Pregled tisKAJna / Blog i Hrvati

Vuz Veliku Malu Gospu leta 2012.
Mala, Velika m(oj)a …..

Dnevnik
boltek – Sri, 15/08/2012

Gospa, Nacek i Hrvati

Hodi sim sinek moj pametni. Ve bumo mi tu razvuzlali se kaj je zvuzlano.
Majka Božja jako dobro zna gdo smo, kaj smo i gdi smo. Zna ti ona, picek moj mali, da ju zovemo Kraljica Hrvata. Pa kaj se onda baš mora ukazati da bi mogli vjerovati u nju. Morti se ukazuje onima ljudima koji su posumnjali u nju. Ni ti ju nisi videl pak vjeruješ u nju. Ni ja ju nisam videl. Ni Boltek ju nije videl, hmmm no o njemu ne, bi štel trošiti reči.
Vidiš Nacek , ak si vjernik sama reč ti govori da vjeruješ. Puno toga ljudi ne vidiju ali vjeruju. A sad lepo hodi spat znaš da zutra imamo dve mise, pa kak bu izgledal moj glavni ministrant ak se ne bu naspal.

Malo je toga ostalo što bi nas genulo da se zestanem s starim prijateljima.
Da se zmislimo kak je negda bilo i da bar črez vjersku svećanost i tradiciju
osjetimo da smo negda si bili deca. A danas je takav dan.

Jučerašnje celo popodne i celu bogu noćku delali smo pripreme za prošćenje koje je pri Lajavcu ( u Svetoj Mariji ili socijalističkoj, Mariji na Muri) na svaku Veliku Mašu ( Mešu ) kak veliju Međimurci ili bilo bi to 15.08. na dan Uznesenja Blažene Djevice Marije ili Veliku Gospu. (Ima i Mala tam u devetom mesaecu)
Na taj dan zidemo se si kaj držimo do tradicije. Ne samo vjernici. Ima tu i negdašnjih komunista, partizancov, ali se najdu i oni s negdašnje druge strane. Ni jednima ni drugima ni na kraju pameti pripovedati gdo je koga naganjal kak , gde i zakaj. Danas od artritisa i reume nemreju bežati.

Mi „muški“ slažemo stole i klupe, delamo binu, čistimo cintor, a ženskice z cvetjem kitiju kipove, oltar, i sve drugo kaj se okititi treba. Penju se na lojtre da bi dosegle gornje horizonte v crkvi, i tu pada u vodu ona da starčeki nemreju bežati. Njih tri četiri bežiju da bi držali lojtre, s pogledom uprtim prema… ajd bumo rekli nebu.
Navečer oko devet vur došli su i prvi licitari. Sa srčekima konjekima , bebicama, ali bogme i s gvercom ( gvirc). Na drugoj strani majstori od ringišpila, već su složili gotovo celu automatiku i isprobavaju razglas za muziku. Sused Frontovec se stvori kraj mene s nekoliko flaša gverca i upita me. Se zmisliš kak smo nekad terali ringišpil? Kak se nebi sećal. Onda ni motor teral. Nas osam smo deset rundi gore na podestu gurali da bi se jedamput mogli zabadav vrteti. Onda ni bilo motora da tera ringišpil. Jebemti po rasporedu na košarama si videl koja puca se kojem dečku dopada.

