VU(PROTU)LETJE
Vuletje
Spod starog se listja fijolica zdigla
Pa s klimavu glavu semu se čudi
Nutri pod malim grmom spavečim
Črleni peharček* klobučec svoj nudi
Rad sunčeve zrake kaj ga žegeče
Žuti maslaček za čas bu potiral
I svilna se trava po zemlji prostrla
Prebrana je kak da bi ko ju sortiral
Svržicu malu ftiček je kljuknul
Hišku popravlja kam pucu bu vodil
Čisto malečka vraca za nutri je pustil
Kaj fačuk mu lucki ne bi se rodil
Na drevu pak jastrep nekak se stisnul
Je morti mu zima,il nekaj pikira
A pri potoku pod dračom pokrita
Se krastava žaba seg glasa razdira
Kaplja preteška v mlaku zaruži
Kaj veter ju stepe čim stiha zahludi*
Još z jutra bi ranog sakom štel reči
Je vuletje došlo, se naj se zbudi
zahludi* – zapuhne
črleni peharček * – ona mala crvena gljiva što u rano proljeće raste po šikarama i dvorištima (mislim da je jestiva),sigurno ste ju vidli
Napisal: Riba (Bednja)
http://www.vinogradarstvo.com/forum/index.php?PHPSESSID=1f730ad94f77cdd6cf894db6d6cb9d69&topic=809.msg18570#msg18570
* * * * * * * * * * * * * * * * * * * * * * * * * * * * * * *
VINOGRADARSKA
Gda vuletje dojde, a mraz jos prešel ni
svaki od nas po trsju gledi.
I muka nas lovi, kajti započet bi šteli
a trsek nam dragi još navek spi.
No sunčece svojom zrakom blešči
i zimu nam tira, daj vugni se ti.
Ljudi betežni, najemput zdravi su si
a veseli žamor kak pesma zvoni.
Ružiju motike, krampi, se iskra leti
motorke brenčiju i stupi buju novi.
Za čas trsje kaj puca zgledi
čisto i speglano, kaj za k meši iti.
I grozdek već se kaže, sretni smo si
sad smo v nevoli, a kak to spasiti?
Znoj nam se cedi, špricamo si
neko par put, a neko bogme četiri put po tri.
Al se se pozabi, muka i problemi
kad iz zlatnog grozda slatki mošt curi.
I pesma se cuje ,da Bog te veseli
uz rujno nam vino ŽIVJELI SI!
Napisal: Riba (Bednja)
* * * * * * * * * * * * * * * * * * * * * * * *
BEDNJO – NUJLIJEPŠI KEMAUČEK SVIETO
na tur-for-um-u
http://www.forumgorica.com/kajkavski/bednjo-nujlijepsi-kemaucek-svieto/
* * * * * * * * * * * * * * * * * * * * * * * *
Kum ida Bednjo (Kud ide Bednja), 06:24