32. Smotra dečjoga kajkavskoga pesništva “Dragutin Domjanič” održala bu se v Sv. Ivanu Zeline 20. listopada 2012. Početek programa predviđen je ob 9 vur gda bu v Gradske večnice vupriličen doček sudionikov i uzvanikova Smotre. Iza pozdravne reči domačina – dr. Vlade Žigroviča, gradonačelnika Svetoga Ivana Zeline, promovirana bu zbirka pesmi Smotre naslova “Oblak, najdi me!” a potlam sledi spominek o primerima dobre prakse vpelavajna kajkavskoga jezika v školski obrazovni sustav. Prvi tal središnoga, recitalnoga tala programa počme ob 10 vur v Dvorane “Kraluš” Pučkoga oprtoga vučilišča Sv. Ivan Zelina, a vuz 32 najbolše ovoletne mlade kajkavske pesnike teri buju sami reciterali sve pesme, v programu bu sudeluval Dečji zbor “Klinci z Ribnaka” ter glumci Dečje scene Zelinskoga amaterskoga kazališča “ZAmKa“. Klinci z Ribnaka vpelali nas buju kratkem koncertom i v drugi tal programa v teromu buju vuručene nagrade najvuspešnešem sudionikem 32. Smotre. O dobitniki 9 od vukupno 10 nagrad odlučuje stručni ocejnivački sud Smotre teri i ovo leto dela v zestavu (sastavu) dr.sc. Ivo Kalinski, prof.dr.sc. Joža Skok i dr.sc. Božica Pažur. O dobitniku desete nagrade odlučuju glasuvajnem si gledateli programa. Vredne novčane nagrade i poklone dijakem (vučenikem) osigurali su Grad Sv. Ivan Zelina, Zagrebečka županija, Kajkavsko spravišče, Ilustrirani dečji list Radost, Pučko oprto vučilišče Sv. Ivan Zelina, T-Mobile Hrvatska, DI Zelina d.d., Metal-elektro d.d., Građevinarstvo Stipič, Fučkan d.o.o., Večerni list i Profil International. Program pela dramski umetnik Vid Balog.
Vulaz na Smotru je sloboden!
Smotra se održava pod visokem pokrovitelstvom Ministarstva kulture ter Ministarstva znanosti, obrazovajna i športa, a supokroviteli događajna su Zagrebečka županija i Grad Sv. Ivan Zelina.
Osnovni podatki o 32. Smotre
http://www.pou-zelina.hr/smotre/32-smotra/167.html
Tekst Natečaja
http://www.pou-zelina.hr/images/stories/Smotre/32/Natjecaj_32_Smotre.pdf
Pesme pristigle na natečaj
http://www.pou-zelina.hr/images/stories/Smotre/32/Popis_pjesama_pristiglih_na_32_Smotru.pdf
Zdelovine zebrane za objavu v Zbirke pesmi
http://www.pou-zelina.hr/images/stories/Smotre/32/Pjesme_u_zbirci_32_Smotre.pdf
Sled izvedbi pesmi
http://www.pou-zelina.hr/images/stories/Smotre/32/Redoslijed_izvedbi_pjesma_32_Smotre.pdf
Škole tere sudeluju na Smotre
http://www.pou-zelina.hr/images/stories/Smotre/32/Skole_na_Smotri.pdf
Pozivnica
http://www.pou-zelina.hr/images/stories/Smotre/32/Pozivnica_32S.pdf
Programski letek
http://www.pou-zelina.hr/images/stories/Smotre/32/Program_32S_www.pdf
Plakat
http://www.pou-zelina.hr/images/stories/Smotre/32/Plakat_32S.jpg
Zbirka “Oblak, najdi me!”
http://www.pou-zelina.hr/images/stories/Smotre/32/Oblak_najdi_me!.pdf
Turopolska forumgorica
Smotre dečjoga kajkavskoga pesništva “Dragutin Domjanič”
2009.-2012.
http://www.forumgorica.com/dogadaji/29-smotra-decjoga-kaj-pesnistva-d-domjanic-sv-i-zelina-24-10-2009/msg46571/#msg46571
Pubertet.mp4, 0:57
Anja Hoge, 6. razred OŠ “Petar Zrinski”, Čabar Voditeljica: Marina Hrga-Arh, prof.