Već se skmičilo i drobec je počel kruliti kad se osetil davno poznati miris.
Došle su žene i puce s još vručim gibanicama, perecima i kolačima.
Ajde plahuteri. Natočimo čaše i živjeli viče Frontovec. Ovo je pravi gverc, a ne sveta vodica.
Polako antikristuši jedni. Iz mraka stiže župnik i sjedne kraj mene. Daj i meni jednog natoči, s više leda.
Onaj tko ne zna kaj je gverc grdo bi se fkanil. Ovaj kaj smo pili brat – bratu je bil 12-13 gradi. I malo po malo jezik se čoveku razveže i nek sam vrag ako sad vjutro morem točno povedati kaj ta naša deca v svoji mali glavi premišlaju. Mali Nacek koji celi dan ( bar tak veli njegov otec Leni) celi dan provodi v tim elektronskim i digitalnim pizdarijama na jemput kak z neba pak vrebra zapita velečasnog.
Velečasni pa kaj smo mi Hrvati tak zgrešili ?
Na kaj to misliš ? Velečasni se okrene Naceku. Kaj pak mudruješ?
Pa kaj ne vidite i sami. Svugdi po svetu se Majka Božja ukazuje. V Lurdu, dečici, u Fatimi dečici, u Međugorju dečici. Samo tu kod nas u Hrvatskoj nikomu se ne ukazuje. A i slučajno ako netko veli da mu se ukazala Majka Božja, veliju da je pijan ili da je za norchaus. Pa kaj smo mi kaj lošiji vjernici od onih v Lurdu, Fatimi ili Međugorju, ili pak nas jednostavno ne voli i neće nam se ukazati.
Velećasni najprije otpre usta duboko udahne i zbunjeno odgovori.
Nije ti to baš tak kak si si ti v svoji tintari premislil. No nije stigel dalje kad mali opet započne.
Kak nije. Je li to jedna te ista Majka Božja. V Međugorju, Bistrici, Sinju, Lurdu i po celom svetu. Ak je zakaj kad se ide na Bistricu jedva napunite jedan autobus, a kad se ide v Međugorje ni dva vam nisu dosta ? Pa kaj je naša Majka Božja manje vredna ?

Nastal je muk. Čekali smo da se s neba na Naceka vupreju se strele božje.
Na naše čuđenje velečasni se nasmije i reče.
Hodi sim sinek moj pametni. Ve bumo mi tu razvuzlali se kaj je zvuzlano.
Majka Božja jako dobro zna gdo smo, kaj smo i gdi smo. Zna ti ona, picek moj mali, da ju zovemo Kraljica Hrvata. Pa kaj se onda baš mora ukazati da bi mogli vjerovati u nju. Morti se ukazuje onima ljudima koji su posumnjali u nju. Ni ti ju nisi videl pak vjeruješ u nju. Ni ja ju nisam videl. Ni Boltek ju nije videl, hmmm no o njemu ne, bi štel trošiti reči.
Vidiš Nacek , ak si vjernik sama reč ti govori da vjeruješ. Puno toga ljudi ne vidiju ali vjeruju. A sad lepo hodi spat znaš da zutra imamo dve mise, pa kak bu izgledal moj glavni ministrant ak se ne bu naspal.
Idemo dečki još rundu pravog donatorskog gverca, pa da se posel privede kraju. Sutra buju za peneze točili onog razblaženog.
Ovo sam napisal danas (po sjećanju nakon naporne noći ) dok sam pazil, i podleval racu (patku) u pečnici a ljubav mog života otišla na misu.

PS
Znaš s kaj sam na doma. Samo moram paziti. Djetinjstvo sam proveo u Međimurju i govorim starinski KAJ da me i mladi međimurci bledo glediju. Kak dečko srednjoškolac puno sam vremena provel u Golubovcu med rudarima i kod prijatelja. Oženil sam se pucom iz Novigrada na dobri, a već 30 let imam kuću u Velikoj Jamničkoj. Vidiš svaki taj kraj ima specifičan kajkavski, pa kad pišem se neki put zmotam. No u govoru ne.
Sve te različitosti su naše bogatstvo. Najteža je Zagrebačka kajkavština.
Spremam se na zabavu u Gospinu čast. Nakon tretje litre niko više nebu kužil kak ko govori.

http://pollitika.com/gospa-nacek-i-hrvati
http://pollitika.com/blog/boltek

* * * * * * * * * * * * * * * * * * * * * * * * * * *

Ima jedna Mala Gospa …

Klapa Janjevo – Gospa Marija (Antun Gustav Matoš), 03:28