7.-12. kolo
Citat:
Malonogometna liga vukomeričke goric
(i prethodni članki)
http://trnac.net/tag/malonogometna-liga-vukomericke-goric-mnlvg/
* * * * * * * * * * * * * * * * * * * * * * * * * * * * * *
KOZJAČA – ŠILJAKOVINA 0-1
HOTNJA – VELIKA BUNA 0-3
GORNJI HRUŠEVEC – AUGUŠTANOVEC 4-0
NOVO BRDO – CEROVSKI VRH 7-1
LIJEVI ŠTEFANKI – MALA BUNA 2-1
OPATIJA – KRAVARSKO 1-2
DUBRANEC – DONJI HRUŠEVEC 2-1
Na početku pripovesti su se zestali Švabi z Rođeki. Krvavica do kosti. Jadranko je piknul dva za primer drugem kak se to inače dela a Švarc je sledil negov svetli primer. Na kraju su Rođeki, ali baš na kraju, poravnali z penala- pol gola ide na dušu Zvone, kaj mu je mati za des pripravila rasparene čapare, i negvomu talentu a pol strelcu.
V druge su se jeni na druge popiknuli susedi z dve bregov, Manekeni i Balerine. V jene izjednačene taktičko-tehničke utakmice de nigdo nikomu ni mogel vrči Ico si ga je sam vrgel. Kak dober kučedomačin, da se gosti nedu preveč ošvicali. Tu su bili i problemi z semaforom teroga je šaltal do je stigel a se to ni moglo prejti mimo oka klupi Šilakovine i veleselektora Jože.
Tata i negve Bebe ni ovo leto nisu uspeli ponoviti uspeh da tučeju Prvake, iako več poprilično šlagerane i nokauterane. Posle oceana pipanja i pimplanja, mora promašajef, jezera šansi, reke nesreče, jarka vole i kiše švica Glumci su ga mučki vrgli Bebam. Posle prvoga su je probali zvleči z bunkera teri se pak igra na Hojtne ali su skužili da Bebe nejdeju van ni za brdo karamele i na vrhu slatku tajnu jel i nem odgovara (samo) 0-1 i mam bi potpisali zajnega. Ali da je vrak šalu odnesel i mrežu još preluknal Bebe su se raskoražile i probale časno pasti ali letos to nejde samo tak kontra Glumcov. Više sreče (v) iduče godine želi vam HL.
Čigre imaju kuru hođenja po steklu a od pomoči jem nisu bile ni Čaple kaj preživlavaju drugu mladost. Kak v drugemi ekipa ovi kaj se ožene postaneju impotentni za nogomet tak pri Obade takvi igraju kak navinuti. AugušatanovAcu ni bil od pomoči ni roditelski sastanak v poluvremenu. Trebali bi prejti na tekuča pitajna jel v spominku utehe ni.
Lovriči su pobedili Cerovski, i to jako. Još je utakmica bila kaj k čemu do zajdnega frtala da se Vrh klasično raspal. Da nebi bilo da je Brdo dobilo samo gol bumo tu spomenuli jen nos,strgani, i jenu nogu, golmansku. I to je več druga, pomalo je lovi deficit v golmane- čist lako da bu i Crnek moral stati na gol. “To majka ne rodi!” A “prvi izbor ove let” slaže fate v šume. Do 7. kola su najmejne golov prijeli Miši, Tigriči, Vrapci i Ilovača.
Vrapci su pokazali da moreju igrati z sekem ali jem fali gol viška. Tak su i protiv Bojsov poveli ali letos čista kvaliteta z Štefankov se ne predaje samo tak. Istina, da ni Alena nebi imal do vrči. A utakmica? Krf krvava, do kolena, čisti masakr, z obodve strane ruba incidenta.
Iako je i Opatija povela prek Žaca, a Šaki je bil i igral, Leptiri to rešavaju v svoju korist prek dva igrače z klupe. To još i čudi jel su kak domačini još od čera trebali biti jebetežni i alkoholno otrovani. Il se nekakove nove noše nose na Kravarske…
Da se stanovita biblijska ličnost zdigne i pogleda si utakmice Ilovače ponovil bi skoro istu pripovest o deve i igle. Krpiči prek “novoga lica z poternice” šokeraju Ilovaču kaj se nadala semu samo ne ovakvomu početku. Sve šemse Dubranca dobro debelo ideju oko gola kak da su ova leta igrali hokej na trave. Krpiči su bili želni i volni da na šank odneseju skalp Ilovače ali ista se dva put pribrala i došla k sebe da nebi bilo nismo znali. Bilo je tak napeto da su si Zemo i Mika pomešali tenesice, sad neznam da, jel prije il tokom utakmice. A utakmica? Krf krvava, do kolena, čisti masakr, z obodve strane ruba incidenta.
