Večerni list, 16.08.2012.
VESELJE NA VELIKU MEŠU
Nepregledna reka hodočasnikov je na Bednje, najvekšomu Gospinomu prščejnišču v ivajnskomu (ivanečkomu) kraju, slavila Veliku Gospu
Velika Gospa pobratila župe Bednju i Videm
Listinu o bratimlejnu na središne poldešne meše potpisali su župniki vlč. Zorislav Šafran i otec Tarzicij Kolenko
Piše: Ljiljana Risek/VLM
− Naša Nebeska zaštitnica, Naša majkica, Naša Gospica – reči su to z teremi se veliko mnoštvo vernikov okuplene v župne cirkve sv. Marije na Bednje na Velike Meše obračalo Gospe i molitvum iskalo nejnu zaštitu za zdravje, familiju, spas od neimaščine, pomoč v nevole. Atmosfera je to teru smo na Bednje zabiležili na blagdan Velike Gospe, zaštitnice župe i najvekšoga verskoga blagdana bednjanskoga kraja, na čiju su proslavu toga dana pohitile stotine vernikov ze se bednjanske žup, ali i zeseleni meščani z Lepoglave, Ivanca, Višnice, Slovenije, Zagreba, Varaždina…
Ovoletno slavle uveličano je i bratimlejnem bednjanske župe Vuznešejna Blažene Device Marije i slovenske župe sv. Vida z Vidma. Listinu o bratimlejnu potpisali su župniki vlč. Zorislav Šafran i otec Tarzicij Kolenko, a tim povodom na Bednju je doputuvalo šezdesetek vernikov z Vidma te nekuliko slovenske svečenikov teri su koncelebrerali meše teru je pelal ivajnski župnik vlč. Zoran Gložinič.
− Bratimlejne dve žup samo je nastavek dugoletne prekgranične suradne dve sredin. Vuz Školu nogometa za osnovnoškolce teru skupa pelamo više let, tesno surađuju i kulturne vudruge, ognogasci i penzioneri, a kruna toga bilo je i lajnsko bratimlejne občin Bednja i Videm ter skupno kandideranje projektov važne za obadve sredine fondimi EU – povedal je bednjanski načelnik Mirko Bistrovič. Vu čast potpisivajna listine zaigrali su i bednjanski Kavaleri. Svečanosti bratimlejna žup odazval se i videmski načelnik Friderik Bračič. Reka hodočasnikov i posetitelov i ove je leto zakrčila glavni bednjanski Plac sv. Marije. Med verniki spetili smo i one teri su se odazvali pozivu Občine Bednje i KUD-a Franje Serta – Josipa Genca i na versko slavle došli v starinske narodne nošna ter tak obnovili negdašne običaje po teremi se na Veliku Mešu dohajalo v svetiješnemi nošnami i z rupci krunaši.
Zvir:
http://www.vecernji.hr/regije/velika-gospa-pobratimila-zupe-bednju-videm-clanak-442279
* * * * * * * * * * * * * * * * * * * *
Kavaliri Na Varškevemu bregu YouTube, 02:42
