http://www.forumgorica.com/sport/9-malonogometna-liga-vukomericke-goric-2012-mnlvg-9/msg44614/#msg44614 

* * * * * * * * * * * * * * * * * * * *

 

2. KOLO se igra : 22.06.2012. NOVO BRDO, 15,00 VUR

OPATIJA – NOVO BRDO 1-1
Tigriči su pokazali Mišem zube mam na početku. Opatija ak nastavi ovak igrati mogla bi napraviti gužvu v gornem talu “tabelarnog prikaza”. Posle su Miši vlovili ravnotežu ali zgleda da je več sem jasno da se ovakva Liga još ni igrala. Prešla su vremena da si si mogel na početku Lige upisati bode i pobede. Da bu stvar još gorša pak je bila nestašica lopti a pal je i predlog da se fond lopti MNLVG povekša z 2 na 15. Am se igra v brcko-planinskemi predeli pak su tu još i šume i trnje i kupinje…

DUBRANEC – GORNJI HRUŠEVEC 3-1
Ilovača je muku namučila da bi polovila štrklaste Godiniče i Kuzmiče po terenu. Nekteri su imali pak umetničku večer kaj ni ostavila bogznakakvu impresiju na suce. A kaj se rezultata dotikavle v Dubrancu vele; “Pojačanja, Bog vas blagoslovio.”- posle ulaska CV v Ligu praznina na klupi se proširila. Još je važno napomenuti da su pak si zeli krive drese osim jenoga. Da. Hmmm… Si golmani imaju fizioterapeute, doktore i tak to samo Legendarni Mika pri ozlede veruje samo jenomu čoveku i stručnaku. (Il žene…) Svemu Konobaru. (“Konobari, mislim da ste mi drugari…”)

DONJI HRUŠEVEC – HOTNJA 7-0
Krpiči su Bebam održali povesno predavanje o “Kasno Marko na Kosovo stiže” v terem su prekobrojni rastočili malobrojnem svaku nadu v pozitiven rezultat.

KRAVARSKO – KOZJAČA 2-0
Od celoga kupa Šemsi videli smo samo dva gole i to takoreči na kraju. Manekeni nisu znali konkretizerati svoju inicijativu a Leptiri su proleptirali sve kaj se proleptirati dalo, kak da su dalekovidni; z blizoga nemreju pogoditi prazen gol a z pol igrališča pogađaju komarca v levo jajce. Obadvoji imaju dva dane za interne konzultacije.

MALA BUNA – BARBARIĆ 2-0
Vrapci su dali do znanja da se žnemi more računati za sam vrh, vuz Tigriče a most i Švabe, dok su Rođeki još od lani v faze bez faze. Deda Draš si premišla da bi vrnul nogometnu boračku penziju, zel radnu knigu i tenesice z klina i pokazal kak se to negda delalo prije “tika-taka” i “eci-peci-pec”.

CEROVSKI VRH – GLADOVEC 2-2
Vinceki dali tri gole, imali bolu tehniku i kondiciju a Gruntovčani su zvlekli gol i bod “velik ko kuća” na iskustvo. V Lige.

AUGUŠTANOVEC – GORNJA OPATIJA 0-3
Veliki Črni je z hat trickom anuleral se treninge Čigri a kaj je još zanimlivo, unatoč tomu kaj vode i pobeđivaju Švabi su našli motiva i vole za održati de teru mešu kak v dobra stara vremena dok su je si nakantavali kak staru kantu. V publike je bil viđen i Beli, bivši golman, kaj je ta nakantavanja moral preguknuti i stoički podnesti.

