VUZMENA PORUKA VARAŽDINSKOGA BIŠKUPA MRZLJ(A)KA:
…mučen pod Poncijom Pilatom,
raspet, mrl i pokopan…
trejti dan zdigel se (vuskrsnul) od mrtve…
Brati i sestre! Dragi verniki!
Ove reči: mučen pod Poncijom Pilatom, raspet, mrl i pokopan… trejti dan zdigel se (vuskrsnul) od mrtve… pripovedaju o jenomu povesnomu dogotku, a odnose se na Jezuša z Nazareta. To je stvarni dogodek povesti o teromu postoje svedoki. No, mi kristjani spred ove reč mečemo reč »verujem« tera ita jeno skroz novo svetlo na ov dogodek. On nadilazi povest i postaje dogodek spasejna, postaje otajstveni dogodek Božje lubavi spram čoveka. To je proslava Vuzmenog otajstva. I zato je bitna ta reč »verujem« tera ne označava samo prijemajne te istine verodostojnum neg išče naše opredelejne, životno opredelejne.
Kak vam je poznato papa Benedikt XVI. preglasil je Leto vere tero bu započelo v listopadu letos na spomen početka II. vatikanskog sabora (Koncila) pre 50 let. Spomijnemo se takaj i 20. obletnice Katekizma Katoličke Cirkve kak jenoga od plodov II. vatikanskoga sabora. Zato poluknimo v Katekizam i poglejmo ke pripoveda o vere:
„Vera je osobno deluvajne: sloboden čovekov odgovor na poziv Boga teri se objavluje. Senak vera ne osamleno deluvajne. Nigdo nemre sam veruvati, kako ni nigdo nemre sam živeti. Nigdo sam sebe ne dal vere, kak si ni nigdo sam ne dal života. Vernik je veru prijel od druge i drugem ju mura prenesti. Naša lubav prema Jezušu i ludem tira nas da drugem pripovedamo o sve vere. Na te način saki je vernik kak kolut v dugomu lancu one teri veruju. Ja nemrem veruvati, ak nes podržan verum druge, a svojum verom pridonašam da se podupre vera druge. »Verujem«: to je vera Cirkve kak je saki vernik, osobito v času krščejna, spoveda osobno.“ (KKC 166)
Vera je dakle osobno deluvajne sakoga od nas, al ne osamleno deluvajne. Zato bumo i letos zajedno slavili Vuzmeno otajstvo tj. muku, smrt i zdignutje (vuskrsnutje) Gospona našoga Jezuša Kristuša. Katekizem nas podseča da „Vuzem ne jednostavno jen blagdan med ostalem. To je »Blagdan nad blagdani«, »Svetkovina nad svetkovinam« kak je euharistija Sakrament nad sakramenti.“ (KKC 1169)
Vuz se jako lepe i nam drage popratne sadržaje teri prate blagdan Vuzma probajmo v središče deti svu osobnu i zajedničku veru, vučvrstiti ju i obnoviti. Napravili bumo to na poseben način v Vuzmene noči kad bumo pak vužgali sveču tera nas podseča na našu krsnu sveču tera označava zdignutoga (vuskrsnuloga) i živoga Jezuša Kristuša, al označava takaj da naše krščejne ne samo sečajne na obred krščejna nego i trajni hod za Jezušom teri je „Put, Istina i Život“. (Iv 14, 6) Sveti Pavel nas podseča da vu-jnemu, Jezušu Kristušu „živimo, mičemo se i jesmo“. (Dj 17, 28)
Nek nam Zdignuti (Vuskrsnul) Gospon podari čvrstu veru, vustrajnu nadu i delotvornu lubav.
Moleč saki dan za vas, to vam od srca želim,
† Josip Mrzljak,
biškup varaždinski
Zvučna poruka
http://www.biskupija-varazdinska.hr/images/stories/2012/Dogadjaji/USKRSNA_2012_AUDIO.mp3
Vide(l)o poruka
http://www.biskupija-varazdinska.hr/images/stories/2012/Dogadjaji/USKRSNA_PORUKA_%202012.wmv
Zvir:
http://www.biskupija-varazdinska.hr/index.php?option=com_content&view=article&id=1782&catid=45
Citat:Varaždinska TV, 24.12.2011., 20:00 vur
“Moj (kajkavski) put” o biskupu Mrzljaku
TV spominek z poznatemi kajkavci „Moj put“ ov put predstavla biskupa Mrzlj(a)ka.
Priredil vlč. Maksimilijan Milan HercegVaraždinske vesti
BROJ 3494 20. XII. 2011.BOŽIČNI INTERVJU Mons. Josip Mrzljak, varaždinski biškup, priseča se mladosti i bakinoga brata bl. A. Stepinca
Bili smo siromašneši i raduvali se sakomu daru
Bogek (Božić) se predi doživlaval za-izres kak verski blagdan, a sad prevladava ono svetovno. Slavi se obile darov i hrane na stoli, a premalo se čuje poruka vere. Jako je važno slušati i čuti Bogeka (Božiča). Ne samo slaviti neg i čuti ke nam poručuje, veli biškup Josip Mrzljak
Jena smo od retke biskupij i po Obitelskom centru kak posebnomu mestu okuplajna obiteli
Ministreral sem svemu pravujcu bl. Alojziju Stepincu, teri je vutecal na-mene kak i na mnoge druge
Vide(l)o:
2012. – 12. križni put mladih Varaždinske biskupije
12. križni put mladih Varaždinske biskupije (1/4), 05:28