A za kraj nekaj sasma drugač.
Da je videl Maradone Đaja je mam išel uspostaviti susret treče vrste i dobrosusecke odnošaje, da nevelim ugovoriti sporcki čvenk na kojzačkomu krtolovcu. Šoumen Pevec se pobrinul da jem suproctavi kreme de la kreme breške lige prebrane z Kojzače i dijaspore, da nevelim baš Barbaričev, a i za pravedno suđenje, kakovo još do sad nismo videli na Lige. Da je pravda (ne)zadovolena govori nam podatek da su ga obadve ekipe nagajnale po i oko Drage. Radi privatne problemov. Iako su “Zvezde plešeju” dale se od sebe, i još malo više, nisu mogli protiv bezimenoga ŽNKa ojačanoga za Krpu na vrate tak da je rezultat od PAR – 0 čist soliden i neporažavajuč za nijov šeksualni život. Ali navek se bu našlo grintavcov kaj buju rekli da su oštečeni za penal, vreme, gol i sl. a se to samo zato kaj jem sudec ni dal izvesti dosuđeni penal jel je vreme isteklo. Ekipe znamo, rezultat skoro, znači još nam je ostalo preglasiti ig(u)rača/icu utakmice. Rekel je Pevec da bi bilo najbole nekakovu ženskicu zebrati ali ja bi se založil za Đaju iz prekonekoliko razlogov; em je “pravo dobar drug“, em oče platiti pijaču,… Em je na pol utakmice pobral Petru i otancal jen Tango Bolognese. Da ju je pribral najprije su si ludi gledeli kaj to bu; il tuča il silovanje, a ni ne ni baš bilo sejeno…
Na Kojzače saki put nekakov šou.
Al bu šou ak na Velike Bune drugi tjeden raskopaju cestu pri igrališču, bumo zgledali kak turopolski prašiči. Jel tam imaju opče reflektore za slučaj noči, megle… il prašine?
* * * * * * * * * * * * * * * * * * * * * * * * * *
KRAVARSKO – DUBRANEC 1-1
MALA BUNA – OPATIJA 2-2
CEROVSKI VRH – LIJEVI ŠTEFANKI 2-5
AUGUŠTANOVEC – NOVO BRDO 0-6
VELIKA BUNA – GORNJI HRUŠEVEC 2-0
ŠILJAKOVINA – HOTNJA 2-0
GORNJA OPATIJA – KOZJAČA 5-0
GLADOVEC – BARBARIĆ 1-3
Vrapci i Tigriči. Kak se i očekivalo krf krvava. Nezna se do je komu scukal bod.
Bojsi su očekivano zapisali tri bode kontra Vincekov ali čini se da se i poslespomenuti dižeju jel se do kraja utakmice nisu raspali a i dva su gole vrgli v svoju statistiku. Još jem je jen falel do hattricka- ni puno al bi nem puno značilo a nam se lepo videlo.
Miši su skosali Čigre v krajnje kratkem sastavu, da se kratkoča more opisati z odevnem predmetom zvala bi se “dopičnjak”. Il tange. Nekak su se pokrili z rošadami i šaradami a i golman je bil svesten da ak sat obrani dobro mreža mu ne gine do kraja Lige kaj z obranum Čigri baš i ni nekakova profesionalna perspektiva. Da Poštar počme gole davati zna se tera vura bije. Imale su i Čigre svoje šemse ali jem je falelo koncentracije… i drugoga.
Negda je bil kompliment ak su ti rekli da igraš kak Buna a letos se takova uvreda rešava prek kosture. Veliju eksperti Breške Lige da je Buna bila spremna kak zrela ruška ali ju ni imal do pobrati. Da se jen od najstareše Godiničef na terenu Legendarni Mika ni “salomio” pri pokušaju piruet-škaric tere se nebi posramela ni Stefany Hohnjec to bi most i drugač zgledalo a ovak… Z poteze šahofskoga velemajstora deda Huđber je z grabe vuz cestu vodil Glumce kak po šahofske table i tak se do pobede. Ruška ni opala ali Čaple jesu.
