Ča je pusta Londra (i tamošna Olimpijada) kontra Malonogometne lige Vukomeričke goric.
 (i) 9. MNLVG leta 2012. komentera kuntakinte (Imbra Grabarič)
(zvir: turopolski for-um iliti forumgorica).

* * * * * * * * * * * * * * * * * * * * * * * * * * * * * *

13. KOLO se igra : 29.07.2012. GLADOVEC, 15,00 VUR

GORNJI HRUŠEVEC – KOZJAČA 5-1
NOVO BRDO – BARBARIĆ 1-0
LIJEVI ŠTEFANKI – GLADOVEC 10-1
OPATIJA – GORNJA OPATIJA 4-0
DUBRANEC – ŠILJAKOVINA 0-3
DONJI HRUŠEVEC – VELIKA BUNA 0-3
KRAVARSKO – AUGUŠTANOVEC 4-2
MALA BUNA – CEROVSKI VRH 5-1

Tajna plave kikle i beloga fleka

Iako to nebi smelo biti tak jel još v zemle vladaju Kriza i Recesija na TRCu Klanjec v Gladovcu Kravarskomu pri igrališču “Pri šepave kobile” se skupilo milijon milijona rulje. Kak su to i obečali čera vredni domačini su počeli delati mam po jutrešne meše da su počele olimpijske igre, univerzijada, skijaški skokovi, golf na umetne trave, umetničko klizanje, bob, kanu dvoklek, padobranci a bil je med tem organizeran i turnir v nogometu. Umetnički dojam 5+, organizacija 5+, muzika, Stari prijateli, kaj je počela igrati mam od tre vur 5+. Lokacija kaj ima potencijal. Organizatori su potplatili i Sijerkoviča tak da je vreme bilo za solidnu 9-ku. Jedino kaj letos nisu imali “leteči” šank mam iza igrališča tak da je bilo treba potegnuti v drugu županiju po pivu.

Manekeni Šepavu kobilu letos nedu pametili po dobromu jel su je hudi Obadi spikali kak rešeto. Opči dojam je malo popravil poglavica Pevec z svojem jubilarnem prvem golom (“Kaj je to bilo tak teško!?”) dok su zvezde večerešne barbaričke avanture samo kibicale i pod*avale a bilo je za videti i babic kaj su negda, ovo leto, igrale za Kojzaču. Cenjenomu događaju je nazočil i visoki gost, veleposlanik Gornega Ruševca v Gladovcu njegova legendarna ekselencija Mika Godinič, inače v.d. selektora v istomu prijespomenutomu Ruševcu, kaj je hodočastil na of visoki i cenjeni skup v duge lača. Jesu mu se negde * zaparila… Ak Obadi nastaviju z pozitivnemi rezultati mogli bi postati pravi alkoholičari jel za saki takof rezultat, il gol, vatreni navijači mam nosiju pijaču. I dej si ti sat pomori…

V duge povesti derbijef zmed Rođekof i Mišef ovakova neizvesnost ni na svetlo dana zlezla. Posle prvoga poluvremena Barbaričani se držiju kak pleh muzika na Titaniku, igraju i ne puščaju, bod je v žepu a ak kaj zabludi iza Števe ne naškodelo. (“Mala, jel imaš kaj turopoljskoga u sebi? Nemaš? Pa, žuljalo te nebi!”) Ali onda ga Panki meče na za to predviđeno mesto i tu je kraj pripovesti. Samo jen ali vreden a ni Rođeki se nemaju kaj žaliti, malo je falelo. K letu, do zna, most bu Brdo igralo kak Buna… XĐ

Najvažneje je napraviti dober raspored, organizacija je pol posla, priprema je isto pol posla, ali nigdo ni rekel kumu Posavcu da igra v obrane pak je on počel gole davati. Jen odmereni zafičok je prešel zmed stative i Mirine ahilove pete a selo je zanemelo, prognoza se pošemerila, vrata paralelnoga svemira su se otklenula i samo se čeka znak da se otijde v mp3. (“Idem šorom i nosim gitaru, selo misli došo Elvis Prisli”). Onda su mu se objasnili da on igra v obrane i ne dava gole i se je leglo na svoje mesto. Deset put. Pa ti mene, Miro, nekaj pripovedaj… Niti Kosta ni više mogel odigrati pol reprize kak kontra Šilakovine da je je v prve minute šokeral, Juve je falelo pol koraka, tulko je Števa imal viška, Popaj je v manire Tomasa rešaval pitajne zvezde Štefankov samo suci nisu imali preveč razumevanja za takov pristup. Iako se to po rezultatu nebi reklo najboli pojedinec bi bil golman, ni preveč krif kaj je tulko dobilo po čuče. Navlekli su ga.

