Pregled tisKAJna

ZVONA, Mesečni list čakovečke žup, SVIBEN 2012.

NEKAJ ZA ČAS KRATITI

Ferma

Bil sam ovo leto na fermi vu glavni čakoski cirkvi Svetoga Mikloša biškupa. Morem vam reči gda ga vejč ljudi bilo vuni na Fratarskomo Trgo i po kafičima okoli jega nek vu cirkvi. Ljudi so vpučeni vu to i znajo gda dok biškup deli Duha Svetoga on se restepe po celomo trgo i vse okoli jerbo so vrata na cirkvi bila širom otprta. Nesam mogel, a kaj nebi zapamtil kaj so ovi vuni gombali kaj ta meša nutri tak dugo traje. Znate kak je to, teško je čakati. Posebno so gombali oni šteri so stali jerbo so vsa mesta na terasaj bila furt zavzeta.

Kak zgledi, vsi imajo problema z tom fermom, nejpredi deca, unda roditeli, a na vse zadje, župniki i biškupi.

Nejpredi tre deco meti, a unda se dete treba dosmickati do osmoga razreda i zbaviti veronauka črez vsa ta leta. Nikaj mi je nej čudno kaj deca gombajo i jamrajo kaj jiv navučiteli maltreterajo z tem veronaukom, z Adamom i Evom, Jezušom, Marijicom, Poncijem Pilatom, Simonom Cirencom, Judom, apostolima, pak unda te deset zapovedi, pak sakramenti, grehi, očenaši, krunica i kaj nebodem dale nabrajal. A unda pak niti roditeli nebrejo zdržati kaj nebi zgombali župniko, ali tak kaj of ne čuje, kaj tre još i veronauka vu cirkvi. I to vsako leto i vsaki tjeden i to ruon unda gda bi jivo dete nejbole moglo spati. Kaj te župniki nemajo drugoga posla nek muočiti deco z temaj molitvaj (i to tre moliti vsaki den), pak unda meše i to vsako nedelo, na vekše svetke i osvetke. Pak nebrejo niti deca furt vu cirkvi ili pak na farofo biti. I to je još nej vse: župniki bi šteli kajbi deca bili ministranti ili pak popevali vu dječjemo zboro. Pak što bi to vse ftegnul? Pa gda bi unda, itak, stigli na fejsbuk?

Dok vse te nevole minejo dojde, onak mic po mic, osmi razred, mine Božić, mine Vuzem i več je ferma tu. Nejglavneše vu vsemo temo je zebrati dobroga i pravoga kuma. To mora biti dober čovek, mora i vu cirkvo hodati, ali ne mora delati stisko vu cirkvi, ali nebremo zebrati koga god jerbo nebremo se sramotiti pred pajdašima i sosedima. Na fermo more i zakesniti ili pak poslati zamjenika, ali je važno gda je kupil poklona o šteromo se žene, kak na mljekari tak i na čehari, spominajo bar jedno leto.

Dok se vse to porihta, tre najti restorana na glaso, a i kaporo za bandiste ili pak tamburaše dati, pak nejde naše dete vsako leto na fermo. Kakša je to ferma o šteroj se vu štacunu, na pijaco ili pak posle meše, ljudi i žene ne spominajo i neso, bar malo, jalni.

Bil sam ovo leto na fermi vu glavni čakoski cirkvi Svetoga Mikloša biškupa. Morem vam reči gda ga vejč ljudi bilo vuni na Fratarskomo Trgo i po kafičima okoli jega nek vu cirkvi. Ljudi so vpučeni vu to i znajo gda dok biškup deli Duha Svetoga on se restepe po celomo trgo i vse okoli jerbo so vrata na cirkvi bila širom otprta. Nesam mogel, a kaj nebi zapamtil kaj so ovi vuni gombali kaj ta meša nutri tak dugo traje. Znate kak je to, teško je čakati. Posebno so gombali oni šteri so stali jerbo so vsa mesta na terasaj bila furt zavzeta. Moram vam reči kak so oprave dece, roditelov i kumov (kaj nebom kume i mame posebno spominjal)  bile po zadnjoj modi. Moram prositi dragogo Božeka kaj mi pomore kaj mi nebo navek oko išlo tua kam ne bi trebalo. Najme kaj, bilo je jako čuda minice (rekli so mi gda je to ve šik), a isto tuliko i dekoltei i to onih globleših. Čul sam da se tak i vu Parizo nosi!? More biti, sam mi je nej jasno zakaj si unda, puce i žene, minice vlečejo doli, a resporke gori? Teško gda ono kaj je malo muoči rasteči i to na dve strane.

Ve pak sam i sebe prijel kak gombam, pak bodem z tem završil. Lepo mi soseda Barika veli: pak kaj bi vi sosed šteli, vidite kuliko je dece došlo i kak so fajno oblečeni, a kumi i kume isto tak. A kaj gda ne bi niti došli? Ima ona praf. Mortik. Unda bi se zmislili gda  nucajo fermo dok bodo se šteli ženiti. No, neje niti to tak strašno jerbo se denes več nečejo niti ženiti. A komo pak unda delamo te vrtiče i škole – to te ja pitam?

Vaš Tonček

* * * * * * * * * * * * * * * * * * * * * * * * * * * * * * * * * * * * * *

Zvir:
ZVONA, Mesečni list čakovečke žup,
Leto XVI, br.05, sviben 2012. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/ , http://www.ofm.hr/zupa_cakovec_jug/
Naklada 750 primerkov

* * * * * * * * * * * * * * * * * * * * * * * * * * * * * * * * * * * * * *

Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina(l) kajkavski i, ke jě posebno vâžno, na mešami propovéda(l) na kajkavskomu jeziku.
http://www.zagorje.com/articles/2340/show.aspx

* * * * * * * * * * * * * * * * * * * * * * * * * * * * * * * * * * * * * *

KAJKAVSKA VEČERNICA I MEŠA

a) pdf oblik (zvirni oblik, z ilustrâcijam):
http://www.esnips.com/r/hmfl/doc/e5f32fb6-9f50-4fc3-8c7b-4629d332d4a2/KAJKAVSKA_VECERNICA_I_MESA

b) editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294

c) Video:
Kajkavska večernica z mešum: KAJ v Zeline 2008. i 2009.
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820

Na priliku z leta 2008. (1/5):

* * * * * * * * * * * * * * * * * * * * * * * * * * * * * * * * * * * * * *

«Zvona mega grâda »

Klapa Motovun – Zvona moga grada, 03:14

http://www.youtube.com/watch?v=no_ys9D2jpY