POLEG JEDNE VELKE GORE
(IVANEČKE  SELE)

Pavica Hrazdira (versi), Rudolf Rajter (glazba)

Poleg jedne velke gore,
kada prejdeš mnoge dole,
tam buš videl nekaj belo,
to je naše ivanečko selo. (2x)

Gda buš išel malo dalje,
budeš videl lepše kraje,
tu su ljudi dobre čudi,
z vinčekom te saki rad ponudi. (2x)

Oj, Zagorje ti zelene,
saki te se rad spomene
i zdihavljuč večkrat v noči
suzica dohaja v tužne oči. (2x)

Sve u cvetju i u sreči,
srce ti bu moglo reči:
“Oj, Zagorje moje blago,
sakom sinu hrvatskom si drago.” (2x)

Zvir:
http://www.speleologija.hr/SOV/pjesmarica2.html

Note:
Str. 52. sim: http://www.plsavez.hr/hp-arhiva/197711.pdf

* * * * * * * * * * * * * * * * * * * * * * * * * * * * * * 

Znameniti Ivančani: Pavica HRAZDIRA
 
 
Predsednica HPD “Ivančica” Ivanec, kniževnica, rođena v Ivancu, 28.VI.1895., a mrla 11.III.1975. Med dvemi svetski vojni bila je aktivna sudionica ivajnskoga (ivanečkoga) društvenoga živlejna: spisatelica, amaterska glumica, predsednica planinarskoga društva i poduzetnica v rudarstvu.

Novele i pripovetke o ivajnske (ivanečke) sirotijne počela je pisati leta 1922., a vundavala je i pesme. Nejnu pesmu “Ivanečke sele”, kesneše preimenuvanu v popevku “Poleg jedne velke gore” vuglazbil je Rudolf Rajter, a oblublenost skladbe je vremenom postala tak velika da se smatra pučkum kajkavskum popevkum i ivajnskum (ivanečkum) himnum.

Prozne zdelovinei Pavice Hrazdire prožete su socijalnum i društvenum tematikum, verno oslikavaju teške životne prilike sela i rudarske familiji posle I. svjetske vojne. V “Varaždinskemi novosti” pisala je o lepotam Ivančice i delatnosti planinarskoga društva. Autorica je planinarske putopisov “Vuzduž po Hrvatskomu zagorju” i “Od Mangarta od Triglava”.

* * * * * * * * * * * * * * * * * * * * * * * * * * * * * * 

http://www.iportal.hr/clanak_.asp?ID=957

00:00 – 02:40 Poleg jedne velke gore
02:40 – 05:30 Pitomi bregi zeleni
05:30 – 08:30 Još jemput bi štel črez Zagorje prejti

KUD Rudolf Rajter Ivanec – Stari grad Varaždin, 08:30