V sudaru dve Opatije pobedila je ova bez filtera, il prideva, i to zasluženo. Strelci su bili mešoviti i “hombinovani”, zvezde nit na pomolu, si igraju i si zabijaju. Švarcu su se raštelali nišani i negdo bi ga trebal otpelati na rektifikaciju a ovi drugi nisu imali koncentracije do kraja inače bi bilo frčno. Kak se ono veli; da baba ima * bila bi deda i da ima osem kotačov zvala bi se autobus. A dok je ne zraste međunožno guralo i četiri osovine bumo se delali da je Opatija bez filtera bola od Opatije z pridevom. Most i na tablice; temelna matematika mi nigdar ni bila jakša stran. Jel znaš računati?

Ono kaj je trebalo biti gusto i čupavo ispalo je retko. Čini se da se Ilovača strošila kontra Bune Barbariče tak da se nisu mogli povezati Pri šepave kobile i se kaj je išlo ni išlo tam de je trebalo. Nošena najbolem strelcom Poleta Šika se diže i v igre i na tablice a posle prvoga gola se je več bilo leže. Joža maestralno dirigera z obranu i napadom  Balerin kak spoj Zekoslave Huljič i Stipice Kalođere z mrvicum Remija Kazinotija. Kak je to jenum prilikum konstateral Ruzli i z tum izjavum otišel f povest; jen den si heroj a drugi…

Jen Krpica na terenu je malo i za neozbilnešu ekipu od Glumcov a da za Bunu igra mali Zlodi most su i dva premalo. Oslableni za poglavicu i Oberštrumfbanfirera i sponzora personalizeranoga v jene osobe Krpiči nisu mogli dojti nit do gola a o bodu nit da ne govorimo. Buna je odigrala jenu šahovsku partiju teru kak da su zvlekli z sve arhive pod naslovom “Hajde da se igramo” i tu bi i jakše ekipe pocicale tere bi jem “dale da se igraju” a Krpiči su jem otprli vrata i držali lojtru. Čak niti publika ni mogla pomoči Ruševcu jel je je na vagu dobil Dremek kaj je konačno uspel najti puta i zabludeti na Ligu. Da smo več pri vrate na ista je naveliko pokučila Recesija jel su Glumci počeli bosi igrati kak v Rimu v amfiteatru prije Jezuša.
Leptiri su preleptirali kratko kratke Čigre v jene jednosmerne utakmice kaj se na kraju pretvorila v dvosmernu a mogla se pak pretvoriti v jednosmernu da se mesto na poluvremena igra na četvrtine. V tem bi kontekstu , 4X15, v trejte i četrte četvrtine Čigre zakuvale poparu Leptirom. Pred kraj utakmice da je koncentracija Kravarske popustila Jaguštanovec se diže z mrtve prek Kikija i Jagode ( da of puca golmani bi trebali nositi kacige). Onda se čovek pita da de su bili celu utakmicu, kak to da su došli na utakmicu samo na kraj, jel postoji apsolutna istina, jel ima živoGa v svemiru, do je vužgal žitek, do je kral oreje..?

Neznam jesmo negda videli da je cela ekipa dala gole, kak je to napravila Buna Vincekom. Čisto bratstvo i jedinstvo. Vinceki su pokazali da znaju i moreju od noge do noge ali večinum igraju na buf tak da tu ni bilo kruva. Tomo je kak tak dihal dok su se si vračali ali da ekipa ni zvadila povratnu kartu mogel si je samo zapopevati onu od Laufera dok se prašina oko nega slegala; “Ostao sam sasvim sam da leeeeežim na suncu…” Mac je poriktal z jenem svojem golom da to malo kulturneje zgledi ali ni uspel popraviti opči i umetnički dojam.
Of tjeden pak imamo dve stanice križnoga puta, prva je bunska “Kurilovečka dubrava” na Route 31 a druga “Kukuvačino gnezdo” negde Cerovskem vrhu. Posle toga bi trebalo biti “laganini” osmem mesecu.