Bebe su bez Tate Zlateka, teri šumari, skupo prodale svoju kožu Šilakovine. Golman Alen je bil kak Ilija v najbolem izdanju. Ne verujem da to more i zutra ponoviti.
Kak to obično ide da ne “zafercera” v onemi utakmicami “krf krvava” onda žilci predelaju v onemi tipa “kamilica”. Kormilo kojzačkoga broda je od tate Pefca preuzel Fabio Čirolo i mam fasoval vruči krumper i tamburanje nazivnika. Posle 444 dvojbene odluke na nijovu štetu Manekeni odlučili su kraj utakmice pričekati na šanku. A Švabi su onda pobedili posle 333 dvojbene odluke na nijovu štetu.
Obadvoji “kravarski”. Gruntovčani su več vagali utakmicu v svoju korist da se z mirovine na kratko odlučil vrnuti Draš. I ta minuta i pol mu je bila dost da pripravi asistenciju za mlađahnoga Zvonu, teri osim glumačke talentov ima i nos za loptu, i postane igrač utakmice. A i Kiki ga je jenoga mrsko vrgel.
Zutra bi se mogli nadejati zelenomu stolu, diplomacije, bapskemi pripovesti, selske politike, lovačkemi i ribičkemi dok se v tragovima bu pojavlival i nogomet.
* * * * * * * * * * * * * * * * * * * * * * * * * *
HOTNJA – GORNJA OPATIJA 0-1
GORNJI HRUŠEVEC – ŠILJAKOVINA 2-1
NOVO BRDO – VELIKA BUNA 2-0
LIJEVI ŠTEFANKI – AUGUŠTANOVEC 3-1
OPATIJA – CEROVSKI VRH 4-2
DUBRANEC – MALA BUNA 1-0
DONJI HRUŠEVEC – KRAVARSKO 1-2
Svoga tela gospodar. Mam sem je rekel da to ne na dobro zišlo dočem su teške droge na velika vrata vlezle v Ligu. Da se to počme lopsati z posudja za analizu krvi, pišaline i stolcof a posle tre ide jena gratis (to je kakti akumulerani) krhko telce i trudna duša pojdeju prema zemlice a pamet v nebesa. U svezi glede malog mede i čimbenika ukrudbenog a bome i prije navedenoga cela se Buna kak organizator partya našla v Đorđičeve na besplatne masaže z vaspitnum palicum. A popoldan je treba hodočastiti k Obadom. A pri Obade pak si zujiju v nebo kak Sijerkoviči i veliju da bu kiša žmeknula kak god teško. V najsušnejemu letu samo je treba organizerati Ligu i eto nje, zleva kak z kabla. Ali Sijerkoviči taj den nisu niš nacoprali, oblaki su putovali ali niš nisu scali. Za razliku od vetra kaj je mnoge v toplo zavil. Ovak bi to nekak zgledalo z pera Milke Babovič…Manekeni su prišli odigrati derbi tulko pomlajeni da su jem se mlečni zubi videli a stari su došli samo oči past i na šanku promet delat. Posle pol utakmice na Bune samo je nekakova nogometna anemičnica hiče i jeza vata. Kak su Manekeni došli vužgani tak su Gruntovčani došli potrošeni jel su na prijeprekonekolikoputspomenute Bune dušu spustili a Pape nisu videli. A utakmica? Jena od one kaj se moraju odigrati.I još jena takova je odigrana posle te zmed Švabof i Bebe. Švabi v ajnc-a sastavu kontra totalno kompletne Bebe su uspeli dati samo jen gol tek tulko da si Švarc popravi statistiku jel mu gol od dan prije nisu priznali. Umešal se dobro poznati B.B.E, evo jene taktički interesantne kak šlag na početku torte. Zanimliva i brza tekma od početka do kraja, napadi se slažeju jen na drugi, čas letiju levo, čas desno a na kraju čokolada, igračka i iznenađenje. Balerine pred kraj i z rezultatom 1-1 se hičeju v napad a lopte z nog Čapli nikak najti puta prema praznem golu. Do zajdne minute, a onda se mreža stepla. I zbogom gibanica i penezi. Sudec je z fučkulum označil da moreju pojti na šank na konzultacije.
