MORE I DRUGAČ – Dok se v nekem gradem preporučivalo grajanem da zaobilaze maturante, Ivanec je sve mladosti skanderal

Mesto pijančevajnem i melum, od škole se oprostili tancom

Tanc spektakl ivajnske (ivanečke) maturantov v srednoškolske je športske dvorane pratilo više od iladu razdragane roditelov, prijatelov i grajanov

Piše i slika: Ljiljana Risek/VLM

Slikovnica:

Why so serious? – poručili su jockeri z 4. G1 z svojum razrednicum Maricum Dolenec Jurinić
http://www.vecernji.hr/slika-640×348/vijesti/umjesto-pijancevanjem-brasnom-skole-se-oprostili-plesom-slika-522961

V prepunu športsku dvoranu maturanti su vlezli vuz zvuke Radetzky marša
http://www.vecernji.hr/slika-640×348/vijesti/umjesto-pijancevanjem-brasnom-skole-se-oprostili-plesom-slika-522962

Bezbrižna mladost: Flintstones z 4. G2
http://www.vecernji.hr/slika-640×348/vijesti/umjesto-pijancevanjem-brasnom-skole-se-oprostili-plesom-slika-522963

Polevajne vodum i penum, posipavajne melum, vuskakajne v fontane – niš od toga grajani Ivanca ni ovo leto nesu doživeli od maturanatov ivajnske (ivanečke) Sredne škole – Gimnazije, Ekonomske i Industrijsko-obrtničke škole. Mesto maltreterajna grajanov divlajnem, galamum i razbijajnem flaš, ivajnski gimnazijalci, ekonomisti, strojari, tekstilci i trgovci tanc spektaklom v športske dvorane na vuluđen su se i pristojen način oprostili od srednoškolskoga obrazovajna ter tak ostali verni dugoletne tradicije, po tere je Sredna škola Ivanec jedinstvena v države.

V dvorane tera je doslovce bila pretesna da primle razdragane roditele, mamice i japice, prijatele i mnogobrojne grajane, 156 maturanatov je, nakon glasnoga mimohoda ivajnskem vulicam, zvelo scenski program spujnen tancom, glumum i dopadlivum scenografijum. I vunatoč brojnem školskem obvezam, vuvežbavali su ga mesecem, i ne im bilo žmeko svladavati koreografiju, mimiku, akrobacije! Nakon ke su oblečeni v originalne odore sve r(azr)edov v dvoranu vlezli vuz zvuke Radetzky marša ter otpopevali studentsku himnu Gaudeamus igitur, saki r(azr)ed je pred vuzhičenem gledatelem pokazal ne samo sve tanc-glumačko vumeče, neg i športske vratolomije. V živopisni show maturanti su vuklučili i sve razrednice, tere su glumile batmanice, vampirice, bejzbolašice, „flintstonesice“… Lepo je bilo čuti reči zafale ke su je si oddeli vuputili svojem profesorem ter se ojdne oprostili cvečem.

– Budete zdravi, pametni i lepi, vi ste naš ponos! – poručila je maturantem ravnatelica Sredne škole prof. Branka Pavič, podsetivš da je po rezultati sve đakov na svetskem, državnem i regionalnem natecajnem ta škola med najbolšemi v Hrvatske.

– Poleg takve maturanatov, Ivanec je siguren, a poleg  takve mladosti sigurna je i dojdučnost Hrvatske – čulo se na spektaklu z teroga su posetiteli othajali suzne oče i z puno pozitivne emocij.

Zvir:
http://www.vecernji.hr/regije/umjesto-pijancevanjem-brasnom-skole-se-oprostili-plesom-clanak-411527

* * * * * * * * * * * * * * * * * * * *

Grad hrvatske vitezov ivanovcov
POLEG JENE VEL(I)KE GOR(IC)E

DEČKI Z BREGOV – POLEG JEDNE VELKE GORE.mp4,