Pregled tisKAJna
Tonček Zvonček
ZVONA, Mesečni list čakovečke žup, OŽUJEK 2012.
NEKAJ ZA ČAS KRATITI
Nejleži je obečati…
Vsi znamo gda je Korizma vreme molitve, posta, dobrih djela i ljubavi. Nejleži je postiti od jesti, malo teži od pijače, ali dragi Božek išče od nas kajbi postili od gunđanja i jamranja, od sebičnosti, škrtosti, laži, jala, nepravde, oholosti i kaj bi čuda meje kleli… Ne, nejsam pozabil, trelo bi, čim vejč, postiti (i to nej sam vu Korizmi) od ogovarjanja i tračanja. Jerbo, ak več ne pijemo kavo, unda ne moramo niti tračati.
Pred četrdeset dni je fašnik minul, nej sam gda je minul nek smo ga skurili jerbo je on kriv za vse naše nevole, kak na poslo tak i doma, kaj nebodem dale nabrajal. No, pak vsi znajo gda je fašnik kriv i za to kaj je Dinamo prvi, a to si je nej zasluživ tak dugo dok ima Mamića, a kriv je i za to kaj Hajduk nebre nikak dojti više od drugoga mesta i to mortik sam zato kaj si je dopelal trenera z Bugarske. Ali nejsam vam štel o temo prepovedati, nek sam nekaj štel reči o Korizmi štera je počela mam vjutro čim se fašnikov pepel prehladil i veter ga je reznesel po celomo Čakovco i Međimorjo. Hucvutarije i norije smo deli na stran, maske smo zeli doli i kajkaj toga smo obečali našemo dragomo Božeko vu Korizmi. Jedni so prestali kavo piti, drugi so prestali pušiti, tretji so se odrekli pijače, četrti se ne kartajo, a nejveč je onih šteri so se nikak nej mogli zmisliti čega bi se odrekli pak i dale vse ide po staromo. Kuliko vidimo nišči si je nej del vu pokoro kajbi (bar vu korizmi) hodal vsako nedelo k meši, kak to naš Božek išče od nas vu svojoj tretjoj zapovjedi, jerbo gda je tak bi se vu cirkvaj poznalo. Moram vam reči, ali vas prosim kaj nebi nikomo rekli kaj se nej zazvedilo gda sam vam ja rekel, sosed Tonča je obečal vsima svojima pre hiži gda se bode popravil i počel je v nedelo hodati k meši, a kaj je več na leta nej delal. Dobro ste čuli, obečal je, ali je počel sam od hiže odhajati, a vu cirkvo je nej došel. Brzčas je strahom kaj se nebi vruhnula dok bi on, črez tulikša leta, nutri došel. Veruval sam gda je bil zadjipot pred petnaest let dok mo se sin ženil, ali mi je priznal, zadnjipot za šankom, gda je svate čakal vu kafičo prek cirkve. Tak vam je i ve delal. Pijašil je za vreme meše i furt je gledal črez oblok gda bode meša gotova kak bi skupa delnikima svete meše išel dimo i, tobož, donesel vsima pre hiži blagoslova svete meše. Nejsam vam siguren je li jegova Nadika zna kaj on speluvle ili nej? Mogoče bi bilo gda zna, pak ga pušča nek se bar v nedelo vjutro stane na vreme, podbrije stošera i odide od hiže kaj joj ne gomba dok obeda kuha. Znate kak vam je to, te so vam nejbolši šteri vse nejbole znajo, a za nikaj se ne primejo. Pak najte mi reči gda niti jednoga takšega nemate pre hiži? Nemate? Mam dejte na mešo i zafalite dragomo Božeko kaj so takše spametne vuteske odišle mimo vaše hiže.