Negda je to bil sudar divova a sad jena zanimliva utakmičica. Letos suvereni Miši su to priveli kraju kak se i šika. Na početku smo si gledeli jel bu pak opala kakova trgovina dočem se si lepo na terenu smejeju ali posle prvoga gola više ni bilo bitno. Đaja je moral par put prijeti vojke v ruke a na kraju smo zamalo imali i akumulerane na obadve strane. Domačinstvo je pojelo Glumce.
Jena poprilično čudna utakmica v tere su Čigre za tri minute došle do akumulerane a posle je išla jednosmerna na melen Bojsov. Čigre su uspele i piknuti jenoga prek svega friškoga pojačanja, zlu ne trebalo, nek se najde za Veliku Mešu.
E, ovo se primene v selu zove utakmica i nogomet! Vinceke pere inspiracija pri Kravarščice još od kvalifikacij lani a da je žmeknula kiša pitajne je kak bi se to zišlo. Kahn dela čudesa na golu, osim tri put da ga je Šaki preluknal, i jemput Mlinka, Joža napada, Mac rivle i zabija, ekipa dela kak podmazana švicarska vurica. (ne)Ponovilo se! Jako dobro- odlično! Ali ni išlo protiv letos raspoložene Tigričev, ne od papera nek od krvi i mesa, kaj trenutno v ruka drže četrto mesto i nemu pripadajuču drvenu kolajnu. Ni problem zgubiti od bolega od sebe. Ak Mac nastavi ovak davati gole mogel bi prestiči trenutno podremanoga Švarca kaj vozi na rezerve. Nebi smel više nikoga faliti, kak da sem je vrekel- si abšisaju. Osim Pamele Anderson.
Krf do kolena! Da prispeš tak visoko a davaš malo golov… Jedino rešenje je obrana tipa “lopta može, igrač nemože” il golman kaj je na golu zaklenul pojas nevinosti. I nema dok se gazda ne vrne. A da se najdeju dve takove ekipe na istem brvnu, ni dobro. Faulov kak v pripovesti; Ilovača se natukla Jakopa kak bika v zelju. To nisu bili rafali faulov, nit plotuni nek kontinuirani faul, čovek bi si mislil da je najbolši igrač na terenu. Vrapci v najbolem izdanju i najkvalitetnejem sastavu nisu pol vure mogli odoleti napasne Ilovače a jen gol je presudil (Pojačanja, Bog vas blagoslovio!) Vrapcom pak fali gol ibera il moment da utakmicu prevagneju v svoju korist, nijanse su v pitajnu. Na stran kaj je Hrvoje dal gol, kaj je klupa Ilovače maestralno vodila utakmicu, kaj je Števa… nekak mi se čini da je ona mrvica kaj je vagnula utakmicu bila putujuča amajlija zvana Ty. Niš drugo.
Još jena žestica of put za kraj. Stišču jeni stišču drugi a pobednik bu samo jen. V opčem stiskavcu su se najbole snašle zvezde z drugoga plana jel su zvezde z prvoga plana odigrale prosečno kaj je Dražu v publike žifce jelo- malo je falelo za jen kvalitetni ulet. Leptiri su zeli svoje tri bode a Krpičini Šinovi se budu morali vaditi of tjeden kontra Vrapcof i Vincekov. A kiša nam je za vikent obečana, samo je pitajne časa i po komu bu žmeknula.
