak! – čisti mrak!
Seljo Beljo
Ondak na ti, vrak! (Šupi ga i natakne mu na glavu onu vreču vu koji su bile flance i zveže ju i ve Vrak ide okol posrčuč i nikak si z glave nemre sleči vreču) Naj ti bude čisti mrak!
Pucek
… i-ju-juh!
Seljo Beljo
Jesi l´, pucek, ti od vole
da ti ja pokažem pole?
Cajta, lepi pucek,
valda imaš jen trenucek?
Pucek
…i-ju-juh!
Seljo Beljo
A dok mi smo, lepi pucek.
dva na pole,
da nam bude bole,
ti mi, pucek, daš svoj štrucek!
I ja, bormeš, tebi!
Pucek
… i-ju-juh!
SeljoBeljo
Jer, najmre – kaj? Za te pucek
imam bormeš i ja štrucek! More?
Pucek
…i-ju-juh!
(Ve Pucek i Seljo Beljo zgineju vu polu.
Vrak Mrak furt još hodi okol z onom vrečom na glavi.
Vu polu se gibleju paradajzi. Zapuhne veter.
Z pola najemput počneju frcati iskre i frcaju na se strane. Najpre pomalem,
Pak ondak se bole.
Tu pak tom se čuje kak Pucek zakriči
…i-ju-juh!
i kak Seljo Beljo pripomene:
Je, je, tak je praf! Dober žar, dober žar je vu ti pucek, hrastav bormeš bu moj štrucek!
Jeno jato rod zleti z pola vun, šaka roda v klunu ima pinklec z detetom.
Glavna roda veli drugima:
‘Ajde, puce, ideme na sever! Tu bu dece na fandle! Tu je za nas postalo prevruče! i odletiju na sever.
Iskrih je se više i iskre frcaju se dale.
Vrak Mrak furt još okol ide z ovom vrečom na glavi.
Ve se z pušleka iskr odvoji jena velka, lepa iskra, stane v zraku i veli:
Glečte me, ljudi, glečte me! Ja sem vezda skočila vun z ove huncutarije kaj je tam v polu opravlaju Seljo Beljo i njegov pucek!
Ja sem jena fejst strašna iskra! Ve piha veter i ve me bu veter odnesel vu Varažlin! Ja bum zežgala Varažlin! Ne da bi to štela, ali bum! Jer sem takšna! Si morem kaj? Zato, bok i najte ništ zameriti!
Iskra to veli i uz jen duuuuuugi, duuuuuugi… i-ju-juh! kaj ga čujemo od Puceka s pola, otprheče vu Varažlin. Lepa vidimo kak pada, a Varažlin se, mal pomol, počne žariti, žariti, svetlo vu Varažlinu je se crvenejše i crvenejše.
Ve se na polu one paradajzove flance otpreju kakti da su kazališna firanga.
Varažlin se žari.
Vrak Mrak oseti vručinu i z vrečom na glavi veli: Nekak je vruče, kaj sem doma došel? i nastavi ništnevideči bloditi okol.
Z Varažlina se, di se več i vatra vidi, javla ona jena varažlinska cirkva.
Ona jena varažlinska cirkva (kriči i lamače z rokami kaj stekla)
Gospon biškup, gospon biškup! Se gori! Se gori! Tulifonjerajte po Florijana! Florko! Florko! Di si, vrak te skelil!
Sveti Florijan (doleti z svojim oblakom)
A di bi bil!? A je li imam ja smeštaja vu Varažlinu? Je li imam ja svoju cirkvu!? Nemam! E pak di bi ondak bil?
Ona jena varažlinska cirkva
A naj se, Florko, bedariti! Si bume zgoreli!
Sveti Florijan
Dobro, dobro! Ja bum zgasil, al naj mi se zdigne cirkva!
Ona jena varažlinska cirkva
Zdigla ti se bude cirkva, zdigla ti se bude!
Sveti Florijan (z oblaka)
Ondak v redu! Ajde puščaj, oblak jeden!
(Oblak pušta vodu: z oblaka ziđe vun mali pimpač i popiša Varažlin. Vatra vu
Varažlinu se zgasi. Ostane dim.
Ve se na polu one paradajzove flance pak tak zapreju kak da su kazališna
firanga. Iza njih se furt još dimi.
Zpota zidu vun Seljo Beljo i Pucek.
Fejst su črleni, al jako, jako lepo glediju jen drugega.)
Seljo Beljo
Ajde, bok, ti lepi pucek!
Pucek
…i-ju-juh!
Seljo Beljo
Pusek, pucek!
Pucek (Pucek kušne Selju Belju, Seljo Beljo kušne Pucek)
Seljo Beljo
…i-ju-juh!
(Pucek odide desno
Seljo Beljo odide levo.
Sam je Vrak Mrak ostal.
Ve se paradajzove flance pak otpiraju kakti kazališna firanga, a vu tem času si i Vrak Mrak nekak strga onu vrelu z glave.
Vrak Mrak stoji i bleji vu Varažlin.
Varažlin je ves črni, sam je ona jena varažlinska cirkva nekak ostala polucela i ve komandjera: Ajde, ljudi, ideme, ideme, zdižite tu Florijanovu cirkvu, zdižite … Florijanova cirkva se pomalem zdiže.)
Vrak Mrak (se to gledi i gledi, gledi i črni Varažlin i zdizanje nove cirkve i nemre dojti k sebi, pak spotiho i nekak kak da se boji, veli)
A kaj? ve buju pak si rekli da sem za se to JA krif?
(I tu opadne mrak i tu je KONEC!)
* * * * * * * * * * * * * * * * * * * * * * * * * * *
Vužgi ga Blaž
(LOJTRICE I LEST)VICE (Z)VUKOV – VUZGI, 02:49