VELIKA BUNA – ŠILJAKOVINA 2-2
Šika- promenlivo. Najboli strelec Poleta pojačan z hitronogemi brzanci i Tonum na golu vadil je mast na oči Prvakom. Došlo je do toga da su i Glumci počeli meše držati. Mesto “Hajde da se igramo” moglo bi se čuti “Dajte da se igramo”. A da se samo setimo lani na Pokoskomu da je bilo 1-0 za Bunu… Jel se do seča Panče? XĐ

http://www.forumgorica.com/sport/9-malonogometna-liga-vukomericke-goric-2012-mnlvg-9/msg44681/#msg44681

* * * * * * * * * * * * * * * * * * * *

3. KOLO se igra : 24.06.2012. DONJI HRUŠEVEC, 15,00 VUR
GORNJA OPATIJA – VELIKA BUNA 4-2
GLADOVEC – AUGUŠTANOVEC 3-0
BARBARIĆ – CEROVSKI VRH 4-5
KOZJAČA – MALA BUNA 1-1
HOTNJA – KRAVARSKO 0-5
GORNJI HRUŠEVEC – DONJI HRUŠEVEC 0-1
NOVO BRDO – DUBRANEC 0-0
LIJEVI ŠTEFANKI – OPATIJA 0-4

 

Vruća mačka na limenom krovu

Je, bome je. Kak su se lani iskali mladi za popunu tak se letos “voze” oldtajmeri; Miši su z naftalina zvlekli golmana, Mankeni daju prednost “Brončanem na Sveckomu prvenstvu `67” a i Bojsi su odigrali tekmu z “Otpisanemi”. Prokleti ruševečki asfalt je i lani nekterem zel meru ali ovo letos više ni za lude. Nažalost Šika je letos bila slobodna a nem paše igrališče na “Čučinem oku” tak da su lani domom pospravili z Turnera Lige Rođeke, Ilovaču i Manekene ali su nezgodno došli Mišem kaj su se živo natamburali z okrugle 5-0. Puno čudne rezultatof nas je pogodilo kak autobus Lekeničičinu hižu a još bole one kaj su pocozali. Nem je pak bilo kak i pokojne Lekeničice da se prebudila i prvo kaj je videla bil je šofer ZETa i prvi kraj autobusa. Mam do postele. Ali tu je još jena bolna istina, argument il činjenica, da ne spominamo kvaku, caku, začkovicu… kaj poprilike veli da ak se nekteri dižeju drugi moraju padati- e, baš ta nevola je pogodila naše Čigre, Balerine, Glumce, Bojse, Rođeke, Čaple a drži i ne pušča i Bebe. Ali Bebe su druga pripovest, oni igraju Ligu samo za jenu utakmicu. Zna se. Mam po pobede, ak pobede, ideju na naslovnicu i to je to. A kak ste se igrali..? Teren: tvrd. Ko … Temperatura: relativno prohladno, kaj se moglo po garderobe videti, nit +40. Gledaotica: taman, jel više nit ne stane na “Oko”. Inače bi se moral organizerati video vol negde v rupe pod Venerinem tumulom za želne i nemočne. Da budu bar tak nazočni, da ne velimo prisutni. Događaju, il eventu.
Švabi su protamburali Glumce kak bika v zelju. Em su Glumci došli v sastavu na knap, eM48. Još su se kak tak i vrnuli z 2-0 na 2-2 jel je golman skužil Črnoga da samo po zemle puca f čošek ali onda su Švabi hitili v brzinu više i “bok, žurim”. Bodi se pišeju a do se bu za leto dan sečal do je igral il ni… A i “joke” jem baš ne leži; lani su je “kućedomačini” zeli na Turneru z 1-0, to jem je bil jedini poraz lani.

Nova tekma nova tuga. Lani je teren Čigram legel kak budale šamar i natovarili su Bojsom pol tuceta za domom ali letos… Posle 1-1 Gruntovčanom su se naglo podigli rejting i apetiti, ak moreju Švabi, mislim, tak da je f selu nastala jagma za dresi jel bi si šteli biti f prve petorke. Most i oni negde treneraju poskriveč. Čigre se nisu mogle poznati a stručni jem je stožer bil od koristi kulko i mraz poloprivrede dok su Gruntovčani leteli kak navinuti. Števa je piknul dva, kak v mlade dane, a čak se i moj Olio zapisal na listu strelcof. Ni un krif, smestili su mu!