I gledim ja taj tabelarni prikaz, kad ono sami susedi po tablice;
NOVO BRDO, KRAVARSKO
GORNJA OPATIJA, OPATIJA
LIJEVI ŠTEFANKI, DUBRANEC
KOZJAČA, ŠILJAKOVINA
MALA BUNA, VELIKA BUNA
A na “Roman Harbouru” se navek, fala dragomu, nekaj zakomlicera. Most kišica kaj “popravi”…
CEROVSKI VRH – DUBRANEC 3-4
AUGUŠTANOVEC – OPATIJA 3-4
VELIKA BUNA – LIJEVI ŠTEFANKI 1-4
ŠILJAKOVINA – NOVO BRDO 2-4
GORNJA OPATIJA – GORNJI HRUŠEVEC 0-3
GLADOVEC – HOTNJA 0-0
BARBARIĆ – KOZJAČA 3-3
Švabi su bili dobri domačini Čaplam jel kak drugač opisati 0-3 i hat trick. Štrklasti Obadi su nadigrali Švabe i dobro zblokerali Švarca (v teroga sem imal neograničeno poverenje; kak popevaju Beli Gumbi “divno beše glavni biti dok me nisu pročitali”). A tu je bil i sedmi igrač, publika, tere je bilo kak da se igra na Ruševcu. Nebi zanemaril nit “nemoralnu ponudu”; ak zgube Obadi plačaju pijaču svojem oldtajmerom a ak pobede oldtajmeri vade šarajtuš. Tak smo mogli puno prije kraja utakmice čuti z terena; “Stari, skuplaj penezi!!!”
Da je več kišica prelazila v kišu jenu mirolubivu utakmicu vođenu “politikum mirne aktivne koegzistencije” su odigrali Gruntovčani i Bebe. Sakomu po bod i si živi i zdravi. Gruntovčani su imali svoje prilike ali skoristiti je je bil preveliki zalogaj zajne.
Dok je kiša z volum padala svoja zagrijavanja su počeli Rođeki i Manekeni a pravi se majstor pozna po tem kaj se zagrijava pod suncobranom, il kišobranom, dok drugi “krfcu liju”. Fala sv. Ilije kaj je tak puknul z bičem da su si osigurači pofrcali i tak prekinul “silovanje ušiju” tero je nastojala provoditi muzička banda. Jako nam je fletno Rođo pokazal kak se to dela Barbariče i isti več vode. Posle Pefci, i ovi drugi z Kojzače I, dižeju radni tlak kaj rezultera z vrtajnem lukni jene za drugum v golu KOjzače II. Onda se poslespomenuta pak radioaktiverala i počela kazati da ni došla z gačami oko kolen na megdan. Ali na kraju niti jeni nisu uspeli zvrtati luknu više. Posle je deda Draš viđen kak se grli z sucem, veli da to ni niš profesionalno nek familijarno. Do če ga znati.
A zutra deeeeeerbijef… Krvi do kolena, žuči do pupka, kamioni apaurinof, kačinoga znoja, žabine glak… Prose se oni z visokem i niskem klakom, oni z slabem želucem i zaštopanemi žilami da ostaneju doma.
GORNJI HRUŠEVEC – GLADOVEC 4-0
NOVO BRDO – GORNJA OPATIJA 3-0
LIJEVI ŠTEFANKI – ŠILJAKOVINA 3-3
OPATIJA – VELIKA BUNA 0-2
DUBRANEC – AUGUŠTANOVEC 4-3
DONJI HRUŠEVEC – CEROVSKI VRH 5-1
KRAVARSKO – MALA BUNA 1-2-
Miši su revijski rešili pitanje Švabof v 11. kolu, zgleda da su Švabi postali žrtve domačinstva (a domačinstvo je postalo žrtva kiše…). Neimenovani izvor je rekel da je išel spat des “več” ob pol pet a da je na noga bil od pol tre čera popoldan. To čovek nezna kaj mu je težeše; jel glava jel noge, a onda je treba još nagajnati balon od kože. Črni je još navek v kreativne menopauze a ni drugi nemaju baš inspiracije, kak v dobra stara stara vremena dok još nisu slagali favorite kak glinene golubeke. Zgleda da bu treba deti legendu Slatkoga na gol da se drugi malo zmešaju po pozicijami, most šok terapija da rezultata. A Miši, ovi nakajneni prvaki, su ovo zarazmeli jako ozbilno i dopelali v Jaguštanovec se kaj je oditi moglo. Osim jake snage navijačof, tehničkoga i glavnoga stožera. Oni lečiju doma žgaravicu.Iako su Balerine zatancale bez Šikija rezultat ni izostal, ak se remi more zvati rezultatom (slabem * saki remi smeta!). Bojsi su odigrali igru tera je jedina moguča z obzirom na leta i raspoloživ kadar i ona je dala rezultata, kak i navek, ali nigdo se ni nadal da su mlađahni