Vaduz (Liechtenstein)
Izložba “V teromu grmu leži zajec?” hrvatske umetnice Rajke Poljak
(V) četrtek zvečera, 20.9.2012., oprta je v Kleintheateru Schlösslekeller v Vaduzu izložba slik hrvatske umetnice Rajke Poljak pod naslovom “V teromu grmu leži zajec”.
Opirajne izložbe modereral je Michael Reisinger. On je prečital kritički prikaz publicista i umetničkoga kritičara Al’Leua ze Züricha o Rajkinemi izloženi umetnički deli:
“Slike pejsaža i ludskog tela Rajke Poljak su rezultat intenzivnoga likovnoga raspravlajna z vlastitum je stvarnostju. Slike kažu motive svakodnevnice teri deluju banalno. Ali vute banalnosti se skriva tematski koncentrat teri se lako hitro more razviti v raj interpretacije.
Čez zdelovine Rajke Poljak čini se kak da duv pregajna neugodno pitajne o smislu i svrhe tradicijskoga postupka preslikavajna v dobe več zrele digitalne medijov, al i o vrednosti likovnoga znajna v suvremene umetnosti.
Rajka je slikarica tera proces vlastitoga likovnoga razvoja oprto, otkrito tematizera i čez to omoguča promatračem autentičen uvid v nejni životopis i nejna nastojajna.
Ne slučajno da se Rajka Poljak, poleg pejsaža, višekratno bavi z predstavlajnem ženskoga tela. Des je nedoteknuti pejsaž retkost i simbol zginuča idile. Pejsaž postaje se više žrtva se moguče oblikov “gospodarstva” i z tem mu je rauban, oroblen sam razvoj prirodnosti.
Lako je povleči paralele z aktuelnem ophođejnem z ženskem telom. Zdavna je zgubilo su onu bezbrižnost i objektivnu samospoznaju z preteklosti (prešlosti). Prek optičke medijov postaje se intenzivneše stilizerano na vizualni objekt. Negov izgled i pogodnost prezentacije v mediji su takaj klučni ocejnivački kriteriji za očekujuči standard v svakodnevnice. Izreka Sigmunda Freuda da je „anatomija sudbina“ je z tem dosegla još nigdar postoječu aktualnost.
Da bi moglo konkurerati žensko telo mora rajcati («Rajkati») z se rafineranešemi draži. Obleka v svemu našparnešomu obliku je samo jena od mogučnosti učinkovitoga povečajna privlačnosti. Neuobičajene pozicije il perspektive služe iste svrhe. Telo žene postaje tak nalik objektu orijenteranomu na koriščejne (nucajne), z inflacijskum erotikum vu-sebe, erotikum tera samu sebe dela mejne očaravajučum… ”
Zvir / obširneše:
http://www.croatia.ch/kultura/umjetnost/120926.php
http://www.vlado.li/2012/09/15/rajka-poljak-u-kojem-grmu-le%C5%BEi-zec/
* * * * * * * * * * * * * * * * * * * * * *
Nemačka ina(t)čica članka more se prečitati sim:
Vernissage “In welchem Busch versteckte sich der Hase?“ kroatischer Künstlerin Rajka Poljak
http://www.croatia.ch/kultura/umjetnost/120926_de.php
* * * * * * * * * * * * * * * * * * * * * *
(Delo na) vide(l)o:
Opirajne izložbe je z hrvatskemi pesmami glazbeno vuramila hrvatska glazbena grupa ze Švicarske i Vorarlberga v zestavu (sastavu): Ivan Hujber, Damir Kovačevič, Branko Petkovič, Štef Filipovič.
“V teromu grmu leži zajec?”
INTRO – In welchem Busch steckt der Hase? , 02:00
