ZVONA, Mesečni list čakovečke žup, LIPEN 2012.

NEKAJ ZA ČAS KRATITI

Tončekovo proščeje

Kak i vsako drugo leto tak i ovo leto nam se vu proščeje zmešalo Evropsko labodoritaško prvenstvo. A vsi znamo gda je labodoritanje vu pitanjo vse drugo stoji. Unda niti trava ne raste, a ne kaj bi moški došli k meši, a niti pak jim proščeje kaj znači. Vse se, vu tem cajtima, vrti okoli labode. Vsa je sreča kaj dugo ne traje. Čim prvenstvo mine mam so pred nami urlabi, a škola je več gotova, tak gda ve pak jen čas ne bode stiska vu cirkvi.
 

     Vsi šteri so bliže cirkvi, a isto tak i oni šteri se fkrej držijo, znajo gda sveti Tonček Padovanski ima svoje godovno trinajstoga junjuša. To znajo  vsi, pak i nezerenoši, a i oni vu esdepejo, jerbo je sveti Tonček svetec celoga sveta i vsih ljudi, pak tak i nas Međimorcov. Isto tak vsi znamo gda Tonček ima svojo cirkvo na čakoskomo Jugo. I nej sam cirkvo nek i župo. Od kak se počel fondoš za cirkvo kopati, pred nekaj meje od dvajsti let, od unda so se počela obslužavati i južna proščeja. I navek je to trajalo po tjeden dni. Tak smo vam mi na Jugo ovo leto meli proščeje z novim župnikom fra-paterom Dragecom. Gda nevolja bode vekša samo godovno je palo na sredo tak gda smo se hajdig dugo spominkovali je li bode proščeje nedeljo predi ili pak nedeljo posle samoga svetka. Na vse zadje smo se dospomenuli gda to bode vu nedeljo predi gda je i počela trodnevnica. Kak vu vsakoj župi, tak je i vu našoj južnoj, ono kaj župnik velijo to je zakon. Nejveseleši so bili ringišpilači, jerbo kakše bi to bilo župno proščeje brez ringišpila, šifrancov i gvirca, tak gda so ringišpili vozili več na Telovo i vse do druge nedele. Znate gda vu vsakom žito jega kukolja tak gda so nešterni vjerniki, i to onak po skrivečki, opslužavali proščeje vu nedelo posle. A kaj bodem čkomel, i tak se bode zazvedilo, tak gda je unda bole kaj priznam nek se zna: ja sam vam obslužaval proščeje i v nedelo predi i v nedelo posle. I nišči se je nej bunil. Jedino so ovi posle nej mogli piti gvirca pak smo morali početi i završiti z gemištecima. No, neje niti to tak preveč hudo.

     Neznam kaj mi je došlo kaj se tak dugo motam okoli ringišpila i štandov, a nejsam vam nikaj rekel o temo kak je proščeje zgledalo vu cirkvi. Naš savski velečasni i varaždinski gvardjan, pater Lucije Jagec je mel trodnevnico tak gda smo duševno obnovljeni dočakali svetka. Na samo godovno, vu sredo, na poldnevni meši so bili skorom vsi đaki naše Druge pučke škole z svojimi navučiteli i svojim ravnateljom, tak gda jiv je bilo jako lejpo videti. Večernjo mešo pak je mel trsatski gvardjan i naš južni dovčerašnji župnik, pater Tonček. Morem vam reči gda se osječal kak doma, a i prodeštvo mo je krenulo, tak gda ga je sveti Tonček jedva zastavil. Morem vam reči gda je cirkva bila puna, ali vam ne bi znal reči je li zbog patra Tončeka ili pak zbogradi svetoga Tončeka. I župni zbor je popeval i to tak kaj jiv je bilo lejpo čuti. Nebodete veruvali, ali hajdik naših župljanov je primetilo kak patro Tončeko hasni morski zrak i kak več ne kašlja. Svetomo Tončeko, patro Tončeko i vsim drugim godovnjakima so posle meše igrali dečki z Diksilend benda. Morem vam reči gda so super igrali, bilo jiv je fajn poslušati. Morem vam reči gda so vsako leto vse bolši. Kak i vino.
 
    Kak i vsako drugo leto tak i ovo leto nam se vu proščeje zmešalo Evropsko labodoritaško prvenstvo. A vsi znamo gda je labodoritanje vu pitanjo vse drugo stoji. Unda niti trava ne raste, a ne kaj bi moški došli k meši, a niti pak jim proščeje kaj znači. Vse se, vu tem cajtima, vrti okoli labode. Vsa je sreča kaj dugo ne traje. Čim prvenstvo mine mam so pred nami urlabi, a škola je več gotova, tak gda ve pak jen čas ne bode stiska vu cirkvi. Nej znati što je to, da i gde, rekel gda pod ferjom ili pak urlabom nej tre k meši hodati. Gda ste pak čuli kaj je naš dragi Božek na urlabo? Ali dok ga nucamo mam se zmislimo na jega i oni bi nam mam moral pomoči čim ga mi nekaj prosimo. Drugo mi nikaj ne preostaja nek gda vas pozovem na glavno čakosko proščeje na Prcinkulovo. Kak i vsako leto čakam vas pod šatorom prek cirkvenoga turna.                           

Vaš Tonček

* * * * * * * * * * * * * * * * * * * * * * * * * * * * * * * * * * * * * *

 Zvir:
ZVONA, Mesečni list čakovečke žup,
Leto XVI, br.06, lipen 2012. l.
Nakladnik: ŽUPA SV. NIKOLE BISKUPA, ČAKOVEC,

http://www.ofm.hr/zupa_cakovec/ , http://www.ofm.hr/zupa_cakovec_jug/

Naklada 750 primerkov

* * * * * * * * * * * * * * * * * * * * * * * * * * * * * * * * * * * * * *

Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina(l) kajkavski i, ke jě posebno vâžno, na mešami propovéda(l) na kajkavskomu jeziku.

http://www.zagorje.com/articles/2340/show.aspx

* * * * * * * * * * * * * * * * * * * * * * * * * * * * * * * * * * * * * *

KAJKAVSKA VEČERNICA I MEŠA

a) pdf oblik (zvirni oblik, z ilustrâcijam):

http://www.esnips.com/r/hmfl/doc/e5f32fb6-9f50-4fc3-8c7b-4629d332d4a2/KAJKAVSKA_VECERNICA_I_MESA

b) editérajuči oblik (ně baš lépo posložen, bez ilustrâcij)

http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294

c) Video:
Kajkavska večernica z mešum: KAJ v Zeline 2008. i 2009.

http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820

Na priliku z leta 2008. (1/5):

http://www.youtube.com/watch?v=rImSspAN8xk