Šilakovci sposobni biti breški Muhamed Ali, da letiju kak leptiri a pičeju kak stršlani. Saka čast obadvojem na utakmice.Veliki su Bunci počeli igrati. Mlade nade tovare a stari peni čuvaju hižu, il mrežu, kontra nek v Štefanke. Više se očekivalo od jene od Opatije ali ovo ni bil nijov dan, nit od Gorne nit od “Dolne”. Niti jena lopta ni štela tam kam su ju namerili da se tomu još zbroji da je pukla čuča jenomu od temelne igračef obrane i da je nijov naaajboli strelec prošloga kola pauzeral prvo poluvreme jel je došel na igrališče z krive strane (!!?) još su dobro i prešli. A ni izostala propoved i dnevnik na kraju i po utakmice. A Glumci su proslavili jenu od najvekše pobede nad jednem od najjakše protivnikov kaj su je letos dobili kak da su osvojili Ligu. A onda su još navijali i za se po redu; (Malu) Bunu, Ilovaču, Kravarsku, Juricu, Jakopa, Dinamo… I tak v noč, dugu mračnu noč…
Ne odma, ne sad, ne mam nek istoga momenta se videlo da je to teren na teromu su Čigre celo leto trenerale jel su si imali problemov z Jaguštovičkum grbavicum a samo su oni znali skoristiti se mane domačega terena. Ilovača se išče; se je tu, pun rezervar, kompletna oprema, vrhunski motor i performanse samo nikak najti kluča da se to v pogon vrže. A i nekakvi čudni vetri pušeju v Dubrancu; do je bil čera i des zna o čem je reč… Nekak se dižeju i postavlaju jen dugotrajno pozitiven rezultat z puno rezerve ali posle igre “lako čemo” Čigre rešavaju i dugotrajno i pozitivno i rezervu a onda je kak i cucku voda počela vuva zalevati samo kaj Čigre nisu “prijatelski i dobrosusecki” Vrh da jem čez prste glede. I da su JAgiči piknuli jenoga mrtveca kaj ga je bilo teže fulati nek pogoditi biklo bi “game, set, match- Auguštanovec”. I kak to obično ide da tak nekaj fulaš kontra jene (ne baš preveč) ozbilne ekipe popušiš utakmicu. Dobri mladi Feljo je složil jen slalom i del kak v najboljim danima. Kak bi se to na Dolnem Ruševcu reklo; “Kaj je to bilo tak teško!!?”. A onda su pošle kalkulacije iako do kraja ima “samo” 6 kola.
Da smo več pri Krpiči isti su nam donesli kišu, kak da nam je bilo mrsko bežne. Posle sedem gladne let i oni su se namerili na nekoga komu budu meru zeli. Dok je bil na golu de mu ni sunce smetalo XĐ Toma je delal čudesa i Vinceki su imali kakve takve šemse a onda su ga premestili na “sunčani” gol… Bilo je komentarov da ga oče kak kurvu *, kak god se namesti navek ju pogodi. Rekel bi da je pak Mac dal jenoga. I glede i unatoč dobromu rezultatu Krpiči su bili prekojako neurozni, nit jem kiša ni mogla pomoči. A Vinceki? Podnesli su stoički, ni jem prvi put.
A sad ono kaj si čekaju. Jena lepotica nogometna teru bi najkrajše bilo opisati z “Straško je krif za se”. V postroj Leptirov su se vrnuli i zgubleni sinovi i morski galebi kaj bi trebalo olakšati posel kontra neugodne Vrapcov kaj su se kak klopi prijeli Gornega doma tablice i ne puščaju. Ni bilo treba dugo čekati da Vrapci šokeraju Leptire i iznenade publiku; Jura tuče od nekud skoro z Bučice prema Strašku teri se miče i lopta završava v golu (valda su skužili da čem ju mejne diraju bole ispada). Posle miksanja pred golom Vrapcov poravnava Božo. A onda se neuroza pomalo uvlekla v Leptire dok Vrapci nisu nit glasa pustili i pomalo stiščeju ali nijena nijova ne prelazi bez carinjenja v obrane Kravarske. Posle nekakvoga “čoška” Vrapci šeleju loptu kaj je obleznula celi gol i od golmana se ritopično odbila nutre. Zavijači Kravarske izvan sebe, Glumci izvan svega na “Staroplameni” pogon, Vrapci čuvaju, Leptiri nemreju, pak onda f krug, okolo, poprek i do kraja jednak.