http://www.forumgorica.com/sport/9-malonogometna-liga-vukomericke-goric-2012-mnlvg-9/msg45234/#msg45234

* * * * * * * * * * * * * * * * * * * * * * * * * * * * * * * * * * * * * * * * * *

 http://www.forumgorica.com/sport/9-malonogometna-liga-vukomericke-goric-2012-mnlvg-9/msg45311/#msg45311

* * * * * * * * * * * * * * * * * * * * * * * * * * * * * * * * * * * * * * * * * *

15. KOLO se igra : 05.08.2012. CEROVSKI VRH, 15,OO VUR

NOVO BRDO – HOTNJA 5-0
LIJEVI STEFANKI – KOZJAČA 2-0
OPATIJA – BARBARIĆ 3-1
DUBRANEC – GLADOVEC 4-1
DONJI HRUŠEVEC – GORNJA OPATIJA 1-1
KRAVARSKO – ŠILJAKOVINA 3-1
MALA BUNA – VELIKA BUNA 0-1 (igrano tjeden dan kesneše)
CEROVSKI VRH – AUGUŠTANOVEC 2-1

Hajka na vuka a vuk v šume

Lepo smo se zjatili v “Kukuvačinomu gnezdu”, kulko nas je got stalo nutre. Spočetka nas je pomalo * sunce, topla pijača, mrzli konobari, pobirači lopti,… vglavnem dečje bolesti ali je posle se došlo na svoje. Od previkanoga igrališča je ostalo malo a posle Lige više ni trave ni za lek ali je pustinja solidna a oprašivanje obilno. Kak na bauštele, iza mešalice. Simpatičnem Vincekom v pomoč su priskočile jake snage Mike i Žike; Žika je bil na ispomoči na šanku a Mika si je zel odgovornu službu semaforiste (buduči da si ni zel tamburu se primedbe na negov posel su se mogle ručno dati po * ) i “narisal” je igrališče. I si su znali da je to negvo delo… Kak to Robi popeva; “Ja imam svoj hod, v govoru kod a * mi dotiče pod…” tak valda i naš Mika ima svoj kod v cajhnajnu igrališč.

Miši nisu dali Bebam ni najmejnu šemsu da dojdeju v šemsu za šemsu da bi k golu prismrdeli. Vrnul se Panki i sa bolumenta z Glavnoga štaba a navijačice su malček kakti zakazale. Bebe su došle bez tate Zlatka i od se četiri golmane kulko je imaju na raspolaganju nisu zeli ni jenoga nek su na strelkanu vrgli najširšega od sebe. Problemi za Bebe su počeli da je obrana zamenila strane i gole pak se više ni znalo do kam udara. Da se to posložilo z uskovitlane prašine su počeli navalivati Miši kak nori i Bebe su časno pale. I ode moj osečaj za filing.

Utakmica Manekenof i Bojsof je počela z minutum šutnje radi nemile događajov kaj su se natrefili vjutro. Ni četiri Pefci nebi bili dost da reše enigmu zvanu Bojsi a kamoli tri. Da su “potonji” osigurali rezultat zaprli su se v bunker a Manekeni nisu mogli kluča najti. Mala ali prebrana ekipa Štefankov posle par čudne utakmic na početku letošne Lige suvereno vlada svojum sudbinum, osim v slučaju više sile. “Stroj koji sve melje” je naglo pogubil večinu vitalne talov tak da bi letošna Liga mogla završiti “slobodnim padom”. A ovi z Dolnega doma tablice samo debaju takve kampanjske đake kak torci il lisjaki.

Letos iznimno dobra ekipa Tigričev z Opatije je rano došla na “Kukuvačino gnezdo” of put ne radi pre/zagrijavanja nek radi kibicanja (sigurno nisu došli raneše radi tople pive) a pred utakmicu su se samo malo “podgrijali”. Rođeki su došli na megdan nabrušeni od čera, brojni i volni, od mladoga Zvone do nebaštakmladoga Draša, spremni za velika dela, z putujučum karavanum navijačic/ov. Draš je bil malo bled, sigurno radi pijače, samo neznam jel radi manjka il viška, tak da ni mogel dati više od maksimuma . A i maksimum je bil premalo protiv ratnički raspoložene Tigričev teri su da se kapetan Žac ozledil našli dostojnu zamenu v Maze i prehitili v brzinu više. Dok je se to promatral ponosni kapetan z nogum v škafu i pivum v ruke.