Vsi znamo gda je Korizma vreme molitve, posta, dobrih djela i ljubavi. Nejleži je postiti od jesti, malo teži od pijače, ali dragi Božek išče od nas kajbi postili od gunđanja i jamranja, od sebičnosti, škrtosti, laži, jala, nepravde, oholosti i kaj bi čuda meje kleli… Ne, nejsam pozabil, trelo bi, čim vejč, postiti (i to nej sam vu Korizmi) od ogovarjanja i tračanja. Jerbo, ak več ne pijemo kavo, unda ne moramo niti tračati. I to je još nej vse, trelo bi malo vejč misliti na svoje sosede, svoje bližnje i vse one šteri imajo čuda meje od nas. Trelo bi jim pomoči, bar ve vu Korizmi, ak več to ne delamo celo leto. Verjem gda nebode celi svet prepal ak sosedo, šteri ima sam hrena, poklonimo šunko. Ne mine den, a kaj ne bi videl kakšo gospo ili pak gospona šteri špancera svojega (vekšega ili menšega) pesa po grado i to zrihtanoga kak se šika. Mam se vidi gda se gazdi brigajo za svojega hižnoga ljubimca. Pred par dni sam čul spominka dvejo gospi, štere so špancerale svoje peseke, pak dok so se peseki vohali gospe so se pospominale. Ona malo bole plavkasta se pofalila kak bode svojega Fifija počastila za vuzem i to z telečim kostima i z juhicom, pak ne bode on, valjda, na Vuzem jel slabovredne kokošje kosti. A nebre furt niti živeti od svinjetine. No, kuliko sam mel za videti, brzčas je Fifi na čuda bolšoj košti. No, neje pes kriv kaj ima tak dobroga i skrbnoga gazdo, ali zato so za nedelo karitasa vu ministranskoj korpici bili sam drobni penezi, i to oni šteri ružijo, od papernatih je nejveč bilo cenerov, tu i tam nešterna dvadesetka, a oni vekši peneze so ostali vu našaj žepaj. Slabo so nam na pameti bili naši bližnji šteri nas nucajo kaj jim pomoremo.
Kaj je tu je, naš dragi Božek je pak ranjkal na naša srca, a mi smo ga čuli i obečali smo mo vse. Kak i navek. A unda smo to naprajli ili smo ne naprajli. Kak i navek. I na pol prazne karitasove korpice bi nam trebale nekaj reči. Nebremo vse naše nevole i vse ono kaj smo obečali, a nejsmo naprajli, rešiti prek velike Vuzmene spovedi. Vsima vama, vašim bližnjima i vsima nama želim srečen i vesel Vuzem i nek, vas i nas, furt prati Božekov blagoslov,
Vaš Tonček!
* * * * * * * * * * * * * * * * * * * * * * * * * * * * * * * * * * * * * *
Zvir:
ZVONA, Mesečni list čakovečke žup,
Leto XVII, br.03, ožujek 2012. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/ , http://www.ofm.hr/zupa_cakovec_jug/
Naklada 750 primerkov
* * * * * * * * * * * * * * * * * * * * * * * * * * * * * * * * * * * * * *
Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina kajkavski i, ke jě posebno vâžno, na mešami propovéda na kajkavskomu jeziku.
http://www.zagorje.com/articles/2340/show.aspx
* * * * * * * * * * * * * * * * * * * * * * * * * * * * * * * * * * * * * *
KAJKAVSKA VEČERNICA I MEŠA
a) pdf oblik (zvirni oblik, z ilustrâcijam):
http://www.esnips.com/r/hmfl/doc/e5f32fb6-9f50-4fc3-8c7b-4629d332d4a2/KAJKAVSKA_VECERNICA_I_MESA
b) editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294
c) Video:
Kajkavska večernica z mešum: KAJ v Zeline 2008. i 2009.
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820
Na priliku z leta 2008. (1/5):
* * * * * * * * * * * * * * * * * * * * * * * * * * *
P Oltar – POrtal naš svagdašni PObôžni i vragolasti / Bogoslavija
(na tur-for-um-u)
* * * * * * * * * * * * * * * * * * * * * * * * * * *
«Zvona mega grâda »
Klapa Berulia – Zvona moga grada, 05:03