Da daš 4 gole a ne pobediš onda si sigurno z Gorne Opatije i igraš protiv Leve Štefankov na Novem Brdu. Bar je tak bilo.

3.KOLO MNLVG 7., NOVO BRDO, 25.06.2010.
LIJEVI ŠTEFANKI – GORNJA OPATIJA 5-4
http://www.forumgorica.com/sport/7-malonogometna-liga-vukomericke-goric-2010-mnlvg-7/msg18713/#msg18713
http://www.forumgorica.com/sport/7-malonogometna-liga-vukomericke-goric-2010-mnlvg-7/msg18715/#msg18715

Rođeki su bili šokerani od Vincekov bez Vince ali su se i dost fletno snašli, za čudo božje (za čudo dvobožje i poveli). Most bi to i drugač zišlo da osim bez Vince Cerovski ni bil i bez svega standardnoga vratara Kahna ali ovak su Rođeki teri put i jeftino dali. Vinceki rezultatski beže a Rođeki je love i tak f krug, z tum razlikum da su Vrvci svoje šemse realizerali a Barbaričani svoje tri mrtvece nisu pospravili v grob. I na kraju da više ni bilo časa za vrnuti se lakonogi Vinceki ga mečeju tam de navek najbole boli.

I Vrapcom i Manekenom paše Oko kaj se i z rezultata i z povesti more prečitati. Manekeni su bili skros na skros skoncentrerani a Bunci neurozni. Pogotovo da su poguknuli prvi. Meša je trajala i prije i posle poravnajna. Bozanić i Sep naprovo, Anđo odostraga i to je to. A i još negdo je igral…

Bebe su apsolverale i Kravarsku, čak je bilo i pretnji ali sve drugo je bilo “viktorije” na jen gol. 5 komadi za časten poraz.

Krpiči doma neznaju dati više od jenoga. Il nemreju. Il nečeju. To je sejeno kultura i pristojnost; kak ti budu ljudi došli ak je saki put namečeš da nemreju odnesti… Nek, ono, na finjaka, mi jesmo- al nismo, fala, dojdete nam pak, najte kaj zameriti. Čaple svoje šemse nisu smestile v okvir a Krpiči su vrgli kulko su mogli i šteli. Čak su za ovu priliku pribavili snimatela kaj je je snimal od treninga čez utakmicu prek poluvremena v drugem poluvremenu na kraju i posle kraja i još malo. A oko Oka, milijon milijona Ruševlanov, Dolne, kak f Danteovomu peklu, 8. krug, treča epizoda, repriza. A bar pol je dava ovem na terenu dobronamerne savete. Legendarni Mika je pak zamalo završil na skolke- da taj čovek nekaj dela- dela z 120%.

Neurozno neurozna tekma za ostanek na/pri vrhu. Miši nisu uspeli ponoviti lajnski uspeh na “mestu zločina” glede i unatoč lepote neobrckoga nogometa. Ilovače više fali jen tenk tipa Vince v napadu nek kaj Cerovski odnega ima koristi, oni igraju jen sasma drukčiji nogomet. Štefek je sam probal prejti zmed tre prekonekoliko puta ali to je čak i Oliču retko išlo za nogum. A jen z Obrane Ilovače je več sigurno na servisu pri plastičnem kirurgu u svezi glede brojnih susreta s loptom velike brzine u facijalnom predjelu glave. Da ne velim *. Probala je obrana dejstvovati z dalekometnemi projektili z prek centra po golu Mišef ali ni ovo igrališče v Barbariče lani i predlani. Razultat tekme nijenem ne škodi ali Ilovača odnega ima više koristi.

