Vuzmeni projekt(lin) đakov OŠ Dolna Stubica
VUZEM JE DOŠEL (str. 6*)
Kvočka i pura
Na gnezdu sediju.
Pod njimi mali
čučeki spiju.
Zajec krej njih
Koren gloje.
Vuzem je došel v hižu
I srčeke moje.
Silvija Kraljić, 6.B
Cvetnica (str. 7, 8*)
Negda se na blagoslov nesel komad drieva teri se zval drienek. Pokle su z toga drieva se koj čega delali. Tak su delali redaljek za rediti puter ili kliček (klin na jarmu). Ljudi su veruvali da te kaj su napravili nosi sreču.
Veliki četrtek (str. 10, 11, 12*)
V trsju se kopale od 5 do 10 vur vjutre. Pokle toga su se hitile mojtike i zemlja se više nie smela dirati do kraja vuzmenih blagdanov.
Na Veliki četrtek crkvena zvona su se zvezala, a zvone se nie čule do Velike sobote. Gda se zvone pak čule, verovale se da bu čovek teri čuje te zvone, hmije se h vode na zdencu i prekriži, bil ciele lete zdrav i nebu betežen.
Veliki petek (str. 13, 14, 15, 16, 17, 18*)
Na Veliki petek morale se rane stati i, prije zorje, išle se na zdenec po vodu. Voda se spustila čez dimnjak v šparet da v lete ne bu velikoga ognja.
Prije neg se vužgal ogenj zlievala se voda po peči. Te se delale da ne bi čez lete bile požara. Ak se dogodile da na Veliki petek curi dešč, poviedale se da bu te lete zemlja trda i žmehka za delati.
Tie dan puce su išle na zdenec i tam se hmivale – govorile se da buju od toga lepše.
Na Veliki petek ljudi su brali i borovnicu teru su metali v rakiju – ta je rakija bila jake dobra za betežni želudec.
Veliki Petek je bil posni dan, kuhale su se koprive s krumpierem i pekla se strepa. Iste tak, kre puol noči v selu bi pukla puška. On teri je te čul, moral bi spiti male rakije i pojesti male kruha. Verovale se da bu onda jahk i ne betežen.
Velika sobota (str. 20, 21*)
Na Veliku sobotu vse se pripravljale za Vuzem. Kuhala se šunka, pekla se gibanica, kugljef i vrtanji i delale su se pisanice.
Z Vuzmene kuharice (str. 22*)
Bog Vam blagoslovi!!! (str. 23*)
Pisanice (str. 24*)
Pisanice su se farbale z prirodnu farbu. Največ se farbale jajca z lupinu črljenog luka, a rjetke gda z ciklu, korenjem črljenog radiča da bi dobili črljenu farbu. Pisanice su znale dobiti čak i črnu farbu od saje, jagodic bezgovine ili murve, a več pot su farbali z hrastovu koru da dobiju smeđu farbu.
Kre črljene, črne i smeđe, zelena se farba dobila od sikakvoga bilja, največ od špinata, koprive ili poroga luka.
Pisanice – kak su se negda delale (str. 25, 26, 27*)
Pisanice – kak se denes moreju delati (str. 28, 29, 30*)
(str. 31, 32*)
Išli sme k meše i nesli gube tere sme još v letu potrgali z bukve, posušili i zvezali za komad drota. Pred cirkvu se kuril ogenj, teroga je župnik blagoslovil. Na tom ognju mi sme te gube vužgali. Onda sme ih dali babice, a ona je v krušne peči z tiem vužgala ogenj tak da je i ogenj bil blagoslovljen.
Gubu sme nesli okol hiže i štale jer se verovale da bume ih tak blagoslovili. Pokle smo tu gubu hitili v peč da zgori do kraja.
Vuzem (str. 33, 40, 41, 42*)
Vjutre je bil blagoslov jela. Gda su ljudi došli z blagoslova, reskrili su jele i molili se Bogu. V košare je bil kruh, gibanica, hren, luk, sol i nož. Nož se del na okne gda je grmele jer se verovale da bu blagoslovljeni nož štitil hižu.
Pokle jela se se droftinje z stola trebale vugnuti. Hitile se v ogenj jer je grieh blagoslovljene jele hitati po hiže.
Za vuzmenu mešu si su obliekli svoju svetiečnu obleku. Veruvali su da ublačenje nuove i čiste obleke na Vuzem nosi sreču.
Ljudi teri niesu mogli iti na blagoslov su deli košaru na drieve slive i, gda je v cirkve bil blagoslov gotov, ciele sele je bile blagoslovljene.
(str. 45*)
Se su nam to spripovedali naši babice i dedeki.
(str. 48*)
Si đaki i vučiteli OŠ Dolna Stubica sudeluvali su v zdelajnu Vuzmenoga projekta.
Konačen zgled ove prezentacije dali su:
Vučenice:
Antonija Piskovič, Marija Lisak, Lucija Martinič, Leonarda Sigal
Vučiteli:
Natalija Ivanič, Danica Pelko, Darko Tišljar
* * * * * * * * * * * * * * * * * *
Križni put, 10:04
