Vu petek 8. lipnja 2012. vu Zlatar Bistrici je bil prvi potpredsednik vlade RH Radimir Čačić. Došel je zbog toga kaj je prije mesec dan v pogon puščena tvornica tera dijela presvlake sicov za auto i avio industriju. Tvornicu je na mestu propaloga Elcona otprl Boxmark doo, firma z Trnovca Bartolovečkoga polak Varaždina . V Zlatar Bistrice su zaposlili 280 ljudi a za nekteri čas buju prijeli još 200 radnikov. Kak je rekel gospon Čačić, Boxmark je četrti izvoznik vu Hrvatske i se kaj napraviju otpeljaju vun. Vesel je i obečal je da bu i država pomogla vu takovim projektima.

Županica Krapinsko zagorske županije Sonja Borovčak je povedala kak joj veliko veselje čini kaj se vu tom pogonu zaposlilo puno žena.

Kak nam je povedal direktor Igor Greblički, Boxmark ima prvu kvalitetu i mora ju trde održavati. Kupci (BMW, Audi, Airbus, …) iščeju da im se roba dopelja vu točne vrijeme na minutu. Mesta za greške skoro da i nema jer buju mam zgubili posel.

Velike zasluge za to kaj je Boxmark došel v Zlatar Bistricu ima i načelnik općine Žarko Miholić teri je povodom otpiranja novoga pogona prijel od direktora Grebličkoga 40000 kuna kaj je Boxmark doniral općine. Načelnik Miholić je povedal da bu se penezel dal Dječjemu vrtiću Zlatni dani za njihove potrebe.