Relativno rano su Tigriči načeli Bojse prek Ježe i to je tekme dalo jen sasma drugi tok nek su se ovi drugi nadali a potem raste neuroza. Po običaju da igra Alen se lopte v napadu ideju najnega ali na ovak malem igrališču z dva-tri Tigriče na pleče to je druga pesma. Par komadi je i otišlo na gol ali to ni bilo dost da se raspoloženi, motiverani i inspirerani Duba mora prigibati v mrežu. Probal je i Krešo Paič ali taj dan bi Opatija dobila i Barcelonu v punem sastavu. Posle vrhunca neuroze na kraju prvoga tala Bojsi cicaju crveni karton ali to je premalo časa da bi Tigriči prevagnuli utakmicu skroz v svoju korist. V drugem talu Tigriči štrikaju pred golom Bojsof i to dava rezultata na početku i na kraju poluvremena. Totalno ludilo na Opatije a i sneje budu vesele.
Najte kaj zameriti.

http://www.forumgorica.com/sport/9-malonogometna-liga-vukomericke-goric-2012-mnlvg-9/msg44743/#msg44743

 

Iliti, Puš_karanje pri Lubinomu grobu. Kak se to i šika ob Petrovu na Ligu dojdeju i oni kaj nisu planerali z nogometom se baviti a bilo je i one kaj su se na istoga otputili, bar su tak babe doma povedali da su dozvolu za izlaz iskali, a dale ot prvoga šanka nisu dospeli. Nečemo jem imena spomenuti samo bumo rekli da se prezivaju na slovo, na slovo, na slovo… Zamalo mi je pobeglo! Negdo je povedal kibicom da se odgođena utakmica zmed Švabof i Šike igra prije prve tak da je jen tal te iste moral taj dan apsolverati jenu pivu iber plana, kaj je teško palo prve šank linije, a utakmice sejeno nisu videli do devete vure navečer.

Hudi i raspamečeni Gruntovčani v B-sastavu nisu počkali ni minutu da bi ga vrgli z mađarske strane Balerinam, na opče čuđenje. Jedini problem B-sastava je kaj su si pripravili samo jenu izmenu tak da jem je fletno mast pojela lagere. A-sastav još bol boluje od iberturaže protif Prvakom, C-sastav je na morju dok se D-sastav bavi z emisijum za selo i poloprivredu. Da su lageri počeli pevati onda je Šika prehitila v brzinu više i vagnula utakmicu na svoju stran. I baš da smo mislili da je se dale jednosmerna moj Olio seče jedno dodavanje v obrane Šike i jako ga bolno meče v za to predviđeno mesto. Letos samo *darije dela. Ali onda Balerine hitaju v još vekšu brzinu i program za posebno pranje protivnika pod nazivom “Vezak vezla Šilakovčanka mlada” i Gruntovčani lagano ostaju za nemi v desnem retrovizoru.

Rođeki su donesli svoje sretne drese boje naranđe, mam se videlo da ne dobro. V utakmice v tere bi bilo normalno da Buna natambura neuverlive predzajdne Barbariče se hudo zakompliceralo z vedroga neba. Rođeki su bili v utakmice protiv od Gruntovčanov načete Glumcov se dok nisu ostali z igračem mejne. Glumci koriste priliku i anuleraju prednost Rođekov za teru je Jadranko morje krvi razlejal (i dostojno preslavil, am se to razme). Glumci još jemput nokauteraju demoralizerane i na rubu raspada stoječe Barbariče a onda se događa da se Isti z ničesa dižeju kak Feniksi i ravnaju rezultat kaj jem diže “klak” kak “ranom zorom ide rakija da mi krv protera venama” da bi po tem počel lov na ni krive ni dužne Glumce kaj je samo piščalka spasila most od još jenoga poraza. Do bu letos prvi to više ni On nezna. Baš me interesera do Rođu ni pustil igrat…

Ne budi vam potuženo, v zajdne dve utakmice Manekeni su dali više golov nek nektero leto v Lige. Nemre čovek prosečne sposobnosti to se ni pratiti, samo more reči “Bez starca ni udarca”. Čak ni nedostatek Mramornoga Stupa obrane Badelovoga brega ni pomoglo Čigram da scukaju makar bod motiveranem Manekenom. Čak i izostanek galame od strane Selektora i nazočnost Ekrema ni pomogla da se prežive časni poraz. Još samo Žac fali, jel bežnega je gorko vino, i bivši Selektor, da bi bili na korak od dream teama. A na tablice i ne stoje tak loše. Za sad.