Ilovača je posle čerašne demontaže protiv Švabof ozbilno svatila pretnju zvanu Gruntovec i za “Kukuvaču” priredila jenu od najjakše ekipe ak ne i najjakšu. Buduči da se Gruntovčani nisu nadali rošade linije Ilovače, v tere je napad igral obranu a obrana napad, i još ne sprobanomu sastavu 4-4-2 utakmica jem ni dobro sela, za razliku od pive, po naruđbe lajene, v zdencu, na 46 metri glibline. I najjakše malo kakti * da napadju protiv napada a brane se od obrane; kakda bi juvu jel i vodu pil. Još gorše od luka i vode. Ali, se je dobro kaj se dobro završi. Jenem pobeda i bodi a drugem gol, posle suše saki dobro dojde. Ilovača pomalo premišla kak bu vr` Gornega doma zgledal o Velike meše a misli Gladovca su više okrenute k dnu Dolnega doma i borbe “kontra” zajdnega mesta.

Niti “B” sastav Krpičef ni dost da bi se pobeda zapisala. Zostanek važne kotačof i kotačičef bil je presuden za korak manjka i nedostatek sape. Čak nit nazočnost glavnoga sponzora z svojum svitum ni bila od presudne važnosti i pomoči. Ali je bilo dost da se pod kontrolum držiju letos prekojako neugodni Švabi terem nit igranje golmana Tute v špice napada ni donesla prednost. Joža je probal v stilu Karpolja motiverati ekipu z jenum mešum i propovedi ali situvacija na terenu je bila takova da je nit Križni put nebi genul.

Čak su se i tiči na grane spominali da se Šika spravla na “Kukuvaču” v najjakše deluxe ekipe da otkanta, nakanta i pomrsi račune Leptirom. Utakmicu su z velikem zanimanjem i pažnjum popratili si z Gornega doma tablice jel je ova most kluč za puzanje prema gore. Dugo se igrala “0” i po bod je bil sakomu v žepu, za Štefanke idealna mera, a onda je zapuškaralo. Da se prašina slegla rezultat je kazal da je Kravarska bole prešla, i to bez Anđe, a fešta je mogla početi i druge aktivnosti i utakmice kak sledi; dudanje mrzle, po naruđbe lajene, slaganje Eifelovoga turna od gajbi, sabor ekipe oko turna, pripovedanje nogometno-lovačke, prepucavanje z “Elitum”…

Posle duuuge stanke, radi neodigravanja utakmice MAB – VEB, v tere si je Pevec zapopeval par šlagerov od Đimija Staniča i da su na zagrijavanju zakuvali kileri mejne sposobne počela je utakmica dana. Mladobudna ekipa Čigri je ozbilno svatila ispit zrelosti protif Vincekov jedino su si v žurbe zabili zeti nišane, il jem se nekaj drugo pošemerilo, jel gola nisu mogli pogoditi nit pot razno. A most su se bili ranili težeše na Bune Minor dan prije. Nit Vinceki nisu kazali “Barcelonu z Vrhovja”, prije “Anemiju”, dok rodonačelnik ekipe ni zišel nutre. A onda je Vinca pokazal školski primer vojne doktrine pod nazivom “Tenk u potpori postrojbi u napadu” i “Tenk u potpori postrojbi u obrani” i preluknal Čigre kulko je bilo treba put za pobedu. Ni baš posle utakmice bilo ludilo, ni bilo nit veselje nek više uzvišena samozatajna dostojanstvena radost. To je bilo crticu ober osečajof kaj su je kazale Čigre.

Kaj je interesantno? Još. Gladovec je posle 9 kol pal z 15. mesta na 16. 9 kol su bili 15. (!!!?) a nisu bili zajdni (osim v prvem kolu). Ovo je za statistiku, čovek nezna kak bi to nazval, perpetum mobile, balanseranje, naturalna mistika, ..?

