Slavica Sarkotič
Vukevec (Vukojevac)

TUROPOLSKA DIVJA ROŽA

Turopolska divja roža
Ka raste vu grabi*
V dvorišče se nalukava
Z mirisom me vabi

To je ona divja roža
Ka diši na kaj
Takvu rožu ima samo
Turopolski kraj

Ta je roža svilna, meka
Kak težačka duša
Ove rože niš ne smeta
Kiša niti suša

To je ona divja roža
Ka diši na kaj
Takvu rožu ima samo
Turopolski kraj

Kad iz svega kraja idem
Vu daleki svet
Vuz se drugo v srcu nosim
I of divji cvet

To je ona divja roža
Ka diši na kaj
Takvu rožu ima samo
Turopolski kraj

* v glazbenomu obliku zmejneno v: “V sakoj raste grabi”

* * * * * * * * * * * * * * * * * * * * * * * * * * * * * *

Slavica Sarkotič
http://www.facebook.com/slavica.sarkotic