VTV televizija
e-vundano: 17. srpna 2012.
26. Etnofestival ”Cvetlin 2012.”
Letos je nastupilo 15 zestavov (sastavov). Po odluke ocejnivečkoga suda prvo mesto pripalo je članem “Haubiksov”, dok je publika svoj glas dala Mladem Cvetlinčancem. Se v semu cvetlinski festival još jemput je dokazal kak je najvekša vrednost očuvajna duha tradicije, odnosno zvirnosti i posebnosti domače kajkavščine.
Piše: Martina Konjevičova
Originalnost i doživlaj – dve su reči z teremi bi se mogel opisati Etno festival v Cvetlinu, a teri je ovoga tjednokonca (vikenda) doživel sve 26. vundajne. Se je počelo leta 1984., gda je održano prvo natecajne glazbene zestavov (sastava), a teroga su poteknuli sami meščani. Od prvoga, pa do ovoga zajnoga vundajna – organizator festivala je Dobrovolno ognogasno društvo Cvetlin. Verni posetiteli festivala, kak i sami sudioniki sečaju se negve simpatiče početkov, a oni neke mlajši moru samo vuživati v pripovesti sve roditelov, mamic i japekov o početku jenoga festivala teri des okupla na jezera (ilade) posetitelov. V Cvetlinu ne treba očekivati paradu novokomponerane skladbi z perfektnem zvođejnem i koreografijum, niti glazbene “zvezde”. To je festival na teromu se okuplaju “muži z brega”, vu pravilu amateri, teri su došli pokazati kak su oni nafčili igrati od sve stareše. Zafalujuč cvetlinskomu festivalu sako leto pojavluju se i mladi zestavi teri su garancija opstanka te glazbe i v dojduče vreme. Jeni ojdni je i zestav “Mladi Cvetlinčan(c)i” terem je ovo bil trejti nastup na etno festivalu. Vunatoč stoletne izoleranosti bednjanskoga kraja, izselavajna mlade, ovakva vrsta glazbe senak se vuspela očuvati i des se prepoznavle kak neke posebno, a Cvetlin barem na jen dan postane mesto zestanka mlade i stare, mesto zestanka lokalne meščanov, ali i mesto zestanka one teri su drobcom za kruvom otišli z Bednje, ali teri se navek rada vračaju v svoj rodni kraj. Jen od verne posetitelov festivala je i Ivan Jarnjak, teri navek z špinčejnem iztiče da dohaja z Bednje i rada se vrača v svoj rodni kraj. Ov put v role saborskoga zastupnika, al najpre kak višeletni prijatel Cvetlinčancov – festival je posetil i gradonačelnik grada Lepoglave Marijan Škvarič. Festival je prepoznala i Varaždinska županija tera je i jen od negve pokrovitelov. A da na jezera i jezera posetitelov ne ostane lačno i žejno – pobrigali su se delatniki hotela v Trakoščanu. Sedem kuvarov bilo je tak zaduženo za pripremu odlične kotlovine i odojka na ražnu, dok je 40-tek konobarov pazilo da saki ima punu svu kupicu. Na koncu ne smemo pozabiti ni na pobednike 26. po redu Etno festivala v Cvetlinu. Prema odluke ocejnivečkoga suda prvo mesto pripalo je članem zestava “Haubiksi”, dok je publika svoj glas dala Mladem Cvetlinčancem. Se v semu cvetlinski festival još jemput je dokazal kak je najvekša vrednost očuvajna duha tradicije, odnosno zvirnosti i posebnosti domače kajkavščine.
* * * * * * * * * * * * * * * * * * * *
Cvetlin 2012 vtv-dnevnik, 3:10
Varaždinska televizija dnevnik 16. 7. 2012 o festivalu
*
*
* * * * * * * * * * * * * * * * * * * *
Cvetlin 2012 početak festivala, 4:02
festival na Cvetlinu
(slikovnica):
https://picasaweb.google.com/118440878816802416417/20120714CvetlinFestival?authuser=0&feat=directlink#
vide(l)o:
*