Posle utakmic sudačka dvojka je imala temu pod “razno” znanu, poznatu i priznatu kak “Pitanja i zadaci” v teru su se vuklučili si (za)ostali na “Kukuvače”. I treba je bilo prematati kilometre i kilometre filma i vrteti sekvence i kadre, fokuserati “Škajnčevo oko”, iskati arbitražu i nezavisno mišlejne do je koga, de, komu, kak i zakaj kaj. A se to pod, prek i vuz Mrzlu.
Najte kaj zameriti.

http://www.forumgorica.com/sport/9-malonogometna-liga-vukomericke-goric-2012-mnlvg-9/msg45331/#msg45331

* * * * * * * * * * * * * * * * * * * * * * * * * * * * * * * * * * * * * * * * * *

16. KOLO se igra : 12.08.2012. OPATIJA U POKUPSKOM, 15,00 VUR

VELIKA BUNA – CEROVSKI VRH 4-0
ŠILJAKOVINA – MALA BUNA 2-4
GORNJA OPATIJA – KRAVARSKO 1-1
GLADOVEC – DONJI HRUŠEVEC 3-5
BARBARIĆ – DUBRANEC 0-4
KOZJAČA – OPATIJA 0-3
HOTNJA – LIJEVI ŠTEFANKI 0-2
GORNJI HRUŠEVEC – NOVO BRDO 0-4

Črne oči i beli luk

“Tužna je nedjelja” da se zna da domačinstvo ima ekipa z “pedigreom” za takove stvari a v Škrinaričevomu carstvu kak da je dan žalosti.
V prve, il nulte kaj se igra v terminu prve, i sl. dubioze, utakmice Mirini Vrapci pak nisu mogli složiti pod noge kumove Glumce. Padala kiša, tuča, sneg il zijalo zunce rezultat je navek isti. Iako je nisu uspeli rešiti v međusobnem okršaju još igra nekakova šansa da je prestignu na tablice.

V prve posle prve pak su igrali Glumci i glede i unatoč solidnomu zalaganju, i malo zakešnele nazočnosti rodonačelnika ekipe kaj je doma su gospodariju moral radi ove utakmice ostaviti, pozitivno rešili predzajdnu štenženicu zvanu Cerovski vrh. Sad, jel “krif” friškopečeni killer Zlodi il deda Huđber kaj si je došel malo tenesice razgaziti mejne je bitno. A onda je počelo urnebesno slavle kak več znaju slaviti šmekeri z iskustvom, a bog moj, nisu bili jemput prvi, i potrajalo je se dok ni završilo. Letos v nedostatku pobede počeli su slaviti i poraze. I to kak! Mogli bi dati poduku, il pomoči, Mišem, kaj su dost “dostojenstveno” podnesli prvo mesto, kak se to dela.

Hudi Švabi pak su zagorčali život Laptiričom. Da se to redovito događa onda se ista situvacija da opisati z jenum rečjum; “Mušterija”. Lani su je koštali prvoga mesta a bumo videli jel je letos budu koštali drugoga. To je bil Danijelov 5-i gol i sad se izjednačil z drugem strelcem Švabof, stanovitem BB, kaj je sam Kojzače piknul 5 komadi.  XĐ A do je prvi strelec GOPa, zna se.

Da je čovek sponzor jene ekipe onda je on “sponzor”, da je čovek sponzor dvemi ekipami to se zove “generalni sponzor”, e a da te dve ekipe igraju jena proti druge onda se to v breške terminologije zove “problem”. (Ak je čovek sponzor cele Lige onda se to zove “totalni sponzor” i on ima * do poda teri stoji kak da ga je trknula dugša želežnička kompozicija puna vijagre a ak merne, kojem slučajem, onda se na “orginal les” “prihefta” još jen les primerene veličine za, jel da, hmmm, da, zna se…itd.) Generalni je mislil kak doskočiti neučinkovitosti svoje pulenov br. 1, mislil, mislil, mislil, …i onda se setil! Zakaj jem nebi mesto posle utakmice platil pive prije utakmice!? Za saki slučaj je još navrgel jedno hodočaščenje i spoved i tak napravil idealnu revnotežu zmed duhovnoga i fizičkoga, odnosno Ožujskoga. I činilo se da je to to da v prve minute Krpiči trgaju mrežu Gruntovca ali da v idučem napadu Gruntovčani vračaju rezultat v egal počimaju muke po Danijelu. Jel osma piva bila preveč, jel trebalo devetu otpreti, jel bi podšprajcati z rakijum, da se proba malo i z lakemi drugami, je malo van zakona ali do ni… Jel krif ovaj kaj se z mora vrnul prije utakmice, kaj je mene ovo trebalo, kakovu taktiku zebrati za drugo poluvreme, drugu utakmicu, drugu Ligu..? Utakmica je završila pozitivno ali su dubioze ostale.