Vreme dobro, vlažnost prevelika, nogomet dober, bez kumplikacij, za čudo božje.
AUGUŠTANOVEC – DONJI HRUŠEVEC 3-3
VELIKA BUNA – DUBRANEC 0-4
ŠILJAKOVINA – OPATIJA 2-1
GORNJA OPATIJA – LIJEVI ŠTEFANKI 1-3
GLADOVEC – NOVO BRDO 0-7
BARBARIĆ – GORNJI HRUŠEVEC 2-2
KOZJAČA – HOTNJA 2-0
Odkad Tona ima Pančin sindrom i ne brani Šika je v teške krizlesije, i to ne samo teške nek i gliboke. Situvacija je tak huda da je najstareša kuka v selu morala dres obleči. Tomu se v vojne terminologije veli opča mobilizacija (to je ono da si imaju mobitele v žepe (i žnemi v Kupu skačeju)). Opatija je imala najbolu volu rešiti tekmu v svoju korist ali nikak ni mogla prečitati tempo i finte tere je Joža integreral v igru Balerin a igrale su se još dok je Elvis bil mlad i šlajsal je po križajne v Memphisu rajngleke na špage.
Švabom je mast total pojela lagere i pomalo jem kola noriju pod breg. Situvaciju ni pobolšal ni zostanek Tute a nekak mi se čini da nebi bilo bole nit da se Slatki vrne z (je)bolovanja. Švabi su navek bili za loptu il korak krajši od Bojsof nošene z zvezdum v “ninđa tenesicami”.
Gruntovčani z mlečenmi zubmi su pružili dostojen otpor suđenomu prvaku z Nou Campa al dostojen ni bil dost dober za fasung mejni od pol tuceta tak da ni bilo treba angažerati neobrcku “Dugu devetku” kaj si je dres naopak oblekla a namejnena je za kaznene ekspedicije. Čisti sex. Panki nastavla utrku z Ninđum (z Beverly Hillsa) za najbolšega strelca, bumo videli jel još do osim Anđe i Štefeka more pratiti ove dva killere. Gruntovčani več sigurno delaju v Klanjcu da bi se za zutra bilo pici-pici a za zutra je zestanek najavlen za po jutrešne meše. Do tre vur bi več moglo biti i teško rajnene. “Nije meni što sam ranjen jaaaaa….”
Ovi fotogejični Barbaričani nikak da se nafče slikati, sako se leto po šest put naslikavaju kak Monalize. Jena egalka z morem šemsi na obadve strane bi mogla biti pogođena kak z prstom v pekmez. Štrklasti Obadi su namučili obranu Rođekov a “krupnulentni” napadači Rođekov su pak dali za misliti golmanu Obadov. Legendarni Mika je več sprobal se pozicije v ekipe i veli da mu se ova teru je des igral najbole dopada- selektor, sediš a igraš. Most bi to i drugač završilo da je Draš smogel hrabrosti premeniti isusofke za bilokakve tenesice (šangajke, ninđajke, rimljanke, žabarke…) ali zov mrzle Žuje i zgodne “Barbarele” je bil prejak (motiv). Zgleda da ove “jaranice” Kriza i Recesija fajn kesne na Brege dočem se gajba još navek more dobiti na “pismo”, bez penez. Živela Vera! Živela Veresija!
Bebam nit tata Zlatek ni pomogel da scukaju teri bod od oskačene Manekenov a bome nit nazočnost legendarnoga golmana Ilije v publike. Mladobudni Manekeni su svoje dva piknuli v prvem talu a v drugem su držali Bebe na distance. Piknuli bi oni još ali jem Bebe nisu dale. Moreju Nemu zafaliti kaj je Cerovski vlezel v Ligu pak to na tablice ne zgledi tak hudo kak je.
A onda su dva raspojasana plesača tankog brka zalili svojim znojem asfalt pri jarku Peščenaku… Buduči da je USKOK počesal Opčinu Pokosko još se nezna de bu se predzajdno kolo igralo.
(Delo na) vide(l)o:
2:0
Kozjača – Hotnja, MNLVG9,2012.07.28., Barbarići, 15:17
