Vice Vukov – pevač i političar

Lojtrice i lestVice zVukov

Vice Vukov bil je (i) političar – do leta 1971. neformalni, a od devedesete let prešloga stoletja i formalni.
Na koncu, pogubne zajnega nesu bile (glazbene) lojtr(ic)e neg (pred)saborske (da ne velim političke) štengenice.

* * * * * * * * * * * * * * * * * * * * * * * * * * *

Venec (Matica hrvatska), broj 198, 04.10.2001.

Vice Vukov: 30 LET KESNEŠE

Bežajne politike v jelovu popularnost

Znam, lako je biti general posle bitke, al ke nam drugo preostaje ak razmišlamo o preteklemi dogotki? Nebumo se odrekli prava na kritičnost prema preteklosti (prešlosti) samo zato da nam negdo ne-bi vuputil spomenuti pritužbu! Zato osečam potrebu priznati da sem i sam napravil mnoge ne-umnosti te »prolečarske« let. Zapraf, te su neumnosti velike večine bile simpatične baš v one mere v tere su bile spontane i »necenzurirane« ikakvum na iskustvu vutemeljenum mjerum! Treba, pak, priznati da je onda bilo težko razlikuvati delatun i nujen osečaj za meru od običnoga oportunizma.

* * * * *

Senako, nekuliko put bil sem »politički muder«… V proleče leta 1971. slučaj me dopelal v Sisek. Z obzirom na reputaciju prononseranoga nacionalista, oko mene se skoro navek stvarjala napeta atmosfera potencijalnoga sukoba. Tak je bilo i tu večer v sisečkomu hotelu »Panonia«. Posle nastupa, za vreme teroga je koma(j) zbegnuta tučnava vekše razmerov, našel sem se v vekšomu društvu oko nekuliko spojene stolov. Spominek, naravno, ne mogel zbeči netom preteklu napetost i se druge aktualne dogotke v teremi sem, v očje naše javnosti, sudeluval na razne načine. Najemput, obrnul mi se čovek teri je bil tuliko diskreten da ga do toga momenta nes ni spetil med nazočnemi. Predstavil se i dodal: »Ja sem, znate, ovdašni Srbin ili pravoslavec, kak očete, i mislim da bi morti bilo dobro da, gda nastupate v kraji v teremi žive brojni Srbi, zapopevate i teru našu pesmu!« Dobro je pretumačil moj pitajuči pogled pa je dodal: »Ne mislim, naravno, na pesme z Bosne ili Srbije! Mi, ovdašni Srbi, imamo sve stare narodne napeve teri su tipični za neke naše kraje i sela!« Mogla se čuti i muva, maker je društvo bilo poveliko. Si su me gledeli ozbilna lica pretpostavlajuč, valda, da sam v velke nezgode. Ali zaizres nes bil ni v kakve nezgode. Spremno sem mu otpovedal ono ke sem o tomu zaizres i mislil: »Razmem Vašu ideju i vaše namere, ali razmislite o sledečomu«, povedal sem mu. »Stanje duha prinami — a nesmo ga ni Vi ni ja ni stvorili nit moremo najnega bitno vutecati — je takvo da bi takov postupek Hrvati zasigurno pretumačili kak izdajničku stravupezdost, ili v najmejnu ruku kak mrski oportunizem, a Vaši bi Srbi najveruvatneše se to doživeli kak provokaciju, kak nameru da sugereram kak je, eto, baš se, pa i vaše pesme, del našoga hrvatskoga sveta! Ke bi z tem postigel? Nike! Pa i hujše od toga: do dalnoga, si bi bili protiv mene! Zato mislim«, nastavil sem, »da bi za sada bilo najbolše da mi Hrvati popevamo hrvatske pesme, a vi Srbi pevajte srpske če očete. Vusput bi se morali trsiti da nam, i jednem i drugem, to ne pači pa verujem da bi, z vremenom, stajne sveobčoga duha ostalo do te mere povolno da bi bilo moguče i ono ke vi sad predlagate!« Po lici se preširil osmeh pa sem mogel zaklučiti kak su si pa i te Srbin zapraf zadovolni neposrednostju i argumenteranostju mega odgovora!

 
Zvir / celi članek na ŠTAndardu:

http://www.matica.hr/Vijenac/Vij198.nsf/AllWebDocs/+VUKOV+

Tur for-um (turopolski forumgorica
Vice Vukov – pevač i političar
http://www.forumgorica.com/politika/vice-vukov-pevac-i-politicar/msg45307/#msg45307
  

Kvartet Gubec – Vužgi – Vici s ljubavlju, 03:08
http://www.youtube.com/watch?v=WfEmNL1NDAw