Pozitivno je završila i utakmica zmed Ilovače i Rođekov, za Ilovaču. Ilovača je pokazala školu nogometa na Kupe nazočnemi de je osečaj bil “kak protif Bune”. Kaj je trebalo zajti zašlo je a Ilovača je stala kak retko da letos. Kak je to jen moj stareši kolega rekel da su ga pitali jel kam more; “Nigdar mi ni stal tak kak mi sad stoji.” Rođekom ni pomogel nit ulazek onoga čije ime sad nečemo spominati. Jel Ilovača more dvaput za redom ostaja nam da vidimo.

Manekeni v, letos standardnem, krnjem sastavu su bili lak plen za stampedo Tigričef terem letos ideeee… Veli se da do nema sreče v nogometu ima v zabavami, il tak nekak nekaj, i to bi se ne odma, ne sad, ne mam nek istoga momenta moglo primeniti na Tigriče i Gruntovčane.

V ove tekme nadprosečno dobre Bebe su morale potpisati kapitulaciju protiv zahuktale Bojsov. Dugo se držala 0 dok Bojsi nisu prebili v.d. golmana Bebe ali ni onda se Bebe ne raspadaju i dobro stoje. Bojsi letos visoko lete…

Prije zajdne tekme Legendarni Mika je probal uspostaviti dobrosusecke odnošaje z Miši “u svezi glede malog mede, čimbenika ukrudbenog” i puščanja tekme tera Brdu ne znači puno a Čaplam bi bila kak kiša v suše. Cena od 10 gajbi je bila previsok prag za Obade, tulko nemreju nit popiti a kamoli platiti, i bilo je treba zasukati štumfe. A utakmica, tehnički tu negde, rezultacki tam negde, na Brdu. Novomu. V “zajdne minute” tera je počela teči 10 minut prije kraja, tehnički direktor je dobil šemsu da si z* nogu i skoristil ju je 100%. Još se nezna kak je prešel v okršaju z ženum po pitajnu s* noge, fizičke (ne)aktivnosti i video dokazov i jel se bu prikazal v Dubrancu, kak posledica prijespomenutoga. A onda je počelo slavle, 1. epizoda. 2. bu v Dubrancu a scenaristi još nisu povedali kulko bu epizode snimleno. Ni de.

Kak i sako leto o Velike meše si puti vode na turopolski Olimp na finale Lige. Utakmice; med, mleko i kamilica, “dan posle” se dela, tak da nebi trebalo biti problemof. Ali… Sako leto v Dubrajncu pukne prazna puška tak da bi moglo biti i letos žarafke. Jeno leto je zapuškaralo zmed Ilovače i Šilakovine, pak onda zmed Ilovače i Barbaričef…
A do bu igral, ludi moji, samo jangeli znaju. Želko je mam v osmem kolu rekel da je treba kapariti “Elitu” jel drugde ni kruva. Do bu- da bu, trebal bi početi mam ob tre da pospeši “šankerske radnje” inače ode narod i dale i domom.

http://www.forumgorica.com/sport/9-malonogometna-liga-vukomericke-goric-2012-mnlvg-9/msg45390/#msg45390

* * * * * * * * * * * * * * * * * * * * * * * * * * * * * * * * * * * * * * * * * *

17. KOLO se igra : 15.08.2012. DUBRANEC, 15,00 VUR

LIJEVI ŠTEFANKI – GORNJI HRUŠEVEC 5-2
OPATIJA – HOTNJA 5-0
DUBRANEC – KOZJAČA 1-2
DONJI HRUŠEVEC – BARBARIĆ 2-2
KRAVARSKO – GLADOVEC 5-0
MALA BUNA – GORNJA OPATIJA 7-2
CEROVSKI VRH – ŠILJAKOVINA 5-8
AUGUŠTANOVEC – VELIKA BUNA 0-5 BB*

 * * * * * * * * * * * * * * * * * * * * * * * * * * * * * * * * * * * * * * * * * *

LOJTRICA POSLE 17. (ZAJNOGA) KOLA