E, da. Bebe pomalo slažeju kompilaciju friške krvi i evergreenov da se odlepe od dna i zakompliceraju život susedom i protivnikom. Idealna prilika za probati recepte za obranu i napad su prinove v Lige oslablene za svoje zvezde i z minimalnem brojem izmene. Tata Zlatek je pokazal svojem Bebam kak se to negda igralo dok je još Želko Bebek bil jako mlad i po križajne vlekel rajngleke na špage. Posle prve pobede čekamo na povratek v Plavi tabor Dedu Slaveka, Iliju i Stričeka Poštara. Bradiči su več tu. V sobotu je pod legendarnem Križnem Bregom, na teri je moreju vezati samo lepe uspomene, čekaju Čigre a v nedelu v Kozje Drage stare mušterije- Velika Buna.

Čaple su uspele scukati bod Vrapcom teri su održali i mešu i propoved. Kulko se spominaju još jem dobro i ide, il je to več pod normalno. Igra Vrapcov je spodobna k one kaj su ju zajdne dve lete igrali Tigriči, ni bogznakaj ali dok dava rezultate nigdo se ne buni. Pogotovo dok su zaseli na vrh tablice. Čaple su odigrale bez Jednookoga Mike kaj je bil na lečenju, z infuzijum, oralnum.
Lepotica dana, v tere su Miši konačno pokazali onu lepotu Breške škole nogometa o tere si pripovedaju a retko ju kažeju. Ceh su platili Leptiriči kaj jem je bilo kak na streljane. Mislim da si nigdo ni mislil da bu Brdo tak nadigralo Kravarsku v utakmice za teru su bili zaintereserani si glavni belosvecki mediji. Pitanje je jel se Leptiri moreju vrnuti jel je of vikent čekaju Bojsi i Tigriči, obadvoji naugodni, nezgodni i narajcani. A na Nou Campu ludilo. A Đaja je na pismeno oporučno ostavil ekipu malomu Đaje, črno na belo. A Crnek je grezel z muzikum, most su ga i domom morali voziti. A, joj.

Bojsi su pokazali zakaj stari Ferrari vredi više nek novi. V jene otprte utakmice skoristili su i naplatili činjenicu da se Krpiči krpaju z v.d. golmanom. Stari kostur ekipe z malo friške krvi i eto več je druga četvorka v protivničke mreže.

Of tjeden novi izazovi!
Ilovača nastavla svoj hod po trnju i marlivo skupla bode kak glad večeru. Kaj reči da v ekipe imaju najbolega igrača i najbolega strelca prethodne Lige da ne spominam najbolega golmana (on je svoj posel obavil, kak i obrana). Tigriči zgleda da nisu dobro skoristili dan odmora, il most jesu, a i bili su bez glavne zvezde tak da od nje nismo videli čudesa.

V “Zajdne posle zajdne” smo videli rešavajne zaostatkov. Balerine su pokazale da moreju dva put v jenem danu a “des” su Koki i Šokre dali po tri “komuda” i njem bi za of mesec trebalo biti dost. (K)Ak Bog da. V prvem talu smo si ogledali malo petinga da bi v drugem talu videli hard core seks bez kočnice, da je bil rezultat “brojniji” mogli bi ga nazvati i gang bang. Kak su i dežurni kibici šacali bilo je pitajne časa da bu Črni odnemogel v čarenju Opatije.
Čekaju se prognozeri za of tjeden;